Hibru 7:14 - Mutu (Oov)

¹⁴ Pasa, sawa to Mose ighur tamtoghon pa tigham uraat to watooŋrau, ye isavia aliŋa eta iŋarua Yuda papaghu toni maau. Mt 1:1; Syg 5:5

Maaron Saveeŋ Tooni Patabuyaaŋ Tuam

¹⁴ Pasaa, saawe tau Mose ighur tamtamon to tigham uratoi watooŋrau, i isavia aliiŋa eta iŋarui Yuda paaghu tooni mako. Mt 1:1; Syg 5:5

Hibru 7:14 Referans Kwoze

Saveeŋ Yoŋgaaŋ 5:5

You nataŋtaŋ, ve ŋginiiŋa tamoot ee ve paaŋ (24), todi eez inim ve isaav payou ighaze: “Utaŋ malep. Ughita ŋgeu tonowen. Ye Laion to ivot ila Yakop natu Yuda siŋ toni, ve ye paghu to kinik David. Ye iyoon ariaŋa ve ilib pa tovaaŋ wa. Tovenen ye poia irau to iwalab bagil liim ve ru pa rau tonowen, ve iraava.” Mbnp 49:9+; Is 11:1,10; Dan 7:13-14; Ro 15:12; Hib 7:14; Syg 6:1

Lukas 3:33

Nason, ye Aminadap natu. Aminadap, ye Admin natu. Admin, ye Arni natu. Arni, ye Ezron natu. Ezron, ye Peres natu. Peres, ye Yuda natu. Mbnp 29:35

Saveeŋ Yoŋgaaŋ 22:16

“You Yesu to nambaaŋ aŋela tiou ilat ve isavia saveeŋ tonene pa yam to aneep ila lupuuŋ tiou irau ndug ndug. Leso napariaaŋ gham pa aghur inim tiou. You paghu to David. You ai matasupu to navot ila toni. Ve you pitum Daga to mboŋmaagh to iraŋ kat.” Nam 24:17; Is 11:1+; Syg 2:28, 5:5

Rau Tau Paulus Iboode Pa Yes Roma Rom--Romans 1:3

Varu poia tonene isavia Maaron Natu Yesu Krisi. Ye Tiina toit. Ye izi inim taan ve inim tamtoghon, ve ye siŋ to kinik David. Avuvu Patabuaŋ ipaghazoŋan ghiit pani ighaze mundigiiŋ toni ila mateeŋ, tauto ipatooŋa ighaze ye Maaron Natu, ve tapiri tiina kat. Mt 1:1+; Hib 1:5

Epesus 1:3

Iit tapait Maaron, ye Tiina toit Yesu Krisi Tama. Pasa, iit to taneep tuŋia ila to Krisi, Maaron igham poian ghiit, ve igham mbeb popoiadi naol to ndug sambam pait, leso ipalot anunuud.

Rau Tau Paulus Iboode Pa Yes Roma Rom--Romans 2:3

Ughita. Yom uŋgagabiiz tamtoghon ve ughaze yes samsamiadi. Eemoghon taum utaghon ŋgar raraate inimale yes tighamghami. Vena, ughaze Maaron pale ighurghur ghom? Maau kat! Ye pale iŋgabiiz ghom ve ighur atia payom paam.

Yoan 20:28

Tomas isaav pani ighaze: “Yom Tiina tiou, ve Maaron tiou!”

Yoan 20:13

Aŋela ru tonowen tighasoni tighaze: “Liva, yom utaŋtaŋ pasa?” Ye ipamuul aliŋadi ighaze: “Wai, tigham Tiina tiou paatu ila wa. Ve you nakankaan pani. Tighuri sine?”

Lukas 1:43

You sei, to Maaron tiou tina inim iŋgig ghou?

Pilipai 3:8

Ve tonene moghon maau. You naghita naghaze mbeb popoiadi tisob to taan paam, nene mbeb sorok. Irau to tiuul ghou maau. Ve mbeb ee moghon kat, to naghita naghaze nene mbeb tau, ve mbeb poia kat to ilib pa mbeb to naol ne. Nene ŋgar to nawatag katin Tiina tiou Yesu Krisi. Onoon, ye inim pughu pa napul mbeb tiou tisob tizi tineep. Eemoghon matag ila pa mbeb tonowen muul maau. You naghita di tinimale buzbuz. Pasa, ŋgar tiou iyaryaaŋ naghaze le nagham Krisi inim leg. Lu 9:24; Yo 17:3

Matayu 2:6

Ndug Betelem to uneep taan suruvu to Yudea ne, yom ndug sorok maau. Varum pale ilib pa paanu tintina to tighamgham pooz pa Yudea. Pasa, ŋgeu tiina eez pale ivot ilat tiom. Ye pale iŋgin tamtoghon tiou Israel, ve igham pooz padi.” Mika 5:2; Yo 7:42

Hibru 7:13

Ŋgeu to watooŋrau to nisasavia ne, nene Tiina toit Yesu. Ye ivot ila to Levi maau. Ye ivot ila to Yakop natu Yuda. Ve iit tawatag: Muuŋ ve inim, paghu eta to Yuda ikis uraat to watooŋrau maau.

Hibru 7:15

Saveeŋ to nisasavia ne, ŋgar tiam avaat ighami wa. Aazne, ŋgeu paghu eez to watooŋrau ivot wa. Ye inimale Melkizedek.