Matayu 11:28 - Mutu (Oov)

²⁸ Ghoro Yesu isaav muul ighaze: “Yam ndiran to arab taumim pa uraat le tapirimim isob, ve yam to ambaad pataŋani naol, yam asob anim tiou. Leso nagham gham atemim izi, ve tapirimim ivot muul. Yer 31:25; Mt 12:20

Maaron Saveeŋ Tooni Patabuyaaŋ Tuam

²⁸ Ra Yesu isaav muul ighe: “Yam zeran tau arav taumim pa uraat le tapirimim isov, ve yam tau abaad pataŋani naol na, yam asov alam tsiau. Leso naghur mariaoŋ payam ve tapirimim ivot muul. Yer 31:25; Mt 12:20

Matayu 11:28 Referans Kwoze

Matayu 11:29

Yam anim toman ghou, ve agham ŋgar inim tiou. Pasa, you ŋgeu luuma ve natatan taug izag. You pale napalot gham ve nagham pooz payam, ve itiŋa talaagh raraate, tanimale bapolo ru to tikap di pa ai. Leso nagham gham atemim izi, ve tapirimim ivot muul.

Yoan 7:37

Sawa to lupuuŋ tonenen ighaze isob, nene sawa tiina kat to tilup di pa suŋuuŋ. Sawa tonenen, Yesu imundig, ve isaav aliŋa tiina tovene: “Ighaze tamtoghon eta muruni, ghoro inim tiou. You pale nagham a ya pa ighun. Is 55:1; Yo 4:10,14; Syg 22:17

Yoan 6:37

Ve tamtoghon to Tamaŋ Maaron ighur di pa tinim leg, yes tisob pale tinim tiou. Ve ighaze tamtoghon eta inim tiou, nene you irau nazuruni maau. Maau le maau kat. Mt 11:28

Galesia 5:1

Tovenen iit tanim mbesooŋa pa tutuuŋ muul maau. Pasa, Krisi ipas ghiit pa ataam to taghoniiŋ tutuuŋ wa. Tovenen ayoon ariaŋa. Apul tamtoghon tigham gham anim mbesooŋa muul malep. Yo 8:36; Ro 7:6, 8:2+

Saveeŋ Yoŋgaaŋ 22:17

Maaron Avuvu yesuru liva to ighaze ivai, tisaav tighaze: “Unum!” Ve yes to tilooŋ saveeŋ tonene paam, tisaav raraate tighaze: “Unum.” Ighaze tamtoghon eta muruni, ghoro inim ve ighun ya mata yaryaara to le atia maau. Is 55:1; Yo 7:37+; Syg 21:2,6

Matayu 23:4

Yes tiseeŋ Maaron tutuuŋ toni pa tutuuŋ katindi itaghon taudi ŋgar todi, ve avodi iyaryaaŋ pa tamtoghon leso titaghon di. Tauto tigham pataŋani naol pa tamtoghon tinimale ai posaaŋ tintina to ipataŋan kat pa badooŋ di. Eemoghon lolodi pa tiuul di rita pa badooŋ di maau. Mt 11:28; Mbaŋ 15:10

Hibru 4:1

Tovenen Maaron imbua saveeŋ toman tamtoghon toni ighaze ye pale igham di atedi izi. Ve saveeŋ mbuaaŋ tonowen inepneep sone. Tovenen iit irau tamatughez ve mataad iŋgal tauud pooi. Pasa, ighaze tiam eta itaghon ataam to Krisi ila, eemoghon ipasob laghooŋ toni maau, ve imuul izi ataam luvuŋa moghon, nene pale irau ighita saveeŋ mbuaaŋ tonenen anoŋa maau. Hib 3:14

2 Tesalonika 1:7

Ve yam to ambadbaad pataŋani, ye pale ipas gham avot pa pataŋani tiam, ve igham gham atemim izi. Ve yam moghon maau. Yei paam. Sawa to Tiina toit Yesu imuul inim, ve Maaron ipatooŋa ivot ighazooŋ, nene pale mbeb tonenen ivot. Yesu yesŋa aŋela toni ariaŋadi, pale tipul sambam, ve tizi tinim toman mbalmbali to Maaron to ighanghan inimale yab. Mt 25:31; 1Tes 3:13, 4:16; Syg 14:13

Uraat To Yes Mbaŋooŋa 15:10

Tovenen pughu vena, to aazne yam aghaze atoov Maaron ve azoor ŋgar toni? Yes to Yuda maau ve titaghon Yesu ne, ighaze yam aghur pataŋani iza todi, nene pale agham Maaron ate yabyab. Aghita. Sawa to nditimbuud ve inim aazne, iit Yuda irau tataghon katin Mose tutuuŋ toni ne maau. Pasa, nene ipataŋan. Lu 11:46; Ga 3:10

Uraat To Yes Mbaŋooŋa 20:35

Nagham tovene pa napatooŋ gham pa ataam to tagham uraat ariaŋa. Leso leed mbeb to tauul yes to tirau uraat maau. Iit irau mataad iŋgal Tiina toit Yesu aliŋa to isaav tovene: ‘Yes to matadi reiŋ mbeb, nene pale poia tiina to Maaron iza todi, ve lolodi poia ilib pa yes to tamtoghon tigham ledi mbeb.’ ” Ep 4:28; 1Tes 4:11+; 1Tim 6:18