Kolosi 2:5 - Mutu (Oov)

⁵ Aghita, aazne you naneep saguan payam. Eemoghon Maaron Avuvu ilup ghiit, ve ŋgar tiou ineep tiam inimale itiŋa tanepneep. You naghita naghaze uraat tiam ilaan deŋia, ve aghur ila to Krisi ariaŋa. Tauto igham ghou lolog poia kat.

Maaron Saveeŋ Tooni Patabuyaaŋ Tuam

⁵ Aghita, aazne yau naleep soghan payam. Eemon Maaron Avuvu ilup ghiit, ve ŋgar tsiau igheen tsiam imin ta itiŋa talepleep. Yau naghita naghe uraat tsiam ilaan duduuŋ, ve aghur ila to Krisi ariaaŋ. Tauta igham lolog poia le poia kat.

Kolosi 2:5 Referans Kwoze

1 Tesalonika 2:17

Yam toŋvetaz, yam awatag: Yes Yuda tireu ghiit, tauto rikia moghon yei nipul gham, ve soso ris tonene, taneep saguan saguan pa tauud. Eemoghon lolomai, nene ineep tiam, inimale tamtoghon to natu ineep saguan pani ve ikausim pani ighaze le ighita. Tovenen ŋgar tiei iyaryaaŋ nighaze nilat nighita naghomim muul, ghoro poia. Sawa naol, you Paulus natovtoova naghaze nalat naghita gham. Eemoghon Ŋgeu Samia iponpoon ataam payei. Ro 1:13, 15:22

1 Petrus 5:9

Tovenen akis ghurla tiam tuŋia, ve aparab ariaŋa. Leso atatani. Pasa, yam awatag: Toŋvetaz tiam to Krisi to tineep irau ndug ndug, timbaad pataŋani raraate inimale yam ambaada. Ep 4:27, 6:11+; 1Tes 5:6; Yems 4:7

1 Korin 16:13

Matamim imosmoos ve ayoon ariaŋa pa ghurla tiam. Amatughez malep. Apariaaŋ taumim, ve ayoon tuŋia. Mbo 31:24; Ep 6:10

Hibru 3:14

Sawa to taghur ila to Krisi muuŋ, taghur ila toni ariaŋa. Iit irau tikis ghurla toit tuŋia tovene le sawa toit isob. Leso tapatooŋ tauud taghaze iit itaad ite Krisi ve talup tomani. 1Kor 15:2; Hib 6:11, 10:35; Syg 2:25

1 Korin 14:40

Yam irau ataghon katin suŋuuŋ ŋgara to naol ne, leso suŋuuŋ tiam deŋia moghon ve ilaan pooi.

Hibru 6:19

Nepooŋ poia to taghurghur mataad pani ne, nene ikis ghiit tuŋia, inimale badewaaŋ to ikis waaŋ. Pasa, Ŋgeu to inim ataam pait pa tagham nepooŋ tonenen, ye imuuŋ pait, ve ilooŋ ila rumai to ndug sambam wa. Nene Krisi. Ve uli to ipoon rumai lolo to patabuaŋ le patabuaŋ kat, ye ila ilib pani, le ila peria to Maaron. Pasa, Krisi, ye inim daba tau to watooŋrau inimale Melkizedek. Tovenen ye pale iyoon bodbodaaŋ pa Maaron ve iit tamtoghon, ve uraat toni tonowen iseeŋga itaghoni taghoni gha ila. Mbo 110:4; Hib 4:14, 5:6, 9:24

1 Korin 15:58

Tovenen yam toŋvetaz to lolog payam kat, you nasaav payam: Ayoon ariaŋa, akis ghurla tiam tuŋia, ve apul taumim kat pa uraat to Tiina toit irau sawa isob. Pasa, yam awatag: Ighaze ye ineep toman gham pa uraat tiam, yam arab taumim sorok pa uraat maau. Uraat tiam pale ighur anoŋa. Ga 6:8; Hib 6:10; Syg 14:13

Kolosi 2:1

You naghaze yam awatag tovene: You narab taug pa uraat ve naparab ariaŋa, leso nauul gham toman nditaad pida to tineep izi ndug Laodisia. Ve yam moghon maau. Tamtoghon tisob to tighita naghog sone ne paam, you naghaze nauul di. Kol 4:13,16; Syg 3:11+

1 Korin 11:34

Ve ighaze tamtoghon eta pitool matini, nene poia pa ighan pataghaaŋ izi ruum toni. Le isob, ghoro ilat pa lupuuŋ tiam. Leso sawa to alup gham, agham sosor ila Maaron mata sob, ve ye ighur atia payam malep. You leg saveeŋ pida inepneep sone. Eemoghon irau nasavia aazne maau. Taug nalat peria, ghoro nasavia.

Uraat To Yes Mbaŋooŋa 2:42

Yes to tighur ila to Krisi, sawa naol, tighurghur taliŋadi pa saveeŋ to yes mbaŋooŋa tipatoot di pani, ve tighamgham ŋgar pani pooi. Ve tiwaulan di, ve tiluplup di pa suŋuuŋ toman ghanghaniiŋ.

Uraat To Yes Mbaŋooŋa 20:21

Ve nasavsaav ariaŋa pa yes Yuda ve yes Grika paam naghaze tipul ŋgar todi samsamiadi, ve titoor ŋgar todi ila pa Maaron, ve tighur ila to Tiina toit Yesu. Lu 24:47