Kolosi 1:20 - Mutu (Oov)

²⁰ Koi to ineep ila iit, Maaron, ve mbeb tisob to sambam ve taan sosood, Maaron ighaze ipasobi, ve igham ghiit toman mbeb tisob tonowen ve tamuul tala to ye tau. Pughu tonene to Natu siŋ toni imaliŋ izala ai pambarooŋ ve imaat. Leso ipasob koi tonowen le isob kat, ve itiŋa Maaron talup ghiit tanim ee moghon, ve taneep pooi. Ro 5:1,10; 2Kor 5:18+; 1Yo 2:2

Maaron Saveeŋ Tooni Patabuyaaŋ Tuam

²⁰ Koi tau isap Maaron, iit, ve gabua naol isov to sambam ve taan sosoon na, Maaron ighe ipasovu, ve igham ghiit tomania gabua naol isov tawe tamuul tala pa i tauu. Puughu tane ta Naatu siŋ tooni imaliŋ izala ai pambarooŋ ve imaat. Leso ipasov koi tawe le isov kat, ve itiŋa Maaron tavalupu ghiit tamin eemon, ve taleep poia. Ro 5:1,10; 2Kor 5:18+; 1Yo 2:2

Kolosi 1:20 Referans Kwoze

Hibru 2:17

Pughu tonene to ye ighita ighaze ye izi inim taan ve inim tamtoghon raraate inimale iit toŋvetaz toni pa mbeb to naol ne, ghoro poia. Leso inim daba to watooŋrau to lolo isamin ghiit, ve igham poian uraat to Maaron ighuri ila nima, ve ireu sosor toit, ve itatan mbalmbali to Maaron. Pil 2:7; Hib 2:11, 3:1

Rau Tau Paulus Iboode Pa Yes Roma Rom--Romans 5:1

Tovenen, iit to taghur ila to Krisi, taneep deŋiaad ila Maaron mata wa. Ve Tiina toit Yesu Krisi irab motin koi to muuŋ ineep ila itiŋa Maaron sosood. Ye inim ataam pait, tauto aazne itiŋa Maaron talup ghiit tanim ee moghon wa. Mbaŋ 10:36; Ro 3:28; 2Kor 5:19; Ep 2:13+; Kol 1:20

Pilipai 2:10

Pasa, Maaron ighaze tamtoghon tisob tiput aghedi pa Yesu, ve tipait iza, ve tisaav ghazooŋa tighaze: “Yesu Krisi, ye Tiina.” Yes to tineep izi sambam, yes to tineep izi taan, ve yes mateeŋa to tineep ila taan lolo ne paam. Tama Maaron itaghon ataam tovene, leso tamtoghon tisob tipait iza pa tapiri ve poia toni. Yo 5:23; Mbaŋ 2:36; Syg 5:13

Uraat To Yes Mbaŋooŋa 10:30

Ghoro Konili ana isaav ighaze: “Wariiz, ndag anunu igham tol ma venen inimale aazne, ve you nasuŋsuŋ izi ruum tiou. Mala maau ve naghita ŋgeu eez ivot. Nonogiiŋa toni milmilia kat. Ye inim iyoon ila matag, ve isaav payou ighaze:

Lukas 2:14

“Tapait Maaron to ineep sala le sala kat ne iza pa tapiri ve poia toni. Mboŋ aazne, luuma to Maaron izi inim taan. Tovenen yes to ye lolo poia padi, nene pale luuma toni iza todi, ve tineep pooi.” Lu 19:38; Ro 5:1; Ep 2:14; Kol 1:20

Matayu 1:21

Ye pale ipoop pain tamoot. Ve yom irau uwaat iza Yesu. Pasa, ye pale igham mulin tamtoghon toni pa pataŋani to sosor todi.” Lu 1:31, 2:21; Yo 1:29; Mbaŋ 4:12

Kolosi 1:16

Pasa, Maaron ighur mbeb tisob tivot ila Krisi nima. Mbeb to sambam, ve mbeb to taan. Mbeb to taghita di pa mataad, ve mbeb to taghita di maau ne paam. Yes daba to tanepneep ila sambadi ne, ve mbeb pida to tapiridi ve izadi tintina ne paam. Inimale yes aŋela ve avuvu ariaŋadi naol naol paam. Mbeb naol tonowen, Maaron ighur di tisob tivot ila Natu nima, ve tineep pa timbees pani. Yo 1:3,10; Hib 1:2; 1Pe 3:22