Kolosi 2:13 - Mutu (Oov)

¹³ Muuŋ, yam agham ŋgar naol to tiyel pa tutuuŋ to Maaron, ve ataghon ŋgar to lolomim muŋgina. Pasa, sawa tonenen, Krisi indiir ŋgar to lolomim muŋgina sone. Tovenen nepooŋ tiam, yam animale yes mateeŋa. Lemim ghilalooŋ pa Maaron maau, ve irau agham ŋgar poia eta maau. Eemoghon aazne, Maaron ipamundigin gham toman Krisi, ve agham nepooŋ paghu ila toni. Pasa, ye ireu sosor toit isob ilale wa. Ro 6:13; Ep 2:1,5,11

Maaron Saveeŋ Tooni Patabuyaaŋ Tuam

¹³ Muuŋ, yam amamalaaŋ pa tutuuŋ to Maaron, ve ataghon ŋgar to lolomim muŋgaana. Pasaa, saawe tana, Krisi irav motin ŋgar to lolomim muŋgaana soone. Tauvene lepoogh tsiam, ene imin yes mateegha. Lemim ghilalooŋ pa Maaron mako, ve irau agham ŋgar poia eta mako. Eemon aazne, Maaron ipaburigin gham tomania Krisi, ve agham lepoogh paaghu ila tooni wa. Pasaa, i ireu sosor toit isov ilale. Ro 6:13; Ep 2:1,5,11

Kolosi 2:13 Referans Kwoze

Epesus 2:1

Muuŋ, yam aneep animale yes mateeŋa. Pasa, lemim ŋgar eta pa Maaron maau, ve irau agham ŋgar poia eta maau. Sawa isob, yam amalaaŋ pa tutuuŋ toni, ve agham ŋgar samsamia naol. Kol 2:13.

Rau Tau Paulus Iboode Pa Yes Roma Rom--Romans 8:11

Ve ighaze Maaron toit to ipamundigin Yesu Krisi pa mateeŋ ne Avuvu ineep ila lolomim, ye pale ipamundigin gham paam pa mateeŋ ila Avuvu tonowen tapiri, ve aneep matamim iyaryaar toman anoŋamim paghu. Ro 6:5; 1Kor 6:14; 2Kor 4:14

2 Korin 3:6

Tovenen Maaron tau igham ghei nirau uraat toni, ve ighur ghei ninim mbesooŋa pa ataam paghu to yesŋa tamtoghon toni tilup di tinim ee moghon. Ataam tonene, nene ataam to taghoniiŋ tutuuŋ to timbooda ne maau. Nene ataam to Maaron Avuvu to itortoor ghiit tanim paghu. Pasa, tutuuŋ to timbooda, nene igham ghiit tamaat. Ve Maaron Avuvu, ye igham ghiit taneep poia ila to Maaron. Yo 6:63; Ro 7:6; Ga 3:10+; Hib 8:6+

Hibru 9:14

Ighaze venen, Krisi siŋ toni ilib kat pa mbeb tonowen. Pasa, Avuvu Patabuaŋ to inepneep irau sawa isob ne, tapiri ipaloti, ve iyokia tau ve imaat inim watooŋrau pa Maaron, leso ireu sosor toit. Watooŋrau toni tonowen, poia le poia kat. Sosor eta ineep ila maau. Tovenen siŋ toni le tapiri tiina. Irau imen lolood ve igham ghiit tayamaan tauud taghaze taŋgalaaŋ ila Maaron mata. Ve igham ghiit tapul ŋgar to ighereb ghiit pa mateeŋ, leso tambees pooi pa Maaron mata yaryaara. Tit 2:14; Hib 10:22; 1Yo 1:7

2 Korin 5:19

Muuŋ, koi ineep ila iit tamtoghon ve Maaron sosood. Pasa, tamamalaaŋ pa tutuuŋ toni. Eemoghon ila uraat to Krisi, Maaron ireu sosor toit, ve ipasob koi tonowen. Tauto aazne, mata kisin sosor toit muul maau, ve itiŋa talup ghiit tanim ee moghon wa. Ve ye ighur saveeŋ toni inim tiei, leso nivotia pa tamtoghon, ve tiwatag ataam to yesŋa Maaron tilup di tinim ee moghon. Mbo 32:1+; Ro 3:23+; Kol 1:19+

Epesus 2:11

Yam to Yuda maau ne, matamim iŋgal. Muuŋ, yes Yuda tipapait taudi tighaze yes, ghoro tizir di. Ve tiveveleg gham tighaze yam tizir gham maau. Eemoghon uraat to zirooŋ tamtoghon, nene mbeb to uliid moghon to tamtoghon tigham pa nimadi. Nene igham mbeb eta pa lolood maau.

Lukas 15:32

Ughita. Iit taghaze pa tazim imaat wa. Eemoghon ineep mata iyaryaar. Ve taghaze pa ilale wa. Eemoghon aazne, inim peria ve taghita muul. Tovenen ighaze tagham ghanghaniiŋ pani toman tiniid iza, nene deŋia.’ ”

Lukas 15:24

Pasa, iit taghaze pa ye imaat wa. Eemoghon maau. Mata iyaryaar, ve imuul inim ivot. Taghaze pa ye ilale wa. Eemoghon maau. Aazne, taghita muul.’ Tovenen mbesooŋa toni tila tigham uraat itaghon olman aliŋa. Ghoro tilup di pa ghanghaniiŋ toman tinidi iza. Ep 2:1,5

Yakobus 2:26

Tovenen ighaze tamtoghon eta ighur ila, eemoghon ghurla toni ipamundigini pa ghamuuŋ ŋgar poia maau, nene ghurla toni imaat wa. Inimale iit tamtoghon. Ighaze avuvuud isob, nene tamaat.

Epesus 5:14

Ve ghazooŋa toni isul di ve itoor di. Leso anadi tipatooŋ ghazooŋa toni. Pughu tonene to tisavsaav tighaze: “Yom to ugheen, umundig pa mateeŋ. Leso ghazooŋa to Krisi isul ghom.” Ro 13:11

1 Korin 15:45

Maaron aliŋa to timbooda, isaav ighaze: “Adam, ŋgeu to Maaron ighuri muuŋ, imundig inim tamtoghon, ve mata iyaryaar.” Mbnp 2:7 Ve Adam ite to ivot muri, ye avuvu to igham ghiit taneep mataad iyaryaar le alok. Yo 5:21,24; Ro 5:15+

Rau Tau Paulus Iboode Pa Yes Roma Rom--Romans 6:13

Aŋgin poian anoŋamim babaŋa tisob, inimale matamim, avomim, nimamim ma venen. Apul di tinim mbesooŋa pa ŋgar samia muul malep. Muuŋ, yam aneep animale yes mateeŋa. Ve aazne, Maaron ipamundigin gham ve agham nepooŋ paghu ila toni wa. Tovenen aghur taumim anim le kat. Ve aghur anoŋamim babaŋa tisob tinim ye le paam, leso tinim mbesooŋa pa ŋgar deŋia. Ro 12:1; 2Kor 5:14+; Kol 3:5

1 Yoan 2:12

Ndinatug, you nambood saveeŋ tonene ilat tiam pasa, ila Yesu Krisi iza, Tamaan Maaron ireu sosor tiam isob ilale wa. Mbaŋ 10:43; 1Kor 6:11

1 Korin 15:36

Yom borou! Lem ŋgar maau! Ughita. Ighaze tavazog mbeb eta uve, nene pale uli imbuuz ve ilale, ghoro paghu toni itub iza. Yo 12:24

Yoan 5:21

Tama Maaron, ye ipamundigin yes mateeŋa ve timundig matadi iyaryaar muul. Natu tovene paam. Ighaze lolo pa tamtoghon eta, ye pale ighami ineep poia. Yo 11:25; Ro 4:17; 1Kor 15:45; Ep 2:5

Lukas 9:60

Yesu ipamuul aliŋa ighaze: “Maau. Yes to ledi ghilalooŋ pa Maaron maau ve titaghon ataam to mateeŋ, yes irau titavia mateeŋa. Eemoghon yom, ghoro ula uvotia pooz to Maaron pa tamtoghon.”

Hibru 6:1

Sawa to talooŋ saveeŋ to Krisi inim paghu, tipatoot ghiit pa ŋgar rauraua muuŋ. Ŋgar tovene: Ŋgar to pale igham ghiit tamaat ve talaleed, iit irau tapuli ineeple, tatoor ŋgar toit, ve taghur ila to Krisi. Ve tipatoot ghiit pa ŋgar naol to ghamuuŋ ya, ve ŋgar to ghuruuŋ nimaad izala tamtoghon poghodi pa tapalot di, ve mundigiiŋ to yes mateeŋa. Ve tipatoot ghiit tighaze Maaron pale iŋgabiiz ghiit ve ighur atia pait. Ve atia tonowen pale ineep le alok. Ŋgar tovene to tipatoot ghiit pani muuŋ, ghoro tisavia ŋgar pida. Nene poia. Eemoghon ighaze tasasavia ŋgar tovene moghon, nene inimale iit taghelia gungun moghon, ve tarei ruum anoŋa maau. Tovenen iit irau tazuaria ghiit le taghazooŋ pa ŋgar pida paam, leso ŋgar toit imatu pa Maaron saveeŋ toni.

1 Timoti 5:6

Ve ighaze naar eta tini imbees pa nepooŋ poia to taan moghon, onoon, ye ineep mata iyaryaar. Eemoghon ghurla toni, nene imaat wa.

Rau Tau Paulus Iboode Pa Yes Roma Rom--Romans 4:17

Saveeŋa timbooda pataghaaŋ wa. Tighaze: “You naghur ghom leso unum ival tiina to ndug ndug tamandi.” Mbnp 17:4+ Aazne, saveeŋ tonene anoŋa ivot pa iit tamtoghon to taghur ila to Krisi. Pasa, Maaron ighita ghiit ighaze iit tanim Abaram papaghu toni. Abaram ipatooŋ ghiit pa ataam to ghurla. Pasa, ye ighur ila to Maaron ighaze ye irau ipamundigin yes mateeŋa. Ve ighur ila ighaze Maaron isaav moghon, ve mbeb to muuŋ tineep maau ne, tivot. Yo 5:21; Hib 11:3,19

Yoan 6:63

Maaron Avuvu moghon irau igham nepooŋ poia to anunuud ivot. Mbeb eta to tamtoghon to taan tighami ila taudi tapiridi ve ŋgar todi, irau iuul di pa tigham nepooŋ tonenen maau. Saveeŋ to you nasavia payam, tauto inim ataam pa agham Maaron Avuvu toman nepooŋ poia. 2Kor 3:6; 1Pe 1:23

Yakobus 2:20

Yom ugham ŋgar to borouŋa! Ighaze ughur ila to Maaron, ve ughamgham ŋgar poia maau, ghurla tiom, nene mbeb sorok. Le anoŋa maau. Vena? Ughaze napaghazoŋan ghom pa saveeŋ tiou tonene pughu?

Yakobus 2:17

Nene raraate moghon pa ghurla toit. Ighaze taghur ila moghon, ve ghurla toit ipamundigin ghiit pa ghamuuŋ ŋgar popoia maau, nene imaat wa.

1 Timoti 6:13

Maaron, ye inim pughu pa mbeb tisob to tineep matadi iyaryaar. Ve Yesu Krisi, ye imatughez maau, ve ivotia tau ighazooŋ ila Pontius Piladus mata. You nasaav ariaŋa payom ila yesuru matadi tovene: Ugham ŋgar samia eta to irau igham tamtoghon tiyou avodi pa lupuuŋ to Krisi malep. Tutuuŋ to nasavia payom ne, matam kisini ve utaghoni kat le irau sawa to Tiina toit Yesu Krisi imuul inim, ve ipatooŋ tau ivot ighazooŋ.

Kolosi 2:12

Ŋgara tovene: Sawa to agham ya, yam alup toman Krisi pa mateeŋ toni, ve titavia gham toman Krisi. Ve Maaron igham gham alup toman Krisi pa mundigiiŋ toni paam, tauto agham nepooŋ paghu ila toni. Pasa, yam aghur ila Maaron tapiri to ipamundigin Krisi pa mateeŋ. Ro 6:3+; Ep 2:6, 3:7; Kol 3:1+