Hibru 5:8 - Mutu (Oov)

⁸ Onoon, ye Maaron tau Natu. Eemoghon pataŋani naol to ye imbaad di, tauto igham ŋgar toni ighazooŋ kat pa ŋgar to taghoniiŋ Maaron aliŋa.

Maaron Saveeŋ Tooni Patabuyaaŋ Tuam

⁸ Onoon, i Maaron tauu Naatu. Eemon pataŋani naol tau i ibaad zi na, tauta igham ŋgar tooni ighazooŋ kat pa ŋgar to taghoniiŋ Maaron aliiŋa.

Hibru 5:8 Referans Kwoze

Pilipai 2:8

Tovenen tamtoghon tighita tighaze ye tamtoghon inimale iit. Ve ye itatan tau, ve mata loŋloŋaiŋa pa Maaron ila ila le imaat. Ve mateeŋ toni, poia maau. Pasa, imaat izala ai pambarooŋ. Mt 26:39; Yo 10:17+; Hib 5:8, 12:2

Yoan 4:34

Yesu isaav padi muul ighaze: “Aghita. You irau nataghon Ŋgeu to imbaaŋ ghou nanim ne lolo, ve napasob uraat toni le isob kat. Aniiŋ tiou tau tonenen. Yo 6:38, 17:4

Yoan 15:10

Ighaze matamim kisin tutuuŋ tiou tisob ve ataghon di, nene pale awatag kat aghaze you lolog payam kat, ve aneep ilooŋ ila ŋgar tiou tonene irau sawa isob. Inimale you. Matag kisin Tamaŋ tutuuŋ toni to naol ne, ve nataghon di. Tauto nawatag naghaze ye lolo ineep tiou kat, ve naneep ilooŋ ila ŋgar toni tonenen irau sawa isob. 1Yo 5:3

Yoan 6:38

“You naneep sambam ve nazi nanim taan pa nagham mbeb eta itaghon taug lolog ne maau. You nazi nanim pa nataghon Tamaŋ to imbaaŋ ghou nanim ne lolo.

Hibru 3:6

Eemoghon Krisi, ye Maaron Natu to iŋgin poian ruum to Maaron itaghon Maaron ŋgar toni. Ve ighaze tamatughez maau, ve takis ghurla toit tuŋia, ve taghur mataad pa nepooŋ poia to Maaron pale igham pait, ve tiniid iza pani, nene pale tapatooŋ tauud taghaze iit ruum to Maaron. 1Kor 3:16; 2Kor 6:16; Hib 6:11

Hibru 1:8

Eemoghon ye isavia Natu ighaze: “Maaron, pooz tiom irau isob ne maau. Uneep ila inam to ghamuuŋ pooz itaghoni taghoni gha ila. Ŋgar deŋia to inim ghilalooŋ pa pooz tiom.

Hibru 1:5

Aghita. Maaron isaav pa Natu ighaze: “Aazne, you nasaav ghazooŋa tovene: You natug yom. Yom tamam to you. Aazne, you naghur ghom pa uraat.” Mbo 2:7; Mt 3:17; Hib 5:5 Ve isaav muul ighaze: “Ye tama you, ve ye you natug.” 2Sam 7:14 Maaron isavia saveeŋ tovene pa aŋela eta maau. Saveeŋ tonene iŋarua Natu moghon.

Matayu 3:15

Yesu ipamuul aliŋa ighaze: “Maau. Aazne, yom utaghon aliŋag, ghoro poia. Pasa, iit irau tataghon suvun ŋgar deŋia, ve tagham anoŋa toni ivot, ghoro poia.” Tovenen Yoan ilooŋ Yesu aliŋa, ve irughuuza.

Hibru 1:2

Eemoghon aazne, taneep ila sawa paghu to Maaron ighaze ipasob uraat toni. Tovenen sawa tonene, iit talooŋ Maaron aliŋa ila tau Natu avo. Sawa to Maaron ighur sambam ve taan toman mbeb to naol, ye ighur di tivot ila Natu tonowen nima. Ve ye ighaze ighur mbeb naol tonowen tisob tinim Natu le, leso iŋgin di. Mt 11:27; Yo 1:3; Kol 1:16; Hib 12:25

Yoan 10:18

Tamtoghon eta to taan irau irab ghou namaat sorok ne maau. Nayokia taug, ghoro tirab ghou namaat. Pasa, you tapirig irau nayokia taug namaat, ve tapirig irau namundig matag iyaryaar muul, itaghon saveeŋ to Tamaŋ isavia payou.”