Kolosi 4:17 - Mutu (Oov)

¹⁷ Asaav pa Arkipus tovene: “Uraat to Tiina toit to ilat nimam, matam iŋgali ve upasobi.” Plm 2

Maaron Saveeŋ Tooni Patabuyaaŋ Tuam

¹⁷ Asaav pa Arkipus tauvene: “Uraat to Tiina toit tau ilat nimam na, matam iŋgali ve upasovu.” Plm 2

Kolosi 4:17 Referans Kwoze

Pilemon 1:2

Ve saveeŋ tonene ila to livuud ite Apia, yesuru Arkipus to yeiŋa ninim ndaaba to Krisi ve niparab ariaŋa pa saveeŋ toni. Ve ila to lupuuŋ to Krisi to tiluplup di pa suŋuuŋ ila ruum tiom ne paam.

2 Timoti 2:2

Ve saveeŋ isob to nasavia ila ival tiina matadi ve yom ulooŋa, usakia ila pa tamtoghon pida to yom ughita di ughaze yes tiraua, ve unumeer di ughaze yes pale tinidi imbees pa uraat to Maaron. Leso anadi tipatoot tamtoghon pida pa saveeŋ tonenen, ve uraat to varu poia iseeŋga itaghoni gha ila. Tit 1:5

2 Timoti 1:6

Tauto naghaze napamundigin ghom muul. Leso ŋgar ve tapiri to Maaron ireii payom, ineep sorok sob, ve ugham uraata le ivot inim tiina, inimale tamtoghon tivib yab, ve ighan tiina iza. Maaron igham tapiri ve ŋgar tonanan payom, indeeŋ sawa to you naghur nimag izala poghom. 1Tim 4:14

1 Timoti 6:20

O Timoti, saveeŋ onoon ve uraat, tauto ilat nimam wa. Matam iŋgali, ve uŋgin poiani. Ve saveeŋ soroksorok to taan to le anoŋa maau, toman ŋgar kaarom to yes to tizorzoor ghiit ne, yom uneep saguan pani. Onoon, ndiran tonowen tinumeer taudi tighaze ledi ŋgar tiina. Eemoghon maau. 1Tim 1:4, 4:6+; 2Tim 1:14, 2:14; Tit 1:9

1 Timoti 4:16

Tovenen matam imosmoos pooi pa taum, toman saveeŋ to upatoot tamtoghon pani. Ighaze ukis ŋgar tovene, nene pale Maaron igham mulin ghom, ve yes to tiloŋlooŋ saveeŋ tiom ne paam. Mbaŋ 20:28

1 Timoti 4:6

O Timoti, saveeŋ poia to iit taghur ila ne, tipatoot ghom pani ve utaghoni wa. Ighaze saveeŋ tonenen ipalot ghom inimale aniiŋ poia, ve upaesia aliŋag to ineep ila rau tonene pa yes toŋvetaz to Krisi, nene pale unum mbesooŋa poia to Yesu Krisi.

Epesus 4:11

Krisi ighur uraat naol naol tinim nimaad, leso tapalot lupuuŋ toni. Tamtoghon pida tinim mbaŋooŋa toni, pida tinim propet, ve pida tivovotia varu poia pa yes to tighur ila maau. Ve pida ledi uraat pa ŋginiiŋ lupuuŋ to Krisi, ve tipatoot tamtoghon pa Maaron aliŋa. Ro 12:6+; 1Kor 12:27+

Uraat To Yes Mbaŋooŋa 20:28

“Matamim imosmoos pa taumim, ve aŋgin poian Maaron sipsip toni tisob to Avuvu Patabuaŋ ighur gham anim ŋginiiŋ padi. Yam irau aŋgin poian lupuuŋ to Maaron. Pasa, siŋ to tau Natu imaliŋ padi, ve ye igham di tinim le wa. 1Tim 4:16; 1Pe 1:18+, 5:2+; Syg 5:9

Uraat To Yes Mbaŋooŋa 14:23

Yesuru tighur tamtoghon pida tinim ŋginiiŋa pa lupuuŋ to Krisi irau ndug ndug. Sawa to tighur di, tiŋgun taudi pa ghaniiŋ aniiŋ ve tisuŋ, ghoro tighur di tila Tiina Yesu to tighur ila toni ne nima, leso iŋgin di. Mbaŋ 6:6, 13:1+; Tit 1:5

1 Timoti 4:14

Muuŋ, sawa to yes ŋginiiŋa tighur nimadi izala poghom ve tighur ghom pa uraat, Avuvu Patabuaŋ ipamundigin tamtoghon pida ve tivotia Maaron aliŋa payom. Sawa tonenen, Maaron Avuvu irei tapiri ve ŋgar popoia pida payom, leso upalot lupuuŋ to Krisi pani. Tovenen umamalai pa uraat tiom malep. Tapiri ve ŋgar popoia to ineep tiom ne, matam iza pani ve ugham anoŋa ivot. 1Tim 1:18; 2Tim 1:6

Matayu 25:17

Mbesooŋa to igham yaam ndiŋndiŋ ru (2000), tovene paam. Igham yaam ndiŋndiŋ ru muul izala pogho, le inim ndiŋndiŋ paaŋ (4000).