Kolosi 4:10 - Mutu (Oov)

¹⁰ Aristarkus to yeru nineep ila ruum to yabyabuuŋ lolo ne, ndag poia toni ilat. Ve Markus to Banabas tazi, ye paam igham ndag poia payam. Paesiiŋ to iŋarua, yam alooŋa wa. Ighaze ilat ivot, ghoro aghami toman lolomim poia. Mbaŋ 12:25, 13:13, 15:37+, 27:2; Plm 24

Maaron Saveeŋ Tooni Patabuyaaŋ Tuam

¹⁰ Aristarkus tau yeiru nileep ila ruum to yavyavuuŋ loolo ne, aaz poia tooni ilat payam. Ve Markus tau Banabas taazi na, i paam igham aaz poia payam. Paesiiŋ tau iŋaruini na, yam alooŋa wa. Ighe ilat ivot, mako aghamu toman lolomim poia. Mbaŋ 12:25, 13:13, 15:37+, 27:2; Plm 24

Kolosi 4:10 Referans Kwoze

Pilemon 1:24

Ve ye moghon maau. Markus, Aristarkus, Demas, ve Lukas to yeiŋa niluplup ghei pa uraat ne, yes paam tigham ndag poia todi ilat payom. Mbaŋ 15:37+, 19:29, 27:2; Kol 4:14; 2Tim 4:10+

2 Timoti 4:11

Ve Lukas eŋgeni, tauto yeru ninepneep. Tovenen naghaze ugham Markus, ve yamru anim. Pasa, ye irau iuul ghou kat pa uraat to Maaron. Mbaŋ 15:37+; Kol 4:10,14

Uraat To Yes Mbaŋooŋa 19:29

Mala maau ve oroor tiina kat imundig irau ndug lolo. Yes Epesus atedi yabyab kat, ve tiparlandaad tila le tighita Gaius ve Aristarkus, ndiran ru to Masedonia to tilaghlaagh toman Paulus. Tovenen tikis di, ve tisasaar di tila pa ndug todi to lupuuŋ.

Uraat To Yes Mbaŋooŋa 27:2

Waaŋ eez to ndug Adramitium ighaze iraav ila pa ndug pida to tineep taghon naari to Asia. Yei niza waaŋ tonowen, ghoro tiravia keel iza ve nivot. Aristarkus paam iza toman ghei. Ye to ndug Tesalonika to ineep izi taan suruvu to Masedonia.

Uraat To Yes Mbaŋooŋa 20:4

Tamtoghon pida to yesŋa Paulus tila, nene Pirus natu Sopater, ye to ndug Berea, Aristarkus ve Sekundus, yesuru to ndug Tesalonika, Gaius, ye to ndug Derbe, Timoti, ve Tikikus ve Tropimus, yesuru to taan suruvu to Asia.

Uraat To Yes Mbaŋooŋa 12:12

Petrus ighilaal mbeb tonenen, ve malmali ila pa ruum to Maria, to Yoan Markus tina. Ruum tonowen, yes ival tila tilup di ila lolo, ve tisuŋsuŋ.

1 Petrus 5:13

Nditamim to Maaron isia di tinim le tinimale yam ve tineep izi ndug tiina Babilon, tigham ndag poia todi ilat payam. Ve natug Markus paam, igham ndag poia toni payam. Mbaŋ 12:12, 13:5,13, Mbaŋ 15:37+; 2Tim 4:11

Rau Tau Paulus Iboode Pa Yes Roma Rom--Romans 16:7

Ve ndag poia tiou ila pa Andronikus yesuru Yunias. Yesuru toŋvetaz tiou, ve muuŋ yeiŋa nineep ila ruum to yabyabuuŋ lolo. Tamtoghon tighita di tighaze yesuru mbaŋooŋa popoia kat to Krisi ve tilib pa mbaŋooŋa pida. Ve yesuru tinim Krisi le muuŋ, ghoro you anag.

Uraat To Yes Mbaŋooŋa 13:13

Paulus toman ndita tigham waaŋ izi ndug Papos, ve tiraav tivool tila pa taan tiina. Ghoro tilaagh tila tivot ndug Perga to ineep ila taan suruvu to Pampilia. Tineep tonowe, ve Yoan Markus ipul di, ve ighau imuul ila pa Yerusalem. Mbaŋ 13:5, 15:37+

Uraat To Yes Mbaŋooŋa 4:36

Tauto ŋgeu eez to mutu Saiprus, iza Yosep, ye paam igholia taan toni, ve igham yaama ve ighuri ila to yes mbaŋooŋa. Yosep tonene, pughu toni ivot ila to Levi. Ve yes mbaŋooŋa titoor iza, ve tiwaata tighaze Banabas. (Pisis Banabas, pughu tovene: ‘Ŋgeu to ipapalot tamtoghon.’) Mbaŋ 9:27, 11:22,30, 13:2

Uraat To Yes Mbaŋooŋa 13:5

Tilooŋ izi ndug Salamis, ve tivotia Maaron aliŋa pa yes Yuda ila rumai todi lolodi. Yoan Markus ila toman di paam, leso iuul di.

Uraat To Yes Mbaŋooŋa 12:25

Banabas yesuru Saul tighur saŋgoor to yes Antioka ila yes Yerusalema nimadi le isob, ghoro tigham Yoan Markus ve yesŋa timuul tila pa Antiok. Mbaŋ 11:29+, 12:12

Pilemon 1:23

Itaad ite Epapras, ndag poia toni ilat payom paam. Yeru ninepneep ila ruum to yabyabuuŋ tonene lolo pasa, nitaghon Krisi. Kol 1:7, 4:12