Matayu 15:13 - Mutu (Oov)

^13-14 Eemoghon Yesu ipamuul aliŋadi ighaze: “Matamim ila padi malep. Mbeb tisob to Tamaŋ to ineep izi sambam we ivazog di maau, nene pale tikurub di toman wariadi, ve tisuruuv di tilaledi. Ndiran tonowen, yes tinimale tamtoghon matadi pisi to tighaze tipatooŋ ataam pa nditadi pida to matadi pisi paam. Eemoghon ighaze ŋgeu eta to mata pisi iweu ita ite tau mata pisi paam, ve ipatooŋ ataam pani, nene pale yesuru ve titap tizila saambu.” Mt 23:16,24; Lu 6:39; Ro 2:19

Maaron Saveeŋ Tooni Patabuyaaŋ Tuam

^13-14 Eemon Yesu iyol aliŋazi ighe: “Matamim ila pazi sov. Gabua naol isov tau Tamaŋ tau ileep sambam ivazogh zi mako, ene pale tikuruv zi tomania wariazi, ve tisik zi tilalez. Zeran tawe, yes timin tamtamon matazi kumkuuma tau tighe titotoi eez pa zetazŋa siriv tau matazi kumkuuma paam. Eemon isaav ighe ŋeer eta tau maata kumkuuma na, igherev iitete ite tau maata kumkuuma paam ve itotoi eez pani, ene pale yesuru ve titap tizila puura.” Mt 23:16,24; Lu 6:39; Ro 2:19

Matayu 15:13 Referans Kwoze

Yoan 15:2

Yes to tineep tuŋia inim tiou, nene tinimale ai vaen boga. Boga tisob to anoŋadi tivot pooi maau, nene Tamaŋ ipook di tizi. Ve boga tisob to anoŋadi tivot pooi, nene ye irab motmotin matadi ve ighagharaat di, leso tiŋgalaaŋ ve anoŋadi katindi tivot. Ro 11:17+

Yoan 15:6

Tamtoghon to ighaze ineep tuŋia inim tiou maau, nene ye inim ai booga gorgori to timbuti ve tipiyaava ila. Ai boga tovene, pale muri tindou di, ve tipiyaav di tisob tizala yab ighan di. Mt 3:10+, 7:19

1 Korin 3:9

Tovenen yeru Apolos nilup ghei ve nigham uraat to Maaron ighuri inim nimamai. Ve lupuuŋ tiam, nene inimale uum to Maaron ve ruum to ye inepneep pani. Ep 2:20+

Matayu 15:12

Yesu isavia saveeŋ tonene le isob, ghoro taghoniiŋa toni tila tipaes pani tighaze: “Yom uwatag maau? Ndiran tutuuŋa tilooŋ saveeŋ tiom tonanan le irau lolodi maau.”

Yoan 15:1

Yesu isaav muul ighaze: “You taug to vaen tau. Ve Tamaŋ, ye ŋginiiŋ to uum vaen. Mbo 80:8+; Is 5:1+

Rau Tau Jud Iboode Jut--Jude 1:12

Sawa to yam alup gham pa ghanghaniiŋ toman suŋuuŋ itaghon ataam to lolomim pa taumim, ndiran tonanan tigham lupuuŋ tiam isami ila Maaron mata. Pasa, ledi roroniiŋ eta pani maau, ve tigham ŋgar pa nditadi maau. Matadi iŋgal taudi moghon. Yes tinimale yaghur tae to taghita ve taghaze uman pale izi, eemoghon maau. Yaghur iviviira ila. Ve tinimale ai to sawa toni to anoŋa ivot, eemoghon anoŋa maau, ve imaat ve igorgor. Tovenen tamtoghon tikurubi toman waria, ve tipiyaava ilale. Yes tinimale tamtoghon to timaat pae ru. Pasa, ataam to mateeŋ to muuŋ titaghoni ve tipuli, tauto aazne tila titaghoni muul. Mt 15:13; 1Kor 11:20+; 2Pe 2:13,17