Markus 3:3 - Mutu (Oov)

³ Yesu isaav pa ŋgeu to nima imaat ighaze: “Unum uyoon sualen.”

Maaron Saveeŋ Tooni Patabuyaaŋ Tuam

³ Yesu isaav pa ŋeer tau niima imaat na ighe: “Ulam uyooz izi sene.”

Markus 3:3 Referans Kwoze

1 Petrus 4:1

Tovenen sawa to Krisi ineep izi taan, ye imbaad pataŋani ve iyamaan yabyabuuŋ ila tini, leso iuul ghiit. Yam tovene paam. Agharaat gham ve asaŋan pa badooŋ pataŋani. Leso ataghon ŋgar to Krisi tonowen. Pasa, tamtoghon to ighaze imbaad pataŋani pa Krisi iza ve iyamaan yabyabuuŋ ila tini, ye isob pa ŋgar samia wa. Tovenen sawa to ye ineep izi taan, ŋgar to lolo muŋgina irau igham pooz pani muul maau. Ye pale itaghon Maaron lolo. Ro 6:2+; 2Kor 5:15; Ga 5:24; 1Pe 2:21

Pilipai 1:14

Ve mbeb ite paam. Toŋvetaz naol to Krisi tighita ghou naneep ila ruum to yabyabuuŋ lolo ve namatughez maau. Tauto ŋgar tiou tonene ipalot di, le yes paam timatughez muul maau. Tighur ila to Tiina toit ariaŋa, ve tirei taudi pa uraat to votiaaŋ saveeŋ toni.

Galesia 6:9

Tiniid imum pa ghamuuŋ ŋgar poia malep. Pasa ighaze tapuli maau, ve tanoknok ghamuuŋi, nene pale taghita anoŋa ila sawa toni. 1Kor 15:58; 2Tes 3:13; Hib 10:36

1 Korin 15:58

Tovenen yam toŋvetaz to lolog payam kat, you nasaav payam: Ayoon ariaŋa, akis ghurla tiam tuŋia, ve apul taumim kat pa uraat to Tiina toit irau sawa isob. Pasa, yam awatag: Ighaze ye ineep toman gham pa uraat tiam, yam arab taumim sorok pa uraat maau. Uraat tiam pale ighur anoŋa. Ga 6:8; Hib 6:10; Syg 14:13

Yoan 9:4

Aazne, nene sawa to ndag ve taneep ila ghazooŋa. Tovenen iit irau tagham uraat to Tamaŋ Maaron to imbaaŋ ghou nanim. Pasa, sawa to ndoroom, nene inim igharau wa. Sawa tonenen ighaze ivot, nene irau tamtoghon eta igham uraat muul maau.

Lukas 6:8

Eemoghon Yesu iwatag ŋgar todi wa. Tovenen isaav pa ŋgeu to nima imaat ne ighaze: “Unum uyoon sualen.” Ŋgeu tonenen ilooŋ Yesu aliŋa, ve imundig ila iyoon igharaui.

Matayu 12:10

Ŋgeu eez inepneep toman di. Nima eez imaat. Tamtoghon pida to tineep toman di, tighaze tiwat Yesu, leso imalaaŋ pa tutuuŋ, ve inim le pughu pa tipayoonda pa savsaveeŋ. Tovenen tighasoni tighaze: “Laak, ighaze tagharaat yes moroghooŋa ila sawa to umbom patabuaŋ, pale deŋia pa tutuuŋ to Maaron, ma maau?” Lu 14:3

Markus 3:2

Ndiran tutuuŋa pida tinepneep toman di paam. Yes tighaze tipayoon Yesu pa savsaveeŋ. Tovenen timbatuti tighaze tighita: Pale igharaat ŋgeu tonenen ila sawa to umbom patabuaŋ, ma maau?

Markus 3:4

Ghoro ighason ndiran tutuuŋa tonenen ighaze: “Laak, ŋgar sine to yam aghita aghaze deŋia itaghon tutuuŋ to umbom patabuaŋ? Tauul tamtoghon ve tagham poian di, ma tagham samin di? Tagham mulin di pa pataŋani todi, ma tarab di timaat?” Yesu isavia saveeŋ tonenen ve neneeŋadi moghon. Irau tipamuul aliŋa maau. Lu 14:3