Matayu 12:17 - Mutu (Oov)

¹⁷ Tovenen Maaron aliŋa to muuŋ propet Isaia ivotia, anoŋa ivot. Saveeŋ tovene:

Maaron Saveeŋ Tooni Patabuyaaŋ Tuam

¹⁷ Tauvene Maaron aliiŋa tau muuŋ propet Isaia ivotia na, anooŋa ivot. Saveeŋ tauvene:

Matayu 12:17 Referans Kwoze

Yoan 12:38

Ŋgar to tighami, nene itaghon saveeŋ to muuŋ propet Isaia imbooda. Isaav tovene: “O Maaron, yei nivotia aliŋam padi, ve sei ighur ila? Ve sawa to upatooŋ tapirim ivot ighazooŋ padi, sei to ighilaala? Maau.” Is 53:1; Ro 10:16

Matayu 21:4

Tauto Maaron aliŋa to muuŋ propet toni eez ivotia ne anoŋa ivot. Saveeŋ tonenen isaav ighaze:

Matayu 13:35

Tovenen Maaron aliŋa to propet eez ivotia, anoŋa ivot. Isaav tovene: Avog pale ikaak, ve nasavia saveeŋ palelaaŋ. Ŋgar pida to tiyooŋ indeeŋ sawa to Maaron ighur sambam ve taan, ve inim imuul aazne, you pale nasavia di tivot tighazooŋ. Mbo 78:2

Uraat To Yes Mbaŋooŋa 13:27

Eemoghon ival tiina to Yerusalem toman yes daba todi tighilaal Yesu maau. Onoon, umbom patabuaŋ to naol ne, yes tiwatwaat saveeŋ to yes propeta. Eemoghon tighilaal saveeŋ tonowen pughu maau. Yesu igham sosor eta irau to imaat pani ne maau. Eemoghon sawa to yes daba titiir saveeŋ toni, tighita tighaze ye igham sosor tiina, ve tighason Piladus pa irabi imaat. Ŋgar to tighami, nene deŋia pa Maaron aliŋa to muuŋ yes propeta tivotia. Saveeŋ todi tonowen, aazne anoŋa ivot wa. Mt 27:20+; Lu 23:18+; Mbaŋ 3:14+

Yoan 19:28

Yesu isavsaav pa tina ve taghoniiŋa toni tonenen le isob, ghoro iwatag ighaze ye ipasob uraat toni isob wa. Tovenen isaav ighaze: “You murun ghou!” Saveeŋ tonene, ye isavia leso Maaron aliŋa to timbooda ne anoŋa ivot.

Lukas 24:44

Ghoro Yesu isaav padi ighaze: “Matamim iŋgal aliŋag to muuŋ itiŋa tanepneep ve nasavia payam: Saveeŋ isob to timbooda iza tiou, nene pale ighur anoŋa ivot itaghon Maaron ŋgar toni. Saveeŋ to ineep ila Mose tutuuŋ toni, saveeŋ to yes propeta, ve saveeŋ to ineep ila mbouŋ to iit Israela paam.” Mbo 2, 16, 22, 69, 72, 110, 118

Lukas 21:22

Pasa sawa tonenen, Maaron pale iyat sosor to yes Yuda itaghon aliŋa isob to timbooda. Yer 5:29; Dan 9:26+; Hos 9:7

Matayu 8:17

Tovenen Maaron aliŋa to muuŋ propet Isaia ivotia ne, anoŋa ivot. Saveeŋ tovene: Pataŋani toit naol to igham ghiit tapiriid isob, tauto ye imbaad di tisob. Ve igharaat ghiit pa moroghooŋ toit paam. Wkp 16:8-10; Is 53:4; 1Pe 2:24

Matayu 12:16

Eemoghon iŋgalsekin di ariaŋa ighaze tivotia varu ivot ighazooŋ malep.

Matayu 12:18

“Aghita mbesooŋa tiou tonene. You taug nasia, ve naghuri pa uraat tiou. You lolog pani, ve igham ghou lolog poia kat. You pale nagham Avuvug pani, ve ye pale ivotia ŋgar deŋia pa ndug ndug to Yuda maau ne. Is 42:1+; Mt 3:17