Kolosi 1:3 - Mutu (Oov)

³ Sawa isob to yeru nighur gham ila suŋuuŋ tiei, nipait Tiina toit Yesu Krisi Tama Maaron toman lolomai poia kat.

Maaron Saveeŋ Tooni Patabuyaaŋ Tuam

³ Saawe isov tau yeiru nighur gham ila suŋuuŋ tsiei, yei nipait Tiina toit Yesu Krisi Taama Maaron toman lolomai poia kat.

Kolosi 1:3 Referans Kwoze

1 Tesalonika 1:2

Sawa isob, yei nipapait Tamaan Maaron pa yam asob toman lolomai poia kat, ve nighurghur gham ila suŋuuŋ tiei, ve matamai iŋgalŋgal ŋgar popoia to yam aghamgham di. Pasa, yam aghur ila to Krisi ariaŋa, tauto ipamundigin gham pa ghamuuŋ uraat popoia naol. Ve lolomim pa tamtoghon ve aghaze agham poian di, tauto aghamgham uraat tiina pa ulaaŋ di. Ve yam awatag aghaze Tiina toit Yesu Krisi pale imuul inim ve igham mulin gham. Tauto ayoon ariaŋa pa badooŋ pataŋani, ve aghurghur matamim pa mulaaŋ toni. 1Kor 13:13; Kol 1:4+; 1Tes 4:14+

2 Timoti 1:3

You nambesmbees pa Maaron ve nataghon ŋgar to nawatagi ila lolog naghaze nene iŋgalaaŋ ila ye mata, inimale muuŋ nditimbug tighamghami. Ve mboŋ ve ndag, matag iŋgalŋgal ghom, ve naghurghur ghom ila suŋuuŋ tiou, ve napapait Maaron toman lolog poia pa ŋgar poia to yom ughamghami. Mbaŋ 22:3; Pil 3:5+

Kolosi 1:9

Tovenen sawa to nilooŋ varumim ve inim, yei nighurghur gham ila suŋuuŋ tiei. Sawa isob, nighason Maaron pa ipavonin gham pa ŋgar popoia tisob to tinim pa ye tau Avuvu, ve ipaghazoŋan gham pa ŋgar to ye lolo pani. Ep 1:17, 5:17

1 Korin 1:4

Sawa isob, you napait Maaron payam toman lolog poia. Pasa, ila uraat to Yesu Krisi, Maaron ighur poia toni tiina iza tiam.

Kolosi 1:13

Muuŋ, ŋgar to ndoroom igham pooz pait. Ve aazne, Maaron ipas ghiit tavot pa ndoroom tapiri, ve ighur ghiit taneep ila Natu Yesu Krisi samba, leso tataghon pooz toni. Natu tonowen, ye lolo pani kat. Mbaŋ 26:18; 1Pe 2:9

Epesus 1:15

You nalooŋ varumim tighaze yam aghur ila kat to Tiina toit Yesu, ve lolomim pa Maaron tamtoghon toni patabuaŋa tisob, ve aghamgham poian di. 1Tes 1:2+

Pilipai 4:6

Lolomim imbumbu pa mbeb eta malep. Sa ŋgar ma mbeb to ighaze ivot payam, nene asavia pa Maaron. Suŋuuŋ tiam iŋarua irau sawa isob, apaiti pa poia toni, ve aghasoni pa iuul gham. Mbo 55:22; Mt 6:25+; 1Pe 5:7

Rau Tau Paulus Iboode Pa Yes Roma Rom--Romans 15:6

Leso yam asob lolomim ee moghon, ve alup avomim, ve apait Tiina toit Yesu Krisi Tama Maaron pa tapiri ve poia toni. Onoon.

2 Korin 1:3

Lolood poia pa Tiina toit Yesu Krisi Tama Maaron, ve tapaiti pa poia toni. Pasa, ye lolo isamin ghiit ve iuluul ghiit. Ye Maaron to irabrab ateed ve ipapalot ghiit irau sawa isob. Ep 1:3; 1Pe 1:3

Epesus 6:18

Ve asuŋ itaghon pooz to Avuvu Patabuaŋ irau sawa isob. Aghason Maaron pa iuul gham pa mbeb to naol ne. Ve tinimim imum pa suŋuuŋ malep. Apamaat ariaŋa, ve aghur Maaron tamtoghon toni patabuaŋa tisob tila suŋuuŋ tiam. Lu 18:1; Kol 4:2; 1Tes 5:17