Hibru 11:23 - Mutu (Oov)

²³ Mose tama ve tina tighur ila to Maaron. Tauto sawa to tipoopa, timatughez pa kinik to Isip aliŋa maau, ve tiŋgooz natudi tonowen irau kaiyo tol. Pasa, tighita inimale ndipain pida maau. Nagho poia le poia kat. Igham 2:2+

Maaron Saveeŋ Tooni Patabuyaaŋ Tuam

²³ Mose taama gha tiina tighur ila to Maaron. Tauta saawe tau tipoopa, tiroi pa kinik to Isip aliiŋa mako, ve tiŋgooz natuzi tawe irau kaiyo tol. Pasaa, tighita imin geegeu siriv mako. Naagho poia le poia kat. Igham 2:2+

Hibru 11:23 Referans Kwoze

Hibru 13:6

Tovenen iit tamatughez malep. Taghur ila to Maaron ariaŋa, ve tasaav taghaze: “Ŋgeu Tiina, ye Ulaaŋa tiou. Irau namatughez pa mbeb eta maau. Pale tamtoghon tigham sa payou?” Mbo 56:4, 118:6; Ro 8:31+

Matayu 10:28

Yes to tighaze tirab gham amaat, yam amatughez padi malep. Onoon, yes irau tiwaghamun anoŋamim ve tirab gham amaat. Eemoghon irau tigham mbeb eta pa anunumim maau. Tovenen yam amatughez pa Maaron moghon. Pasa, ye irau iwaghamun tamtoghon anoŋadi toman anunudi paam ila ndug samia. Yems 4:12

Uraat To Yes Mbaŋooŋa 7:20

“Sawa tonenen, Mose tina ipoopa. Maaron ighita Mose ye pain paghuna kat ve lolo pani. Tina ve tama tiŋgini izi ruum todi irau kaiyo tol, Igham 2:2