Lukas 4:4 - Mutu (Oov)

⁴ Eemoghon Yesu ipamuul aliŋa ighaze: “Maaron aliŋa to timbooda, isaav tovene: ‘Aniiŋ moghon irau igham tamtoghon tineep pooi ne maau.’ ” Lo 8:3; Is 55:1-2

Maaron Saveeŋ Tooni Patabuyaaŋ Tuam

⁴ Eemon Yesu iyol aliiŋa ighe: “Maaron aliiŋa tau tiboode na isaav tauvene: ‘Aniiŋ mon irau igham tamtamon tileep poi ne mako.’ ” Lo 8:3; Is 55:1-2

Lukas 4:4 Referans Kwoze

Matayu 4:4

Eemoghon Yesu ipamuul aliŋa ighaze: “Maaron aliŋa to timbooda, isaav ighaze: Aniiŋ moghon irau igham tamtoghon tineep pooi ne maau. Saveeŋ isob to ivot ila Maaron avo, tauto igham di tineep pooi.” Lo 8:3; Is 55:1-2

Epesus 6:17

Ve uraat to Yesu Krisi to igham mulin ghiit, nene aghami inim lemim. Pasa, nene inimale hat ariaŋa to ipoon dabamim pa ndaab. Ve saveeŋ to Maaron to Avuvu Patabuaŋ igham pait, nene yam akisi inim lemim buza. 1Tes 5:8; Hib 4:12; Syg 19:15

Matayu 6:31

“Tovenen lolomim imbumbu ve aghaze: ‘Wai, amai ya to ghunuuŋ ve aniiŋ to ghaniiŋ sine? Ve lemai nonogiiŋa sine to nindud ghei pani?’ Agham vene malep.

Lukas 4:10

Pasa, Maaron aliŋa to timbooda, isaav ighaze: ‘Ye pale imbaaŋ aŋela toni pa tiŋgin ghom. Yes pale tikis ghom, ve tipalot ghom. Leso utut aghem ila yaam sob.’ ” Mbo 91:11+

Lukas 4:8

Eemoghon Yesu ipamuul aliŋa ighaze: “Maaron aliŋa waaro ite to timbooda, isaav tovene: ‘Uput aghem pa Tiina tiom Maaron moghon, ve umbees pa ye eŋgeni.’ ” Lo 6:13, 10:20

Lukas 22:35

Ghoro Yesu ighason taghoniiŋa toni ighaze: “Laak, muuŋ, sawa to nambaaŋ gham ala pa uraat, you nasaav payam naghaze: Yam alaagh toman lugluug, pelpeel, ve duduuŋa to aghemim malep. Vena, sawa tonenen, yam ambool pa mbeb eta?” Yes tipamuul aliŋa tighaze: “Maau. Yei nimbool pa mbeb eta maau.” Mt 10:9; Lu 9:3

Lukas 4:3

Ghoro Ŋgeu Samia isaav pani ighaze: “Laak, ighaze yom Maaron Natu, usaav pa yaam tonene, ve inim am aniiŋ.”