Hibru 12:18 - Mutu (Oov)

^18-19 Aazne, yam anim avot ndug to irau aghita pa matamim ve akisi pa nimamim animale yes Israela ne maau. Muuŋ, sawa to Maaron ivot todi izi lolooz Sinai, yes tighita yab to ighanghan izala lolooz Sinai daba, toman yaghur tae asosooŋa to ikau lolooz tonowen. Ve tighita ndoroom tiina, ndug milia, ve yaghur tiina. Ve tilooŋ mbeb to avolutu inimale tavuur itaŋ tiina. Ghoro tilooŋ Maaron aliŋa. Tauto matughezaaŋ tiina igham di le tisami kat. Ve titaŋ roran Mose tighaze isaav pa Maaron, leso isavsaav padi muul sob.

Maaron Saveeŋ Tooni Patabuyaaŋ Tuam

^18-19 Aazne, yam alam avot nugh tau irau aghita pa matamim ve akisi pa nimamim imin yes Israela na mako. Muuŋ, saawe tau Maaron ivot pazi izi loloz Sinai, yes tighita yav tau ighanghan izala loloz Sinai daaba, tomania taitai gabgabuai tau ikau loloz tawe, ve ndoroom tiina, nugh ighani milmilia, ve yaghur tiina. Ve tilooŋ gabua tau luutu imin tavuur itaŋ toman aliiŋa tiina. Ra tilooŋ Maaron aliiŋa. Tauta roiŋ tiina igham zi le tisaghat kat. Ve titaŋ rarai Mose tighe isaav pa Maaron, leso isavsaav pazi muul sov.

Hibru 12:18 Referans Kwoze

2 Timoti 1:7

Yom uwatag: Avuvu to Maaron igham pait ne, ye irau igham ghiit tamatughez maau. Ye ipapalot ghiit. Leso taŋgin tauud pooi, tayoon ariaŋa, ve lolood pa tamtoghon ve tagham poian di. Ro 8:15

2 Korin 3:9

Ataam paghu, nene ŋguruba ve tapiri tiina kat ilib pa ataam muŋgina. Onoon, ataam muŋgina inim toman ŋguruba ve tapiri tiina. Eemoghon ataam tonowen isaav pait tovene: Iit pale tamaat pa sosor toit. Ve ataam paghu to aazne tataghoni, nene igham ghiit taneep deŋiaad ila Maaron mata. Ezek 18:4; Ro 3:21+, 8:1+

Rau Tau Paulus Iboode Pa Yes Roma Rom--Romans 6:14

Pasa, yam aneep ila tutuuŋ samba muul maau. Yam aneep ila poia to Maaron samba. Tovenen samia irau igham pooz payam muul maau. Ro 7:4+; Ga 5:18; 1Yo 3:6

Rau Tau Paulus Iboode Pa Yes Roma Rom--Romans 8:15

Avuvu to Maaron igham payam, ye irau igham gham anim yes mbesooŋa sorok to timatughez pa daba todi ne maau. Ye Avuvu to igham ghiit tanim Maaron ndinatu. Ve ye to igham ghiit tapoi Maaron taghaze: “Abba, Tamaŋ!” Ga 4:6; 2Tim 1:7

2 Korin 3:7

Ataam to muuŋ tamtoghon timbees pa Maaron, nene igham ghiit taneep ila ataam to mateeŋ. Eemoghon sawa to Maaron irab tutuuŋ tonowen ila yaam, ve igham pa yes Israela, nene inim toman ŋguruba ve tapiri tiina. Tauto yes Israela irau timbatut Mose nagho mala maau. Pasa, ŋguruba tonowen, tiina kat le iŋgal matadi. Eemoghon ŋguruba tonenen ineep ris, ve isob. Igham 34:1+,28+; Hib 12:18+