Hibru 12:27 - Mutu (Oov)

²⁷ Saveeŋ waaro to isaav ighaze ye pale itok taan “pa ee moghon ve isob” nene ŋgara tovene: Maaron pale itok mbeb tisob to ye ighur di. Leso mbeb to ariaŋadi maau, timbiriis ve tilaledi, ve mbeb ariaŋadi to irau katia maau ne, moghon to tineep. 2Pe 3:10; 1Yo 2:17; Syg 21:1

Maaron Saveeŋ Tooni Patabuyaaŋ Tuam

²⁷ Saveeŋ ziiri tau isaav ighe i pale itok taan “pai eemon ve isov”, ene ŋgara tauvene: Maaron pale itok gabua isov tau i ighur zi na. Leso gabua tau ariaŋazi mako na, timbiriis gha tilalez, ve gabua ariaŋazi tau irau katia mako na, tana mon ta tigheen. 2Pe 3:10; 1Yo 2:17; Syg 21:1

Hibru 12:27 Referans Kwoze

1 Korin 7:31

Ve yes to tighamgham uraat pa mbeb to taan, nene ŋgar todi ineep ila mbeb tonowen kat malep. Pasa, iit tawatag: Taan tonene toman taan ŋgara, nene irau ineep le alok maau. Ighaze isob tonene. 2Pe 3:11+; 1Yo 2:15+; Syg 21:1

Matayu 24:35

Sambam ve taan pale tilaledi. Eemoghon saveeŋ tiou waaro eta irau ilale ne maau. Mt 5:18

Saveeŋ Yoŋgaaŋ 21:1

Ghoro matag ila le naghita sambam paghu ve taan paghu. Pasa, sambam ve taan to tivot muuŋ, nene tilaledi wa. Ve te tovene paam, ineep muul maau. Is 65:17; 2Pe 3:13

Saveeŋ Yoŋgaaŋ 11:15

Ghoro aŋela ite to inim liim ve ru pani, ana ivib tavuur toni, ve nalooŋ ival tiina to tineep izi sambam, tisaav aliŋadi tiina tighaze: “Aa, ghara ŋgar samia to muuŋ igham pooz pa taan ne tapiri isob, ve mbeb to naol ne titaghon pooz to Maaron toit ve Mesia toni. Ve ye pale igham pooz tovene itaghoni taghoni gha ila!” Igham 15:18; Mbo 10:16; Syg 10:7

Rau Tau Paulus Iboode Pa Yes Roma Rom--Romans 8:19

Aazne, mbeb tisob to Maaron ighur di, tiŋazuuva ve tighurghur matadi pa Maaron tighaze le rikia moghon ve tighita katin sawa to ye ipatooŋ ndinatu tivot tighazooŋ. Kol 3:4; 1Yo 3:2

Hibru 1:10

Ve saveeŋ waaro ite to iŋarua Maaron Natu, nene isaav tovene: “Tiina, muuŋ kat yom ughur taan, ve ugharaat pughu le iyaryaaŋ. Ve sambam paroŋania paam, nene nimam muri.

Hibru 9:11

Ve aazne, ataam paghu tonenen ivot ighazooŋ pasa, Krisi inim wa. Ye daba to watooŋrau to inim ataam pait ve taghamgham mbeb popoia ila to Maaron. Pasa, ye ilooŋ ila mbeez tau to iyoon izi sambam, ve ila peria to Maaron. Mbeez tonowen, poia le poia kat. Ilib pa mbeez to muuŋ yes Israela tireii. Pasa, tamtoghon tireii pa nimadi maau, ve ineep izi taan maau. Ineep izi sambam. Hib 4:14, 8:1+

Hibru 13:14

Pasa, iit tawatag: Taan tonene, iit leed ndug tiina eta to iit irau taneep pani itaghoni taghoni gha ila ne maau. Nene tazuaria ghiit pa Maaron ndug toni. Ndug tonowen, muri pale ivot ighazooŋ. Pil 3:20; Hib 11:10+, 12:22

Saveeŋ Yoŋgaaŋ 21:4

Ye pale imus matadi suru isob ilale. Ve mateeŋ, moŋiiŋ, taŋiiz, ve yabyabuuŋ irau tivot muul maau. Pasa, nepooŋ to muuŋ isob wa.” Is 25:8; 1Kor 15:26

Saveeŋ Yoŋgaaŋ 21:5

Ve ŋgeu to inepneep ila ina to ghamuuŋ pooz, isaav ighaze: “Ulooŋ. You naghamgham mbeb tisob tinim papaghu.” Ve isaav payou muul ighaze: “Saveeŋ tiou tonene, nene onoon. Tamtoghon irau tighur ila kat. Tovenen umbooda.” Is 43:19; 2Kor 5:17