Lukas 23:26 - Mutu (Oov)

²⁶ Tovenen ndaaba tigham Yesu, ve yesŋa tilaagh tila le tivot to ŋgeu eez to ndug Sairini, iza Simon. Ye ineep Yerusalem dige, ve ighaze ilooŋ ila pa ndug tiina. Yes ndaaba tighita, ve tikisi, ve tighur ai pambarooŋ to Yesu izala avara. Ghoro ana imbaada, ve ilaagh taghon Yesu, ve yesŋa tila.

Maaron Saveeŋ Tooni Patabuyaaŋ Tuam

²⁶ Tauvene zaaba tigham Yesu gha yesŋa tilaagh tila le tizaa to ŋeer ee to nugh Sairini, eeza Simon. I ileep Yerusalem ziige, ve ighe iloŋ ila pa nugh tiina. Zaaba tighita, ve tikisi ve tighur ai pambarooŋ to Yesu izala avaara, gha aana ibaado, ve itaghon Yesu gha tila.

Lukas 23:26 Referans Kwoze

Uraat To Yes Mbaŋooŋa 6:9

Yuda pida, muuŋ tinim mbesooŋa sorok. Eemoghon tipas di pa uraat todi, ve ŋgaramus tinim mbesooŋa pa tamtoghon muul maau. Tiŋgin taudi. Yes tipamundigin lupuuŋ eez, ve tiwaat iza tighaze ‘Lupuuŋ to yes to tinim mbesooŋa muul maau.’ Lupuuŋ tonowen tamtoghona pida timundig, ve yesŋa Stepanus tiwazoran di pa savsaveeŋ. Ndiran tonowen, pida to ndug Sairini, pida to Aleksandria, pida to taan to Silisia, ve pida to taan to Asia.

Uraat To Yes Mbaŋooŋa 6:6

Tigham ndiran liim ve ru tonowen tinim tiyoon ila yes mbaŋooŋa matadi, ghoro mbaŋooŋa tighur nimadi izala poghodi, ve tighason Maaron pa ipalot di, ve tighur di pa uraat. Mbaŋ 13:3; 1Tim 4:14

Uraat To Yes Mbaŋooŋa 2:10

ve pida to Pirigia, Pampilia, Isip, ve taan suruvu to Libia to ineep igharau Sairini, ve pida to mutu Krit, ve pida to taan suruvu to Arabia. Iit loomba pida taneep Rom ve tanim paam. Tamtoghon toit pida, yes Yuda kat. Ve iit pida, Yuda kat maau. Eemoghon tatoor ŋgar toit ila pa Maaron, ve tataghon yes Yuda pa suŋuuŋ todi. Eemoghon saveeŋ to ndiran tonowen tisasavia pa uraat ariaŋadi to Maaron, nene iit eŋaeŋa tasob talooŋa ila tauud aliŋaad kat.”

Lukas 14:27

Ve ighaze ŋgeu eta imbaad ai pambarooŋ toni ve itaghon ghou maau, nene ye paam, irau inim taghoniiŋa tiou maau. Mt 16:24+; Lu 9:23+; 2Tim 3:12

Lukas 9:23

Yesu isaav pa tamtoghon tisob to yesŋa tinepneep: “Ighaze tamtoghon eta lolo pa inim leg ve itaghon ataam tiou, ye irau itatan tau, imbaad ai pambarooŋ toni irau sawa isob, ve inim itaghon ghou. Mt 10:38+; Lu 14:27

Uraat To Yes Mbaŋooŋa 13:1

Yes Antioka to titaghon Krisi, propet pida toman patoŋaaŋ pida tineep ilooŋ ila lupuuŋ todi. Izadi tovene: Banabas, Simeon to tiwaata tighaze ‘Asosooŋa,’ Lusius to Sairini, Manaen (ye yesuru Erod to igham pooz pa ndug ne tubuuŋ todi ee moghon), ve Saul.

Matayu 5:41

Ighaze ŋgeu eta isaav ariaŋa payom ighaze yom uuli pa badooŋ mburuguuŋ toni irau soso mala ris, yom irau umbaada ila le umalaaŋ pa soso tonowen, ve usakia laghooŋ ula ris muul.