Markus 2:2 - Mutu (Oov)

^2-3 tovenen ival tiina tila ve tipavonin ruum toni le ivon kat. Ataam pughu paam, tipoona le soso maau. Yesu ivovotia Maaron aliŋa padi, ve ndiran paaŋ timbaad ŋgeu narape eez tinim tighaze Yesu iuuli. Ŋgeu tonowen aghe imaat. Irau laghooŋ maau.

Maaron Saveeŋ Tooni Patabuyaaŋ Tuam

^2-3 tauvene eval tiina tila ve tipavon ruum le ivon kat. Ataman puughu paam, tipoona le sooso mako. Yesu ivovotia Maaron aliiŋa pazi, ve zeran paaŋ tibaad ŋeer narape ee tilam tighe Yesu iuule. Ŋeer tawe, aaghe imaat. Irau ilaagh mako.

Markus 2:2 Referans Kwoze

Markus 2:13

Yesu ipul paanu tonenen, ve izila naari to ya Galilaia muul ve ilaghlaagh. Ival tiina tila toni, ve ye ipatoot di pa Maaron aliŋa.

Markus 1:45

Eemoghon ŋgeu tonenen itaghon Yesu aliŋa maau. Ye ila ve isavia mbeb to ivot pani ne varu pa yes ival. Tovenen Yesu irau ilaagh ila tamtoghon matadi muul maau, ve ilooŋ ila paanu eta maau. Ineep saguan izi ndug balim moghon. Eemoghon ndug ndug tilala toni.

2 Timoti 4:2

Uvotia Maaron aliŋa pa tamtoghon irau sawa isob. Ighaze uneep ila sawa poia ve tamtoghon lolodi pa tilooŋ ghom, ma uneep ila sawa samia ve tiyasiil pa saveeŋ tiom, yom irau uyoon ariaŋa pa badooŋ pataŋani ve upatoot di kat pa Maaron aliŋa. Uvotia saveeŋ kaarom ve ŋgar samia to tamtoghon ivot ighazooŋ, ve avom iyaryaaŋ padi leso tipuli. Ve upalot di pa titaghon Maaron ŋgar toni. 1Tim 4:13; 2Tim 2:25; Tit 2:15

Rau Tau Paulus Iboode Pa Yes Roma Rom--Romans 10:8

Saveeŋ tonene, ŋgara tovene: “Maaron saveeŋ toni ineep mala pait maau. Pasa, ineep ila avood ve lolood wa.” Lo 30:11-14 Laak, sa saveeŋ? Nene saveeŋ to yei nivovotia pa ataam to ghurla.

Uraat To Yes Mbaŋooŋa 16:6

Paulus toman ndita tilaagh timbut taan suruvu to Galesia ve Pirigia. Eemoghon tila pa taan suruvu to Asia maau. Pasa, Avuvu Patabuaŋ ipoon di ighaze tivotia Maaron aliŋa izi tonowe malep.

Uraat To Yes Mbaŋooŋa 14:25

Tivotia Maaron aliŋa izi ndug Perga, ghoro malmalidi tizila ndug Atalia.

Uraat To Yes Mbaŋooŋa 11:19

Sawa to tirab Stepanus imaat, tighur tighur pataŋani pa tamtoghon naol to titaghon ataam to Krisi. Tauto tiwaghaughau irau ndug ndug. Pida tila pa taan suruvu to Ponisia, pida tivot tila mutu Saiprus, ve pida tila ndug Antiok. Sawa to tilaghlaagh, yes tivovotia Maaron aliŋa. Eemoghon tivotia pa tamtoghon tisob maau. Tiŋarua yes Yuda moghon. Mbaŋ 8:1,4

Uraat To Yes Mbaŋooŋa 8:25

Petrus yesuru Yoan tivotia saveeŋ to Tiina toit pa yes Samaria, ve tipalot di pa tighur ila toni. Le isob, ghoro timuul tizala pa Yerusalem. Yesuru tilaghlaagh, ve tivovotia varu poia pa ndug pida to Samaria to tineep taghon ataam dige. Tighamgham tovene le tila tivot Yerusalem.

Lukas 12:1

Sawa tonenen, tamtoghon ival le ival kat tinim tighaze tilooŋ Yesu saveeŋ toni. Yes tinim tilup di le ndug ivon padi ve ledi soso maau, ve tiwandiron di. Yesu ipamundigin saveeŋ toni, ve iveivei pa taghoniiŋa toni muuŋ ighaze: “Apatum gham pa yis to ndiran tutuuŋa. Nene you nasavia gabuadi to tiparim taudi pa ghurla todi. 1Kor 5:6+

Lukas 8:11

Yesu isaav padi muul ighaze: “Saveeŋ palelaaŋ tonene, pughu tovene: Wit uve, nene iza to Maaron saveeŋ toni. 1Pe 1:23

Lukas 8:1

Yesu ipamundigin laghooŋ toni muul, ve ilaagh irau ndug tintina ve geegeu, ve ivovotia varu poia pa pooz to Maaron. Taghoniiŋa toni saaŋgul ve ru,

Markus 1:37

Tikaala tila le tindeeŋa, ve tipaes pani tighaze: “Ival tiina tikalkaal ghom we.”

Markus 1:33

Ndug tonowen tamtoghona tisob tila tirou izi ataam avo to ruum to Yesu ineep pani.

Markus 1:14

Yoan ighamgham uraat toni ila, le tikisi ve tighuri ilooŋ ila ruum to yabyabuuŋ. Ghoro Yesu ila ivot taan suruvu to Galilaia muul, ve ipamundigin uraat toni to votiaaŋ varu poia to Maaron.

Matayu 5:2

ve ye ipatoot di ighaze:

Lukas 5:17

Sawa eez, Yesu ipatoot tamtoghon pa Maaron aliŋa, ve ndiran tutuuŋa toman ŋgara pida to tutuuŋ tineep toman di paam. Ndiran tonowen, pida tineep ndug naol to Galilaia ve tinim, pida tineep taan suruvu to Yudea ve tinim, ve pida tineep Yerusalem ve tinim. Maaron tapiri inepneep toman Yesu, tovenen ye irau igharaat yes moroghooŋa le tinidi popoia muul.

Markus 6:34

Mala maau ve Yesu toman taghoniiŋa toni anadi tinim tilooŋ ndug tonowen. Yesu ighita ival tiina tonenen, le lolo isamin di. Pasa, yes tineep tinimale sipsip to ledi ŋginiiŋa maau. Tovenen ye ipamundigin saveeŋ toni, ve ipatoot di pa mbeb naol.

Markus 2:1

Mboŋ pida inim ila, ghoro Yesu imuul ila pa Kapernaum, ndug to ye inepneep pani. Tamtoghon tilooŋ Yesu varu tighaze ye imuul ila ineep izi ruum toni,