Kolosi 2:23 - Mutu (Oov)

²³ Onoon, tutuuŋ tovene, tamtoghon pida tighita di tighaze nene ŋgar poia. Pasa, matadi iŋgal tovene: Ighaze tizuaria di kat pa Maaron, ve titatan taudi, ve tiwaghamun taudi anoŋadi, nene pale igham suŋuuŋ todi poia kat ila Maaron mata. Eemoghon tutuuŋ tovene irau tiuul ghiit pa tatatan ŋgar samia to lolood muŋgina ne maau.

Maaron Saveeŋ Tooni Patabuyaaŋ Tuam

²³ Onoon, tutuuŋ tauvene, tamtamon siriv tighita tighe ene ŋgar poia. Pasaa, matazi iŋgal tighe: Isaav ighe tizuari zi kat pa Maaron, ve titatan tauzi, ve tivaghamunia tauzi anoŋazi, ene aat igham suŋuuŋ toozi poia kat ila Maaron maata. Eemon tutuuŋ tauvene irau iuul ghiit to tatatan ŋgar saghati to loloon muŋgaana ne mako.

Kolosi 2:23 Referans Kwoze

1 Timoti 4:8

Ighaze tazuaria ghiit pa ghamuuŋ anoŋaad tapiri ivot inim tiina, nene iuul ghiit ris moghon. Ve ighaze tazuaria ghiit pa taghoniiŋ ŋgar to Maaron, nene iuul ghiit kat. Pasa, iuul ghiit pa nepooŋaad to aazne, ve nepooŋaad to muri paam. Mbo 84:11; Mt 6:33; 1Tim 6:6

Kolosi 2:18

Ndiran pida, avodi iyaryaaŋ tighaze yam irau atatan taumim ve awaghamun taumim, leso anim tamtoghon patabuaŋa. Ve tighaze yam asuŋ pa yes aŋela ve apait di. Ndiran tovene, ighaze todi eta iveleg gham, ve ipambar ate pa tandagiiŋ to ye ighita, yam aghur ila saveeŋ toni malep. Pa vene, iweu gham ala ayel pa ataam to Maaron. Ghoro agham atia tiam poia maau. Tamtoghon tovene, ye ipakur tau sorok itaghon ŋgar to taan moghon.

Kolosi 2:8

Apatum gham pa yes kaaromŋa. Pa vene, tiweu gham ve ataghon di. Saveeŋ to tisasavia, nene saveeŋ tau maau. Nene saveeŋ sorok to itaghon ŋgar to nditimbudi muuŋ ve inim. Le anoŋa maau. Ndiran tonowen tighaze titaghon ŋgar to avuvu naol to tiŋgin mbeb to sambam paroŋania ve taan. Eemoghon saveeŋ todi itaghon Krisi ŋgar toni maau. Mk 7:3; Ga 4:3,9; 1Tim 4:1+; Hib 13:9

1 Timoti 4:3

Yes tiŋgalsekin tamtoghon pa vaiuuŋ, ve ghaniiŋ aniiŋ pida. Eemoghon aniiŋ to naol ne, Maaron ighur di, leso iit to taghur ila toni ve tawatag saveeŋ onoon ne, tagham di ve taghan di toman lolood poia pani. Mbnp 9:3; Mk 7:19; 1Kor 10:30+; Hib 13:4

Kolosi 2:22

Aghita. Tutuuŋ naol to tiŋarua aniiŋ ma mbeb tovene, nene tisavia mbeb to taghami ve taghani, ve isob. Tutuuŋ tovene titaghon ŋgar to tamtoghon moghon. Pasa, tamtoghon to tighur di ve tisaav pait tighaze tataghon di. Mt 15:9+

Epesus 5:29

Aghita. Tamtoghon eta ighur koi pa tau anoŋa maau. Iit tasob mataad pa anoŋaad ve taŋgini pooi. Krisi itaghon ŋgar raraate moghon pa iit tamtoghon to taneep ila lupuuŋ toni.

Rau Tau Paulus Iboode Pa Yes Roma Rom--Romans 13:14

Agham ŋgar to Tiina toit Yesu Krisi inim lemim, inimale andud gham pa nonogiiŋa paghu. Ve ŋgar samsamia to lolomim muŋgina ipapazaagh gham pani, nene akaal ataam pa ghamuuŋi malep. Ga 3:27; Ep 4:24; Kol 3:10; 1Pe 2:11