Matayu 20:21 - Mutu (Oov)

²¹ Tovenen Yesu ighasoni ighaze: “Yom lolom pa sa mbeb?” Ye ipamuul aliŋa ighaze: “You naghaze muri, sawa to yom upatooŋ pooz tiom ivot ighazooŋ ve uneep izi ndug tiom, ghoro ughur ndinatug ru tonene tineep ila digem. Eez ineep ila pa nimam waan, ve ite ineep ila pa nimam ŋas.” Mt 19:28; Lu 22:30

Maaron Saveeŋ Tooni Patabuyaaŋ Tuam

²¹ Tauvene Yesu ighasoni ighe: “Yo lolom pa saa gabua?” I iyol aliiŋa ighe: “Yau naghe murei, saawe tau yo utotoi pooz tsio ivot ighazooŋ ve uleep izi nugh tsio, na ughur natugŋa ru tane tileep ila yo zigem. Ee ileep ila nimam tapir, ve ite ileep ila pa ŋas.” Mt 19:28; Lu 22:30

Matayu 20:21 Referans Kwoze

Matayu 19:28

Yesu isaav padi muul ighaze: “You nasaav payam kat. Sawa to Maaron igharaat mbeb tisob tinim papaghu, ve Tamtoghon Natu ineep ila ina to ghamuuŋ pooz toman ŋguruba ve tapiri tiina, yam to ataghon ghou, pale aneep ila inamim to ghamuuŋ pooz irau saaŋgul ve ru, ve aŋgin rumai saaŋgul ve ru to yes Israela. Lu 22:30; 1Kor 6:2; Syg 3:21

Matayu 18:1

Sawa tonenen, taghoniiŋa to Yesu tila toni, ve tighasoni tighaze: “Yes to titaghon pooz to ndug sambam, sei to iza tiina kat?” Lu 22:24

Uraat To Yes Mbaŋooŋa 1:6

Ghoro mbaŋooŋa toni to tinepneep tomani, tighasoni tighaze: “Tiina, vena? Sawa to ughaze ugharaat mulin nepooŋ to yei Israela leso taumai niŋgin ndug tiei, tau tonene?” Mika 4:8; Lu 24:21

Markus 6:22

Sawa tonenen, Erodias natu liva ilooŋ ila, ve itor ila matadi, le isad Erod toman ndita tonowen atedi. Tovenen Erod ipiyaav aliŋa pani ighaze: “Wais, sa mbeb to ighaze yom ughason ghou pani, you pale nagham payom!”

Matayu 20:32

Tovenen Yesu aghe tuŋia, ve ipoi di tinim, ve ighason di ighaze: “Yamru aghaze nagham vena payam?”

Kolosi 3:1

Maaron ipamundigin gham toman Krisi ve agham nepooŋ paghu wa. Tovenen yam irau azuaria gham pa mbeb to sambam. Pasa Krisi, ye ineep tonowe ila Maaron nima waan. Mk 16:19; Ep 1:20, 2:6; Kol 2:12

Rau Tau Paulus Iboode Pa Yes Roma Rom--Romans 12:10

Yam anim toŋvetaz to Krisi wa. Tovenen lolomim pa taumim kat ve agham poian gham. Agham ŋgar pa taumim izamim malep. Apait nditamim pa ŋgar popoia to yes tigham di. Ga 5:26; Pil 2:3; Hib 13:1

Yoan 15:7

Ighaze aneep tuŋia inim tiou, ve saveeŋ tiou ineep tuŋia ila lolomim ve ataghoni, yam irau aghason Tamaŋ Maaron pa sa mbeb to lolomim pani, ve ye pale igham mbeb tonenen ivot payam. Yo 14:13; 1Yo 5:14+

Lukas 22:24

Ghoro taghoniiŋa toni tiwazoran di pa todi sei to iza tiina kat ilib padi tisob. Mk 9:34+; Lu 9:46

Lukas 19:11

Sawa tonenen, Yesu ila igharau Yerusalem wa. Tovenen yes to tiloŋlooŋ saveeŋ toni, tighaze sawa to Maaron ipatooŋ pooz toni ivot ighazooŋ, nene inim igharau wa. Tauto Yesu isavia saveeŋ palelaaŋ tonene padi. Mbaŋ 1:6

Lukas 18:41

“Yo, ughaze nagham vena payom?” Ye ipamuul aliŋa ighaze: “Aa tiina tiou, naghaze yom ugharaat matag. Leso naghita ndug.”

Markus 10:51

Ila ivot toni, ghoro Yesu ighasoni ighaze: “Yom ughaze nagham vena payom?” Mata pisi tonenen ipamuul aliŋa ighaze: “Aa mos tau, you naghaze yom ugharaat matag. Leso naghita ndug.”

Rau Tau Paulus Iboode Pa Yes Roma Rom--Romans 8:34

Ve sei pale ighur atia pait pa sosor toit? Maau. Pasa, Yesu Krisi imaat pa sosor toit, ve Maaron ipamundigini pa mateeŋ wa. Ve aazne, ye inepneep ila Maaron nima waan, ve suŋuuŋ toni iŋaŋarua Tama pait. Mbo 110:1; Ro 8:1; Hib 7:24+; 1Yo 2:1

Markus 16:19

Tiina toit Yesu isavsaav pa taghoniiŋa toni le isob, ghoro Tama Maaron ighami imuul iza ila pa sambam, ve mbole izi ila ye nima waan. Mbo 110:1; Mbaŋ 2:33+, 7:55; Ro 8:34; Hib 1:3

Matayu 20:22

Yesu isaav pani ighaze: “Mbeb to aghason ghou pani, yam awatag pataŋani toni maau. Aghita. Rubruub to you pale naghun ila, yamru irau aghun ila paam?” Mt 26:39+; Yo 18:11