Kolosi 2:4 - Mutu (Oov)

⁴ Saveeŋ tonene, you nasavia pasa, namatughez pa saveeŋ ŋgoreeŋ to ndiran pida. Onoon, tamtoghon pida tilooŋ saveeŋ todi, ve tighur ila. Eemoghon yam aghur ila malep. Ro 16:17+; Ep 5:6

Maaron Saveeŋ Tooni Patabuyaaŋ Tuam

⁴ Saveeŋ tane, yau nasavia pasaa, naroi pa saveeŋ ŋgoreeŋ to zeran siriv. Onoon, tamtamon siriv tilooŋ saveeŋ toozi, ve tighur ila. Eemon yam, aghur ila sov. Ro 16:17+; Ep 5:6

Kolosi 2:4 Referans Kwoze

1 Yoan 4:1

Yam ndiran tiou, lolog payam kat. Aazne, propet kaaromŋa naol tilaghlaagh izi taan. Tovenen ighaze tamtoghon eta isaav payam ighaze: “You navotia saveeŋ itaghon pooz to Maaron Avuvu.” Yam aghur ila saveeŋ toni rikia malep. Aŋgabiiz poiani: Onoon kat Maaron Avuvu igham pooz pani, ma maau? Mt 7:15; 1Tes 5:20+; 2Yo 7

Epesus 4:14

Tovenen iit tataghon ŋgar to ndipain muul malep. Pasa, ndipain tikis Maaron aliŋa tuŋia maau. Yes tinimale waaŋ to yaghur ve dibom iwatokini ila inim. Ighaze ndiran to tiraua kat pa ghamuuŋ kaarom, tinim ve tiŋgal di pa saveeŋ, nene pale rikia moghon tighur ila saveeŋ kaarom todi, ve tipul ataam to Maaron. 1Kor 14:20; Yems 1:6

Matayu 24:4

Yesu isaav padi ighaze: “Apatum gham! Pa vene, tamtoghon eta iweu gham ve apul ataam tiou. Mbaŋ 20:30+; Ep 4:14; 2Tes 2:1+; 1Yo 4:1

2 Yoan 1:7

You nasaav payam tovene pasa, ndiran kaaromŋa naol tila tirau taan, ve tipapaghau tamtoghon pa ataam to Maaron. Saveeŋ to iit tavovotia taghaze Yesu Krisi izi inim taan ve inim tamtoghon, nene yes tivotia maau. Pasa, yes tighur ila tovene maau. Tamtoghon to ighaze igham tovene, ye ŋgeu to kaarom, ve inim Yesu koia. 1Yo 2:18+, 4:1+

Markus 13:22

Pasa, ndiran kaaromŋa pale timundig, ve pida titoom tighaze yes Mesia. Ve pida pale titoom tighaze yes propeta to tivotia Maaron aliŋa. Ve yes pale tigham mbeb gharatooŋadi toman ghilalooŋ pida tivot paam. Leso tiweu tamtoghon ve tipul ataam to Maaron. Yes to Maaron isia di tinim le ne paam. Ndiran kaaromŋa tonowen pale titoova pa tiweu di, leso tipul ataam to Maaron. Lo 13:1+; 2Tes 2:9+; Syg 13:13

Saveeŋ Yoŋgaaŋ 20:8

Ghoro ila itombaan ndug ndug irau taan isob, ve ilup di leso tigham malmal pa Maaron tamtoghon toni tinimale Gog ve Magog. Maaron koia tonowen, irau tanin di maau. Yes ival kat tinimale magargaar to naari. Syg 16:14

2 Timoti 3:13

Ve ndiran samsamiadi ve ndiran kaaromŋa to tipaghau tamtoghon pa ataam to Maaron, nene pale tinoknok ghamuuŋ ŋgar todi samia tonowen ila ila le inim tiina kat. Tovenen kaarom todi pale iweu tamtoghon tiyel pa ataam to Maaron. Ve taudi tiyel pani paam. Pasa, tighur ila ŋgar kaarom.

2 Timoti 2:16

Saveeŋ soroksorok to taan to tamtoghon avodi burburia pani, yom uneep saguan pani. Pasa, saveeŋ tovene pale ipaghau tamtoghon pa ataam to Maaron, ve tila tila le tisami kat. Nene inimale moroghooŋ samia to ivot inim tiina, ve iwaghamun tamtoghon le tisami. Ndiran ru to tisasavia saveeŋ tovene, nene Imeneus ve Piletus. 1Tim 1:4,20, 4:7; Tit 1:14

Epesus 5:6

Tovenen matamim imosmoos pooi pa taumim. Pa vene, tamtoghon titombaan gham pa saveeŋ todi soroksorok, ve tiweu gham ve agham ŋgar samsamia to nasavia di ne. Ve yam awatag: Yes to tizorzoor Maaron, ve tinoknok ghamuuŋ ŋgar tovene, nene pale mbalmbali to Maaron iza todi. Ro 1:18; Kol 3:6

Uraat To Yes Mbaŋooŋa 20:30

Ve yam taumim paam, tamtoghon tiam pida pale timundig, ve tighamun saveeŋ to Maaron. Leso tighereb yam to aazne ataghon Yesu ne, ve apul saveeŋ onoon ineeple, ve ataghon di pa ŋgar todi. 1Tim 1:3+,19+; 1Yo 2:19

Saveeŋ Yoŋgaaŋ 13:8

Ve ival tiina to taan tiput aghedi pa mbeb tonenen ve tipaiti. Nene yes to izadi ineep ila rau to nepooŋ mataad yaryaara maau. Rau tonowen, Sipsip to Maaron to tirabi imaat, iŋgini. Muuŋ kat, sawa to Maaron ighur sambam ve taan sone, ye imbood tamtoghon toni izadi ila rau tonenen pataghaaŋ wa. Lu 10:20; Ep 1:4; Syg 17:8, 20:12+

1 Yoan 2:26

Saveeŋ tonene, you nambooda ilat tiam, leso matamim imosmoos pa ndiran kaaromŋa to tighaze tipaghau gham pa ataam to Maaron.

1 Yoan 2:18

Ndinatug, apatum gham! Pasa, sawa to Maaron ipasob uraat toni, tauto aazne taza pani wa. Muuŋ, tisaav payam tighaze: “Muri, Yesu koia eez pale ivot.” Ve aazne, katindi tivot wa. Tovenen iit tawatag: Sawa to Maaron ipasob mbeb tisob, tauto taza pani wa. Mk 13:6; 2Tes 2:3; 1Yo 4:3

Kolosi 2:18

Ndiran pida, avodi iyaryaaŋ tighaze yam irau atatan taumim ve awaghamun taumim, leso anim tamtoghon patabuaŋa. Ve tighaze yam asuŋ pa yes aŋela ve apait di. Ndiran tovene, ighaze todi eta iveleg gham, ve ipambar ate pa tandagiiŋ to ye ighita, yam aghur ila saveeŋ toni malep. Pa vene, iweu gham ala ayel pa ataam to Maaron. Ghoro agham atia tiam poia maau. Tamtoghon tovene, ye ipakur tau sorok itaghon ŋgar to taan moghon.

Kolosi 2:8

Apatum gham pa yes kaaromŋa. Pa vene, tiweu gham ve ataghon di. Saveeŋ to tisasavia, nene saveeŋ tau maau. Nene saveeŋ sorok to itaghon ŋgar to nditimbudi muuŋ ve inim. Le anoŋa maau. Ndiran tonowen tighaze titaghon ŋgar to avuvu naol to tiŋgin mbeb to sambam paroŋania ve taan. Eemoghon saveeŋ todi itaghon Krisi ŋgar toni maau. Mk 7:3; Ga 4:3,9; 1Tim 4:1+; Hib 13:9

Galesia 2:4

Sawa tonenen, tamtoghon pida to toŋvetaz tau to Krisi maau, tigham kaarom ve tinim toman ghei sorok pa tindaŋgat ghei. Pasa, yes tiwatag: Yei nighur ila nighaze iit tamtoghon to taneep tuŋia ila to Krisi, Krisi ipas ghiit pa ataam to taghoniiŋ tutuuŋ wa. Ndiran tonowen tighaze tigham ghei ninim mbesooŋa sorok muul pa yes Yuda gabuadi ve tutuuŋ todi. Mbaŋ 15:24; Pil 3:2+

2 Korin 11:3

Aazne, yam ataghon ŋgar ŋgalaaŋa ve aghur lolomim isob iŋarua Krisi. Eemoghon namatughez: Pale tamtoghon pida tighamun ŋgar tiam, inimale muuŋ moot igham kaarom pa Eva ve itombaana, ghoro apul ŋgar tonanan. Mbnp 3:1+; 2Pe 3:17

1 Korin 2:4

Ve sawa to navotia varu poia payam, you nasavsaav nanimale yes ŋgara to taan pa nagham lolomim ne maau. Eemoghon Maaron Avuvu igham uraat toman tapiri ila lolomim. Tauto ipatooŋ ghou ighaze saveeŋ to nasavia payam, nene saveeŋ onoon.

Matayu 24:24

Pasa, ndiran kaaromŋa katindi pale timundig, ve pida titoom tighaze yes Mesia. Ve pida pale titoom tighaze yes propeta to tivotia Maaron aliŋa. Ve yes pale tigham mbeb gharatooŋadi toman ghilalooŋ tintina pida tivot paam. Leso tiweu tamtoghon ve tipul ataam to Maaron. Yes to Maaron isia di tinim le ne paam. Ndiran kaaromŋa tonowen pale titoova pa tiweu di, leso tipul ataam to Maaron. Lo 13:1+; Syg 13:13+

Epesus 4:17

Tovenen you nasaav ariaŋa payam ila Maaron iza: Yes to tiwatag Maaron maau, yam ataghon ŋgar todi muul malep. Pasa, ŋgar todi le anoŋa poia eta maau. Ŋgar todi iyaryaaŋ tighaze tizoor Maaron aliŋa ve titaghon ŋgar to ndoroom. Tauto ighamun ŋgar todi, le tineep saguan pa nepooŋ poia to iit taghami ila to Maaron. Ro 1:21; Ep 2:12; 1Pe 4:3