Lukas 24:4 - Mutu (Oov)

⁴ Tauto tigham ŋgar naol. Mala maau ve, ndiran ru tivot, ve tiyoon tigharau di. Yesuru nonogiiŋa todi milmilia kat. Mbaŋ 1:10

Maaron Saveeŋ Tooni Patabuyaaŋ Tuam

⁴ Tauta tigham ŋgar naol. Malau mako ve zeran ru tivot, ve tiyooz ila naghozi. Yesuru nonoghiiŋa toozi milmilia kat. Mbaŋ 1:10

Lukas 24:4 Referans Kwoze

Markus 16:5

Tovenen ndiliva tonowen tilooŋ tila naal lolo, le tighita ŋgeu paghu eez mbole izi dige ila pa nimadi waan. Ye indudi pa nonogiiŋa pisosooŋa. Yes tighita, le ruŋadi iza ve ŋgar todi isob.

Uraat To Yes Mbaŋooŋa 1:10

Matadi itaghoni ve izala, ve mala maau, ndiran ru tivot todi ve yesŋa tiyondyood. Nonogiiŋa todi pisosooŋa moghon. Yesuru tisaav padi tighaze: Lu 24:4

Lukas 2:9

Mala maau ve aŋela eez to Ŋgeu Tiina ivot todi, ve Ŋgeu Tiina ŋguruba isul luvutin di. Tovenen matughezaaŋ tiina kat igham di.

Lukas 24:5

Yes ndiliva tighita di le matughezaaŋ tiina igham di. Tovenen tiput aghedi, ve tighur naghodi izila taan. Eemoghon ndiran ru tonowen tisaav padi tighaze: “Yam anim akaal ŋgeu to mata iyaryaar ila mateeŋa inadi pasa? Ye ineep sualen muul maau. Ye imundig wa! Matamim iŋgal. Sawa to ye ineep toman gham izi Galilaia, isaav payam ighaze:

Uraat To Yes Mbaŋooŋa 12:7

Mala maau ve aŋela to Maaron ivot le ŋguruba isul ilooŋ ila ruum to yabyabuuŋ lolo. Aŋela ivaaŋ Petrus, ve isaav pani ighaze: “Ai, umundig rikia!” Ye isavsaav, ve sen to tikau Petrus nima pani, timazug tizi.

1 Timoti 3:16

Ŋgar to Maaron to iit tataghoni, muuŋ iyooŋ. Ve aazne, ivot ighazooŋ wa. Ŋgar tonowen, ival tiina tiyok tighaze nene pughu tiina kat. Pasa, isavia Krisi tovene: Ye ivot izi taan, ve inim tamtoghon raraate inimale iit. Sawa to Maaron Avuvu ipamundigini pa mateeŋ, nene ipatooŋa ighaze ye ŋgeu deŋia. Yes aŋela tighita. Tamtoghon tivotia varu irau ndug ndug to Yuda maau. Ve tamtoghon to tineep irau taan ne, tighur ila toni. Tama Maaron ighami imuul iza ila pa sambam, ve ipatooŋa ighaze ye iza tiina. Yo 1:14; Mbaŋ 1:9; Ro 1:4; Ep 1:20, 3:6