Hibru 11:8 - Mutu (Oov)

⁸ Sawa to Maaron ipoi Abaram, ye isaav pani ighaze ipul ndug toni, ve ila pa taan to ye ighaze igham pani. Onoon, sawa tonenen, Abaram ikankaan pa sa ndug to pale ila ineep pani. Eemoghon ye ighur ila to Maaron. Tauto ilooŋ aliŋa, ve imundig ipul ndug toni ve ila. Mbnp 12:1+

Maaron Saveeŋ Tooni Patabuyaaŋ Tuam

⁸ Saawe tau Maaron ipoi Abaram, i isaav pani ighe ipul nugh tooni, ve ila pa taan tau i ighe igham pani, leso imin le motot. Onoon, saawe tana, Abaram ikankaan pa saa nugh tau pale i ila ileep pani. Eemon i ighur ila to Maaron. Tauta ilooŋ aliiŋa, ve iburig gha ipul nugh tooni, ve ila. Gnp 12:1+

Hibru 11:8 Referans Kwoze

1 Petrus 1:22

Aazne, yam aghur ila saveeŋ onoon to varu poia ve ataghoni, tauto aŋgalaaŋ ila Maaron mata wa. Tovenen lolomim pa toŋvetaz tiam to Krisi ve aghamgham poian di. Eemoghon yam irau azuaria gham le aghur lolomim padi kat. Yo 13:34+; Ro 12:9+; 1Tim 1:5; 1Yo 3:18

Rau Tau Paulus Iboode Pa Yes Roma Rom--Romans 10:16

Eemoghon yes Israela tisob titaghon saveeŋ to varu poia maau. Eŋaeŋa moghon. Isaia isavia saveeŋa muuŋ wa. Ighaze: “Tiina, sei ighur ila saveeŋ to yei nivotia padi?” Is 53:1; Yo 12:38; Hib 4:2

1 Petrus 4:17

Sawa to Maaron iŋgabiiz tamtoghon toni ve ighur atia padi, tauto taza pani wa. Ve ye ighaze iŋgabiiz ghiit muuŋ. Le isob, ghoro iŋgabiiz yes pida paam Aghita. Ighaze ye igham tovene pa iit tamtoghon toni, pale igham sa ŋgar pa yes to tizorzoor varu poia toni?

Hibru 11:33

Ndiran tonowen tighur ila to Maaron. Tauto ye ipalot di, ve pida tiparab le tilib pa kinik pida to tiŋgin taan tintina. Ve yes pida to muuŋ tiŋgin yes Israela, tipalot tamtoghon pa titaghon ŋgar deŋia. Ve tamtoghon todi pida tighita saveeŋ to Maaron imbua toman di ne anoŋa. Ve pida, laion tirau tighan di maau. Dan 6:1+

Rau Tau Paulus Iboode Pa Yes Roma Rom--Romans 6:17

Muuŋ, yam anim mbesooŋa pa ŋgar samia ve ŋgar tonowen igham pooz payam. Eemoghon iit tapait Maaron! Pasa, sawa to tipatoot gham pa saveeŋ to Krisi, ve tighur gham aneep ila saveeŋ tonowen samba, yam aghur ila, ve aghaze ataghoni kat toman lolomim.

1 Petrus 3:1

Yam ndiliva vaivaiŋa paam, you nasaav payam tovene. Atatan taumim ve aneep ila ndizwamim sambadi. Ighaze todi pida tizorzoor Maaron aliŋa, yamŋa awazoran gham malep. Apul saveeŋ padi. Pasa, ighaze tighita gham atandag padi, ve amatughez pa Maaron ve ataghon ŋgar toni, ve agham ŋgar ŋgalaaŋa moghon, nene pale ŋgar tiam tonanan ighereb di tila to Krisi. Leso yes paam tighur ila toni ve tinim le. 1Kor 7:14+; Kol 3:18; Tit 2:5

Hibru 5:9

Ve ighami iraua kat pa igham uraat to watooŋrau. Tauto Maaron isaav pani ighaze ye ighuri inim daba to watooŋrau inimale Melkizedek. Tovenen tamtoghon to tilooŋ aliŋa ve titaghoni, ye pale igham mulin di tisob, ve tineep pooi itaghoni taghoni gha ila. Hib 2:10,17, 5:6, 7:1+

2 Korin 10:5

Ndiran pida tipapait taudi pa ŋgar todi, ve avodi iyaryaaŋ pa ŋgar kaarom naol to iponpoon ataam pa yes to tighaze tiwatag Maaron. Ndiran tovene, yei nireureu ŋgar ve saveeŋ kaarom todi isob. Ve nitatan ŋgar todi samsamia, ve nigham ŋgar todi isob imuul ila pa Krisi. Leso titaghon ŋgar toni, ve tineep ila samba. 1Kor 1:19

Rau Tau Paulus Iboode Pa Yes Roma Rom--Romans 1:5

Ila uraat to Yesu Krisi, Maaron ighur ghou nanim mbaŋooŋa toni itaghon tau poia toni. Leso nagham ndug ndug to Yuda maau ne tighur ila toni ve titaghon aliŋa, ve tipatooŋ iza tiina ivot ighazooŋ. Mbaŋ 26:16+; Ro 16:26; Ga 1:15+

Matayu 2:21

Tovenen Yosep imundig, igham pain kainaŋen yesuru tina, ve timuul tila pa taan to Israel.