Lukas 7:29 - Mutu (Oov)

²⁹ Ival tiina toman ndiran pida to youŋ takes paam, tilooŋ saveeŋ tonene, ve tiyok pani tighaze: “Maaron ŋgar toni, nene deŋia.” Tisaav tovene pasa, tighur ila Yoan saveeŋ toni, ve tigham ya wa. Lu 3:12

Maaron Saveeŋ Tooni Patabuyaaŋ Tuam

²⁹ (Eval tiina tomania zeran siriv to yauŋ takes paam, tilooŋ saveeŋ tane, ve tiyok pani tighe: “Maaron ŋgar tooni, ene iduduuŋ.” Tisaav tauvene pasaa, tighur ila Yoan saveeŋ tooni, ve tigham yaa wa. Lu 3:12

Lukas 7:29 Referans Kwoze

Lukas 3:12

Ndiran pida to youŋ takes tila to Yoan paam tighaze irughuuz di. Ve tighasoni tighaze: “Patoŋaaŋ, yei tonene pale nigham vena?” Lu 7:29

Lukas 7:35

Eemoghon yes to titaghon ŋgar poia to Maaron, tipatooŋ ŋgar tonowen tighaze nene deŋia moghon.”

Saveeŋ Yoŋgaaŋ 16:5

Ve nalooŋ aŋela to iŋgin ya, isaav pa Maaron ighaze: “Yom uneep muuŋ, ve aazne paam. Ve yom patabuaŋ kat. Ŋgar to ughami pa uyat ŋgar samsamia to tamtoghon, nene deŋia moghon. Mbo 119:137

Saveeŋ Yoŋgaaŋ 15:3

Yes timbou mbouŋ to Mose, ye mbesooŋa to Maaron. Mbouŋ tonowen iŋarua Sipsip to Maaron paam. Timbou tovene: “O Maaron, Tiina tiei, tapirim ilib pa mbeb to naol ne. Uraat to yom ughamgham di, nene tintina kat. Nigham ŋgar padi le niraua maau. Yom kinik tiina kat to uŋgin ndug tisob. Ve ŋgar tiom, nene deŋia ve onoon moghon. Igham 15:1+; Lo 32:4+; Mbo 111:2

Rau Tau Paulus Iboode Pa Yes Roma Rom--Romans 10:3

Pasa, ataam to Maaron igham ghiit taneep deŋiaad ila mata, nene tighilaala sone. Tauto tizurun ataam toni tonowen, ve tiyoon ila ataam to taghoniiŋ tutuuŋ tighaze ŋgar tonowen pale igham di tineep deŋiadi ila Maaron mata. Ro 9:31+; Pil 3:9

Uraat To Yes Mbaŋooŋa 19:3

Paulus ilooŋ saveeŋ tonene, ve ighason di muul: “Ighaze venen, agham ya itaghon sa ataam?” Yes tipamuul aliŋa tighaze: “Yei nigham ya itaghon ataam to Yoan ŋgeu rughuzaaŋa.” Mk 1:4; Mbaŋ 1:5

Uraat To Yes Mbaŋooŋa 18:25

Ye, tipatooti pa ataam to Tiina toit Yesu wa. Ve lolo ipazaagha pa votiaaŋ Maaron aliŋa. Sawa to ipatoot tamtoghon pa Maaron aliŋa, saveeŋ toni iyel maau. Deŋia kat. Ye iloŋlooŋ ila yes Yuda rumai todi, ve iyoon ariaŋa pa votiaaŋ Yesu varu. Imatughez maau. Eemoghon ataam to Yoan itaghoni pa ghamuuŋ ya, tauto Apolos iwatagi. Ataam ite paam maau. Tovenen sawa to Prisila yesuru Akwila tilooŋa, tighami tila ruum todi, ve tipaghazoŋani pa ataam to Maaron, leso ighazooŋ pani kat.

Matayu 5:46

Ighaze lolomim pa yes to lolodi payam moghon, nene pale agham lemim atia poia vena? Maau. Pasa, ŋgar tovene, ndiran samsamiadi to tiyouyou takes tighamghami paam.

Lukas 7:28

You nasaav payam: Tamtoghon tisob to nditinandi tipoop di izi taan ne, eta iza ilib pa Yoan maau. Eemoghon ighaze ŋgeu sorok eta ineep ila pooz to Maaron lolo, ve ighita anoŋa toni, nene pale ighita katin poia to Maaron le ilib pa Yoan.”

Lukas 20:6

Ve ighaze tasaav taghaze: ‘Yoan itaghon ŋgar to tamtoghon,’ nene pale ival tiina tonene tisob timundig ve tirab ghiit pa yaam. Pasa, yes tighur ila ariaŋa tighaze: Yoan, ye propet to Maaron.” Mt 14:5; Lu 7:26