Markus 1:4 - Mutu (Oov)

⁴ Saveeŋ tonene ighur anoŋa iza to Yoan ŋgeu rughuzaaŋa. Pasa, ye ila ivot ndug balim, ve ivovotia Maaron aliŋa pa tamtoghon ighaze tipul ŋgar todi samsamia, ve titoor ŋgar todi imuul ila pa Maaron, ve tigham ya. Leso Maaron ireu sosor todi. Mbaŋ 13:24, 19:4

Maaron Saveeŋ Tooni Patabuyaaŋ Tuam

⁴ Saveeŋ tane ighur anooŋa izaa to ŋeer rughuzaaŋa Yoan. Pasaa, i ila ivot nugh ŋginaaŋa, ve ivovotia Maaron aliiŋa pa tamtamon ighe tipul ŋgar toozi sasaghati ileple, ve titoor ŋgar toozi imuul ila pa Maaron ve tigham yaa. Leso Maaron ireu sosor toozi. Mbaŋ 13:24, 19:4

Markus 1:4 Referans Kwoze

Yoan 3:23

Yoan paam, irurughuuz tamtoghon izi ndug Aenon to ineep igharau ndug Salim. Pasa, ndug tonowen, le ya katindi. Tovenen tamtoghon tilala toni, ve ye irughuuz di tonowe.

Matayu 3:6

Yes tivovotia sosor todi ila toni, ve ye irurughuuz di tonowe. Mbaŋ 22:16

Lukas 1:77

Yom pale upatoot Maaron tamtoghon toni, leso tiwatag ataam to ye pale igham mulin di ve ireu sosor todi. Yer 31:34; Mt 1:21; Lu 3:3

Uraat To Yes Mbaŋooŋa 22:16

Tovenen usaŋan sa muul? Umundig to aazne, ugham ya, ve ughason Yesu pa iuul ghom. Leso ireu sosor tiom ilale, ve igham ghom uŋgalaaŋ ila Maaron mata.’ Ro 10:13; 1Pe 3:21

Uraat To Yes Mbaŋooŋa 10:37

“Uraat tiina to ivot irau taan isob to yei Israela, yam avaat alooŋ varu rita wa. Sawa to Yoan ŋgeu rughuzaaŋa ivovotia saveeŋ pa tamtoghon ighaze tigham ya, Yesu to Nasaret ipamundigin uraat toni izi Galilaia. Ye, Maaron ineep tomani. Ye ighuri pa uraat toni, ve izeeva pa Avuvu Patabuaŋ, ve igham le tapiri tiina. Tauto Yesu ilaagh irau ndug naol, ve igham uraat popoia, ve igharaat tamtoghon tisob to Ŋgeu Samia iwaghamun di. Is 61:1

Matayu 3:11

Aazne, you narughuuz gham pa ya inim ghilalooŋ payam ighaze yam atoor ŋgar tiam ila pa Maaron wa. Eemoghon ŋgeu eez pale inim muri payou. Ye tapiri tiina. Ilib payou kat. You naghita taug naraua maau kat. Uraat sorok inimale badooŋ duduuŋa to aghe, nene paam, you poiag irau to nagham pani maau. Ye pale igham Avuvu Patabuaŋ payam toman yab. Yo 3:5+; Mbaŋ 1:5, 19:4

Markus 1:5

Ival tiina to taan suruvu to Yudea, yesŋa Yerusalema tisob tiketkeet tilala toni izi ya Yordan paŋa, ve tivovotia sosor todi ila toni, ve ye irurughuuz di tonowe.