Hibru 12:5 - Mutu (Oov)

⁵ Yam avaat lolomim imaagh pa saveeŋ palotiiŋ eez to iŋarua yam to anim Maaron ndinatu ne? Isaav tovene: “Natug, ighaze Ŋgeu Tiina ighur pataŋani eta payom pa ipasaluŋgan ghom, ughita inimale mbeb sorok malep. Ugham ŋgar pani pooi. Ve ighaze iyaan ghom, lolom isami malep.

Maaron Saveeŋ Tooni Patabuyaaŋ Tuam

⁵ Yam aat lolomim iveegh pa saveeŋ palotiiŋ ee tau iŋarui yam tau amin Maaron natŋa na? Isaav ighe: “Natug, isaav ighe Ŋeer Tiina ighur pataŋani eta payo to ipaduduuŋ ghom, na ughita imin gabua sorok sov. Ugham ŋgar pani poi. Ve isaav ighe i iyaon ghom, na lolom isaghat sov.

Hibru 12:5 Referans Kwoze

Saveeŋ Yoŋgaaŋ 3:19

‘Tamtoghon tisob to lolog padi, you nayaan di, leso napasaluŋgan di. Tovenen naghaze utoor ŋgar tiom, ve uzuaria ghom le ŋgar tiom deŋia kat. 1Kor 11:32; Hib 12:5+

1 Korin 11:32

Eemoghon ighaze ye iŋgabiiz ghiit ighaze tagham sosor, ve ilos ghiit pa ipasaluŋgan ghiit, nene poia. Pa vene, takis ŋgar samia toit, ve sawa to Mboŋ Muri, ye ighur atia pait, ve itiŋa ival tiina to taan talaleed. Mbo 94:12+; 2Kor 7:10; Hib 12:7+; Syg 3:19

Yakobus 1:12

Ighaze tamtoghon eta iyoon ariaŋa pa tovaaŋ to ivotvot pani, ye irau tini iza pa poia to Maaron to pale iza toni. Pasa, ŋgar to ye ighami, nene ipatooŋa ighaze ghurla toni, nene mbeb tau. Tovenen muri, ye pale ineep mata iyaryaar. Nepooŋ tonowen, nene atia to Maaron igham pa yes to tiparab ariaŋa ve tilib pa tovaaŋ to ivot padi. Ye imbua saveeŋ pataghaaŋ wa ighaze pale igham nepooŋ tonenen pa yes to lolodi ineep toni. 2Tim 4:8; 1Pe 5:4; Syg 2:10

Hibru 12:7

Tovenen ighaze pataŋani eta ivot payam, ayoon ariaŋa ve ambaada moghon. Pasa, pataŋani tonanan, nene ataam to Maaron ipasaluŋgan gham. Ye ighamgham tovene pa ndinatu tisob. Aghita. Ighaze pain eta igham sosor, pale tama ipuli? Maau. Ndipain tisob, nditamandi tipasaluŋgan di. Ve Maaron tovene paam. Ye ighurghur pataŋani ivotvot pa ndinatu tisob, leso ipasaluŋgan di. Eemoghon ighaze ye ipasaluŋgan gham maau, nene ye ndinatu yam maau. Yam animale ndipain to ledi nditamandi maau. Lo 8:5; Np 13:24

Lukas 24:8

Yes ndiliva tilooŋ saveeŋ tonene, ve matadi iŋgal Yesu aliŋa.

Galesia 6:9

Tiniid imum pa ghamuuŋ ŋgar poia malep. Pasa ighaze tapuli maau, ve tanoknok ghamuuŋi, nene pale taghita anoŋa ila sawa toni. 1Kor 15:58; 2Tes 3:13; Hib 10:36

1 Timoti 1:20

Ndiran tonowen, todi ru, nene Himenaios yesuru Aleksander. You nazurun di pa lupuuŋ to Krisi, ve naghur di tineep ila Sadan nima wa. Naghaze napasaluŋgan di ve tighilaal, leso tiveleg Maaron muul sob. 1Kor 5:5; 2Tim 2:17+, 4:14+

Hibru 13:22

Yam toŋvetaz, you nambood saveeŋ tuku ila rau tonene pa napalot gham. Ve naghason gham naghaze aghur taliŋamim pani pooi. Ayasiil malep.