Hibru 11:27 - Mutu (Oov)

²⁷ Mose ighur ila. Tauto imundig ve ipul Isip. Ye imatughez pa malmaliiŋ to kinik maau. Onoon, iit tamtoghon irau taghita Maaron pa mataad maau. Eemoghon Mose, ye iyoon ariaŋa inimale ighita katin Maaron pa tau mata. Igham 2:10+; 2Kor 4:18

Maaron Saveeŋ Tooni Patabuyaaŋ Tuam

²⁷ Mose ighur ila. Tauta iburig ve ipul Isip. I iroi pa aatyavyav to kinik mako. Onoon, iit tamtamon irau taghita Maaron pa mataan mako. Eemon Mose, i iyooz ariaaŋ imin ighitghita Maaron pa tauu maata. Igham 2:10+; 2Kor 4:18

Hibru 11:27 Referans Kwoze

Hibru 11:13

Yes tisob tonowen, ghurla todi igham pooz padi le irau mateeŋ todi. Onoon, saveeŋ to Maaron imbua toman di, yes tighita anoŋa maau. Pasa, sawa to saveeŋ tonowen anoŋa ivot, nene inepneep mala sone. Eemoghon lolodi poia pa saveeŋ mbuaaŋ to Maaron inimale tighita anoŋa wa. Ve tivotia taudi tighaze: “Taan, nene ndug tiei kat maau. Nepooŋ tiei to taan, nene nineep ninim loomba moghon. Pasa, ndug tiei kat, nene sambam.” Mbnp 23:4; 119:19; 2Kor 5:7

2 Korin 4:18

Tovenen mbeb to taghita di pa mataad ne, yei matamai ila padi maau. Matamai ilala pa mbeb to irau taghita di maau ve talooŋ varudi moghon. Pasa, mbeb to taghita di pa mataad, pale tineep ris ve tisob. Ve mbeb to aazne iit irau taghita di maau, nene pale tineep le alok. Ro 8:24; 2Kor 5:7; Hib 11:1

Hibru 11:1

Ŋgar to taghur ila, nene vene: Mbeb popoia to taghur mataad pani, lolood ru pani maau, ve ŋgar toit iyaryaaŋ taghaze mbeb tonowen pale tivot. Ve mbeb to aazne taghita di pa mataad maau, ŋgar toit iyaryaaŋ taghaze onoon kat mbeb tonowen tinepneep. Ro 8:24+; 2Kor 4:18, 5:7

1 Petrus 1:8

Onoon, yam aghita Krisi pa matamim pa eta sone. Eemoghon aghur ila toni, ve lolomim pani kat. Tauto igham gham lolomim poia le poia kat. Ighaze atoova pa asavia lolomim, pale asavia iza to sa? Mbeb eta iraua maau. Yo 20:29; 2Kor 5:7

Hibru 10:32

Matamim iŋgal imuul ila pa muuŋ, sawa to Maaron ipaghazoŋan gham pa varu poia. Sawa tonenen, tamtoghon tighur pataŋani tiina kat payam pasa, yam ataghon Krisi. Eemoghon yam apul ghurla tiam maau, ve ayoon ariaŋa pa badooŋ pataŋani. Pil 1:29+

1 Timoti 1:17

Maaron toit, ye kinik tiina, ve ineep irau sawa isob. Ye irau imaat maau, ve iit irau taghita pa mataad maau. Ye moghon to Maaron tau. Tovenen iit irau tapait iza pa tapiri ve poia toni, to aazne, ve iseŋseeŋga gha ila. 1Tim 6:15+; Syg 4:9+

1 Korin 13:7

Ve sa ŋgar to ighaze ivot, nene irau tapul muriid pa tamtoghon maau. Sawa isob, iit pale tanumeer Maaron, ve taghur ila ariaŋa taghaze ye pale igham mbeb tisob tivot pooi. Ve sa pataŋani to ighaze ivot pait, nene pale tayoon ariaŋa ve tambaada. Ro 15:1; Ga 6:2; 2Tim 2:24

Matayu 10:22

Ival tisob pale tighur koi payam pasa, yam avotia you izag ve ataghon ghou. Eemoghon tamtoghon to ighaze iyoon ariaŋa, ve ikis ghurla toni tuŋia le sawa toni isob, nene pale Maaron igham mulini ve ineep pooi. Syg 2:10

Hibru 6:15

Abaram ighur ila saveeŋ mbuaaŋ tonene. Tauto ate izi, ve inamnaam ila le ighita anoŋa.

1 Timoti 6:16

Ye moghon to irau imaat maau, ve inepneep ila ŋguruba tiina lolo. Ŋguruba tonowen, tapiri tiina. Tamtoghon eta irau igharaui ne maau. Tamtoghon eta ighita Maaron nagho sone. Ve tamtoghon eta irau ighita katini maau. Ye tapiri tiina kat, ve ighamgham pooz irau sawa isob. Tauto tapait iza to aazne, ve itaghoni taghoni gha ila. Onoon. Igham 33:20; Yo 1:18; 1Yo 4:12

Uraat To Yes Mbaŋooŋa 2:25

Muuŋ, kinik David isavia saveeŋ pida to iza to Yesu. Ighaze: ‘Sawa isob, you naghita Maaron inepneep naghog ne. Ye inepneep ila digeg waan ve ipapalot ghou. Tovenen mbeb eta irau igham ghou ruŋag iza ne maau.

Markus 13:13

Ival tisob pale tighur koi payam. Pasa, yam avotia you izag, ve ataghon ghou. Eemoghon tamtoghon to ighaze iyoon ariaŋa ve ikis ghurla toni tuŋia le irau sawa toni isob, nene pale Maaron igham mulini ve ineep pooi.” Yo 15:18,20; Syg 2:7,11, 3:5

Markus 4:17

Eemoghon saveeŋ tonowen ineep tuŋia ila lolodi maau. Yes tinimale aniiŋ to waria izila kat taan lolo maau. Tovenen tiyoon tuŋia ris, ve ighaze tamtoghon tigham samin di, ma pataŋani ite paam ivot padi pasa, titaghon Maaron aliŋa, nene rikia moghon titap ve tighur muridi pa Maaron.

Matayu 24:13

Eemoghon tamtoghon to ighaze iyoon ariaŋa, ve ikis ghurla toni tuŋia le irau sawa toni isob, nene pale Maaron igham mulini ve ineep pooi. Syg 2:10

Kolosi 1:15

Onoon, iit irau taghita Maaron maau. Eemoghon uraat toman ŋgar to Natu Yesu Krisi, tauto ipatooŋ Tama Maaron ivot ighazooŋ pait. Yo 1:18, 14:9; 2Kor 4:4; Hib 1:3 Krisi imuuŋ pa mbeb tisob to Maaron ighur di, ve inim daba padi.