Lukas 21:24 - Mutu (Oov)

²⁴ Tamtoghon pida, pale timbut di pa buza ve timaat. Ve pida, koiadi pale tiyou di tila tineep irau ndug ndug. Ve ndug ndug to Yuda maau ne, pale tigham Yerusalem inim ledi, ve tineep pani ve tiŋgini le irau sawa to Maaron ighuri padi ne isob, ghoro tipuli. Mbo 79:1; Lu 20:16; Syg 11:2

Maaron Saveeŋ Tooni Patabuyaaŋ Tuam

²⁴ Tamtamon siriv, pale timbut zi pa mbuzaagh gha timaat. Ve siriv, ene pale koiazŋa tiyau zi tila tileep irau nugh nugh. Ve nugh nugh tau Yuda mako na, pale tigham Yerusalem imin lezi, ve tileep pani ve tiŋgini le irau saawe tau Maaron ighuru pazi na isov, mako tipuli. Mbo 79:1; Lu 20:16; Syg 11:2

Lukas 21:24 Referans Kwoze

Rau Tau Paulus Iboode Pa Yes Roma Rom--Romans 11:25

Yam toŋvetaz, you naghaze navotia mbeb yoŋgaaŋ eez payam. Leso apakur gham sorok sob. Onoon, aazne Maaron ipul yes Israela pida titaghon taudi ŋgar todi. Tauto ŋgar todi iyaryaaŋ kat tighaze tizoor saveeŋ toni. Eemoghon ye irau ipul di tineep tovene itaghoni taghoni gha ila ne maau. Pale tinepneep tovene, le ye iyou ndug ndug tamtoghonadi to ye isia di pataghaaŋ ne tisob tinim le. Lu 21:24; Yo 10:16; Syg 7:9

Saveeŋ Yoŋgaaŋ 11:2

Eemoghon didiiŋ tiina to iluvut rumai dige, yom utoova malep. Pasa, Maaron ipul soso tonowen pa ndug ndug to Yuda maau ne, leso tiŋgini irau kaiyo tamoot ru avua ru (42). Mboŋ 1260 tonenen, yes pale tivazag ndug patabuaŋ Yerusalem. Sawa tonenen, you pale nambaaŋ uraata tiou ru pa tivotia aliŋag pa tamtoghon, leso tighur inim tiou. Yesuru pale tindud di pa nonogiiŋa asosooŋa to moŋiiŋ.” Dan 7:24+; Lu 21:24; Syg 12:6, 13:5

Lukas 21:25

“Muri pale mbeb pida tivot pa ndag, kaiyo, ve pitum tinim ghilalooŋ pa tamtoghon, ve pataŋani tintina pale tivot izi taan. Te pale isami, ve ipei dibom toman avolutu tiina kat. Tovenen tamtoghon ŋgar todi pale iwaghamgham, ve tisaŋeeŋ. 2Pe 3:10+; Syg 6:12+

Hibru 11:34

Pida, tipiyaav di tila yab tiina lolo. Eemoghon yab le tapiri irau to iwaghamun di maau. Ve pida, Maaron ipaghau di pa buza mata. Pida, tapiridi imbool. Eemoghon Maaron ipalot di, tauto tiparab ariaŋa le tilib pa ndaaba to ndug pida, ve tinaan koiadi tonowen tila. Het 7:19+; 1Sam 17:51; Dan 3:1+