Hibru 4:6 - Mutu (Oov)

⁶ Tovenen saveeŋ mbuaaŋ to Maaron to isaav ighaze ye pale igham tamtoghon toni atedi izi, nene inepneep sone. Ve tamtoghon pida pale tighita saveeŋ tonenen anoŋa. Eemoghon yes to tilooŋ mbeb tonenen varu muuŋ, tighita anoŋa maau. Pasa, tizoor Maaron aliŋa.

Maaron Saveeŋ Tooni Patabuyaaŋ Tuam

⁶ Tauvene saveeŋ mbuaaŋ to Maaron tau isaav ighe tamtamon tooni pale tigham mariaoŋ ila tooni, ene ighengheen soone. Ve tamtamon siriv pale tighita saveeŋ tane anooŋa. Eemon yes tau tilooŋ mariaoŋ tana vaaru imin maata na, tighita anooŋa mako. Pasaa, tizoor Maaron aliiŋa.

Hibru 4:6 Referans Kwoze

Matayu 21:43

Ghoro Yesu iseeŋ saveeŋ toni muul tovene: “Ighaze tamtoghon eta itap ve irab tau izala yaam tonowen, nene pale irab mbirisan tau le mazuvu mazuvu. Ve ighaze yaam tonenen itap izala tamtoghon eta pogho, nene pale imbiriis le ŋeneŋ ŋeneŋia. Tovenen you nasaav payam kat: Maaron pale ipas pooz to ndug sambam payam, ve ighuri ila tamtoghon pida nimadi. Leso tigham uraata le anoŋa ivot.” Is 8:14+; Ro 9:33; 1Pe 2:4,7+

Hibru 4:2

Onoon, tivotia varu poia pait ve talooŋa wa, inimale muuŋ ival tiina to Israel tilooŋ Maaron aliŋa. Eemoghon saveeŋ tonowen iuul di maau. Pasa, sawa to tilooŋa, tighur ila maau.

Uraat To Yes Mbaŋooŋa 28:28

Paulus isaav padi muul ighaze: “Tovenen you naghaze yam awatag kat tovene: Yam Yuda azurun ataam to Maaron igham mulin iit tamtoghon pani. Tauto isakia varu ila irau ndug ndug to Yuda maau. Ve yes pale tilooŋa, ve tighur ila.” Mbo 67:2; Lu 3:6; Mbaŋ 13:46+; Ro 11:11

Hibru 4:9

Tovenen nepooŋ to Maaron igham tamtoghon toni atedi izi kat inimale nepooŋ to umbom patabuaŋ, nene inepneep sone.

Galesia 3:8

Muuŋ kat, Maaron iwatag: Muri, ndug ndug to Yuda maau, pale tighur ila varu poia ve ghurla todi igham di tineep deŋiadi ila ye mata. Pasa, Maaron aliŋa to timbooda, isaav tovene: Muuŋ kat, Maaron ivotia varu poia pa Abaram ighaze: “Yom pale unum ataam pa ndug tisob to taan, leso poia tiou iza todi.” Mbnp 12:3, 18:18, 22:18

1 Korin 7:29

Yam toŋvetaz, saveeŋ tiou tonene, pughu tovene. Sawa inim igharau wa. Tovenen aazne ve ila, tagham ŋgar tiina pa nepooŋ toit to taan malep. Tovenen vaivaiŋa nditamoot, yes irau tineep tinimale yes to ledi ndizwadi maau. Ro 13:11+; 1Kor 10:11; 1Pe 4.7

Hibru 4:11

Tovenen iit irau tazuaria ghiit kat le taneep ateed izi itaghon Maaron ŋgar toni. Pa vene, toit eta izoor Maaron inimale yes Israela, ghoro itap pa ghurla toni, ve irau igham nepooŋ tonowen maau.