Matayu 17:20 - Mutu (Oov)

^20-21 Yesu ipamuul ghasoniiŋ todi ighaze: “Pasa, ghurla tiam tiina maau. You nasaav payam kat. Ighaze ghurla tiam ŋgiira rismoghon inimale mastet uve, nene irau mbeb eta ila murimim maau. Yam pale irau asaav pa lolooz tonene tovene: ‘Upul inam, ve ula nowe.’ Ve lolooz tonene pale ilooŋ aliŋamim, ve ipul ina ve ila.” Mk 11:23; Lu 17:6

Maaron Saveeŋ Tooni Patabuyaaŋ Tuam

^20-21 Yesu iyol ghasoniiŋ toozi ighe: “Puughu tauvene: Ghuruuŋ ila tsiam tiina mako. Yau nasaav payam kat. Isaav ighe ghuruuŋ ila tsiam ŋgiira rigmon imin mastet uuve, ene aat gabua eta ikeek gham mako. Yam pale irau asaav pa loloz tane tauvene: ‘Upul niam, ve ula sewe.’ Ve loloz tane pale ilooŋ aliŋamim, ve ipul niia ve ila.” Mk 11:23; Lu 17:6

Matayu 17:20 Referans Kwoze

Lukas 17:6

Yesu isaav padi: “Ighaze ghurla tiam rismoghon inimale mastet uve, yam pale irau asaav pa ai tiina tonene aghaze: ‘Ukuul taum uza, ve ula upayoon taum ila te lolo.’ Ve ai tonene pale itaghon aliŋamim.” Mt 17:20; Mk 11:23

Lukas 18:27

Yesu ipamuul aliŋadi ighaze: “Mbeb to tamtoghon irau tighami maau, nene Maaron irau ighami. Pasa, mbeb eta irau ila Maaron muri maau.”

Lukas 1:37

Pasa, Maaron, mbeb eta ila muri maau.” Mbnp 18:14; Mt 19:26; Ro 4:21

Matayu 21:21

Yesu ipamuul aliŋadi ighaze: “You nasaav payam kat: Ighaze lolomim ru maau, ve aghur ila ariaŋa, yam paam irau agham mbeb inimale you nagham pa ai tonene. Ve tonene moghon maau. Yam pale irau agham mbeb tintina pida paam. Ighaze yam asaav pa lolooz tonene aghaze ‘Umundig, ve upiyaav taum ula te,’ nene pale mbeb tonenen ivot itaghon aliŋamim. Mt 17:20

Markus 9:23

Yesu isaav pani ighaze: “Wai, pughu vena to yom usaav ughaze: ‘Ighaze yom uraua, uul ghei.’ Nene ineep ila ghurla tiom moghon. Tamtoghon to ighaze ighur ila, mbeb eta irau ila muri maau.” Mk 11:23; Yo 11:40

1 Korin 13:2

Ve ighaze navotia Maaron aliŋa pa tamtoghon nanimale propet, ve naghazooŋ pa ŋgar toni yoŋgaaŋ isob, ve nawatag katin ŋgar popoia tisob, ve ghurla tiou iyaryaaŋ kat le irau nasaav moghon, ve lolooz tinduur tighau tila, nene poia. Eemoghon ighaze lolog pa tamtoghon maau, nene you nanim mbeb sorok. Mt 17:20; 1Kor 12:8+,28

Matayu 13:31

Yesu isavia saveeŋ palelaaŋ ite padi ighaze: “Pooz to ndug sambam, nene inimale mastet uve to ŋgeu eez ighami, ve ila ipiyaava ila uum toni.

Yoan 11:40

Yesu isaav pani ighaze: “Marta, matam iŋgal saveeŋ tiou, ma maau? You nasaav payom wa. Ighaze ughur ila, nene pale ughita Maaron ipatooŋ tapiri ve poia toni ivot ighazooŋ.”

Markus 4:31

Nene inimale mastet uve. Mastet uve, nene gegegeu kat. Mbeb tisob to taan uvedi tintina tilib pani.

Hibru 3:19

Saveeŋ naol tonene ipatooŋ ghiit ighaze yes Israela tighur ila maau, tauto yes irau tilooŋ tila ndug to Maaron ighaze atedi izi pani ne maau. Yo 3:36; Hib 4:6

Matayu 17:17

Yesu isaav padi inim yasilooŋ ighaze: “Oyai, yam tamtoghon to aazne, aghur ila maau, ve ŋgar tiam iwaghamgham kat. Itiŋa takaria nepooŋ wa. Tovenen naghaze pa ŋgar tiam ivot, ve aghilaal ris. Eemoghon maau. Moghon moghon, yam aghamgham pataŋani payou. Pale ŋeez o ateg izi? Poia, agham pain kainaŋen tonanan inim.”

1 Korin 12:9

Ve ite, Maaron Avuvu ee moghon to ipalot ghurla toni le iyaryaaŋ kat. Ve ite, Maaron Avuvu igham le tapiri, leso iuul moroghooŋa ve tinidi popoia. Mk 16:17+; 1Kor 13:2; Yems 5:14

Matayu 17:9

Yes tipul lolooz, ve sawa to tilaghlaagh tizila, Yesu iŋgalsekin di ariaŋa ighaze: “Mbeb gharatooŋa to ŋgaramus aghita, avotia pa tamtoghon rikia malep. Ineep tiam moghon, le sawa to Tamtoghon Natu imundig pa mateeŋ, ghoro avotia.” Mt 16:20

Matayu 8:26

Yesu ipamuul aliŋadi ighaze: “Yam amatughez pasa? Ghurla tiam tiina maau!” Ghoro imundig ve isaav ariaŋa pa yaghur ve dibom inimale yanooŋ di, le taun tiina izi. Mt 14:31; Mbo 89:9

Matayu 17:19

Muri ghoro, taghoniiŋa to Yesu tila toni, ve yes moghon tineep ve tighasoni tighaze: “Pughu vena to yei irau nindiir avuvu samia tonowen maau?”

Markus 11:22

Yesu ipamuul Petrus aliŋa, ve isaav padi ighaze: “Yam irau aghur ila to Maaron. You nasaav payam kat: Ighaze tamtoghon eta isaav pa lolooz tonene ighaze: ‘Umundig, ve upiyaav taum ula te.’ Ve ighaze lolo ru maau, ve ighur ila ighaze saveeŋ toni pale ighur anoŋa, nene pale Maaron igham mbeb tonenen ivot. Mt 17:20; Lu 17:6

Matayu 14:29

Yesu ipamuul aliŋa ighaze: “Poia, unum lak!” Tovenen Petrus izi pa waaŋ, ve ilaagh izala ya pogho, ve iŋarua Yesu ila.