Hibru 10:25 - Mutu (Oov)

²⁵ Ve ŋgar to talup ghiit pa suŋuuŋ, nene tapuli malep. You nasavia saveeŋ tonene pasa, tamtoghon tiam pida naghodi perperia pa lupuuŋ tiam maau. Tovenen matamim iŋgal ve alup gham ve awapalotin gham. Pasa, sawa to Tiina toit, nene inim igharau wa. Mbaŋ 2:42; Ro 13:11; Kol 3:16

Maaron Saveeŋ Tooni Patabuyaaŋ Tuam

²⁵ Ve ŋgar to talup ghiit pa suŋuuŋ, ene tapuli sov. Yau nasavia saveeŋ tane pasaa, tamtamon tsiam siriv, naghozi perperia pa lupuuŋ tsiam mako. Tauvene matamim iŋgal ve aluplup gham ve avapaloti gham. Pa aghita. Saawe to Tiina toit, ene ilam igharau wa. Mbaŋ 2:42; Ro 13:11; Kol 3:16

Hibru 10:25 Referans Kwoze

Uraat To Yes Mbaŋooŋa 2:42

Yes to tighur ila to Krisi, sawa naol, tighurghur taliŋadi pa saveeŋ to yes mbaŋooŋa tipatoot di pani, ve tighamgham ŋgar pani pooi. Ve tiwaulan di, ve tiluplup di pa suŋuuŋ toman ghanghaniiŋ.

Matayu 18:20

Pasa ighaze tamtoghon ruta, ma tolta tilup di ila you izag, you pale naneep toman di.” Mt 28:20; Yo 14:23

1 Tesalonika 5:11

Tovenen yam asob awapalotin gham ve apariaaŋ nditamim pa ŋgar to Krisi, inimale aazne yam aghamghami ne. Hib 10:24+

Hibru 3:13

Ndag to naol ne, yam irau awapalotin gham pa ŋgar poia. Pa vene, ŋgar samia itombaan tiam eta, ghoro ipoon lolo, ve irau ighilaal Maaron muul maau. Uraat to palotiiŋ tonenen, asakia ila sawa ite paam malep. Aghami to aazne. 1Tes 5:11,14; Hib 10:24+

Hibru 10:24

Ve takaal ataam pa tapamundigin nditaad, leso iit tasob lolood pa tamtoghon ve tagham poian di, ve tagham uraat popoiadi naol. Hib 3:13

1 Korin 5:4

Tovenen you nasaav payam tovene: Yam irau alup gham ila Tiina toit Yesu Krisi iza, ve ila uraat to Maaron Avuvu, you pale naneep toman gham paam, ve Tiina toit Yesu tapiri iza tiam. Ghoro azurun ŋgeu tonanan pa lupuuŋ tiam, ve aghuri ila Sadan nima, ve iyamaan katin pataŋani to nepooŋ tovene. Leso itoor ŋgar toni, ve ipul ŋgar to lolo muŋgina ineeple, ve sawa to Tiina toit Yesu imuul inim, ye pale igham mulin ŋgeu tonanan ve ineep pooi. Mt 18:18+; Kol 2:5; 1Tim 1:20

1 Tesalonika 4:18

Tovenen matamim iŋgal saveeŋ tonene, ve awapalotin gham pani.

Uraat To Yes Mbaŋooŋa 2:1

Tiza pa sawa to Pentekos, ve yes to tighur ila to Yesu, tilup di ila inadi ee moghon ve tinepneep.

Uraat To Yes Mbaŋooŋa 20:7

Wik tonenen, ndag to ivot muuŋ, yeiŋa nditamai to ndug Troas nilup ghei pa ghanghaniiŋ ve suŋuuŋ ilooŋ ila ruum eez lolo to ineep sala. Yes titun lam katindi, ve yesŋa Paulus tiwasavon di pa Maaron aliŋa ila le mboŋ anoŋa. Pasa, Paulus ighaze ndugizau, ghoro ipul di, ve ila.

1 Korin 14:3

Eemoghon yes to tivotia Maaron aliŋa tinimale propet, tisavia saveeŋ to tamtoghon irau tilooŋa ve tighazooŋ pani. Tauto tipalot nditadi ve tiseeŋ ŋgar todi, ve tirab atedi leso lolodi poia, ve tipariaaŋ di pa titaghon ŋgar poia.

Rau Tau Paulus Iboode Pa Yes Roma Rom--Romans 12:8

Ve ighaze eta le ŋgar pa uraat to palotiiŋ tamtoghon, ye irau ipalot di. Ve ighaze eta le uraat pa reiŋ mbeb pa yes mbolaaŋa, ye irau iuul di kat, ve irei mbeb toni toman lolo poia. Ighaze eta le ŋgar pa ŋginiiŋ uraat, ye irau mata iza pa uraat toni, ve igham katini. Ve ighaze eta le ŋgar pa uraat to ulaaŋ yes to pataŋani igham di, ye irau iuul di toman lolo poia. 2Kor 9:6-13; 1Pe 5:2

Pilipai 4:5

Yam irau apatooŋ ŋgar poia ila tamtoghon tisob matadi. Pasa, sawa to Tiina toit, nene inim igharau wa. Hib 10:37; Yems 5:8+; 1Pe 4:7

2 Petrus 3:9

Onoon, tamtoghon pida tigham ŋgar tighaze Tiina toit izuar pa taghoniiŋ saveeŋ mbuaaŋ toni. Eemoghon maau. Ye ighur soso payam. Pasa, lolo pa tamtoghon eta ilale malep. Ye ighaze tamtoghon tisob titoor ŋgar todi ila pani. Tauto itatan ate, ve ighur atia pa tamtoghon rikia maau. Ro 2:4; 1Tim 2:4

Yakobus 5:8

Yam tovene paam. Atemim izi, ayoon ariaŋa, ve asaŋan Tiina toit. Pasa, sawa to mulaaŋ toni, nene inim igharau wa. Ro 13:11+; 1Pe 4:7

1 Korin 14:23

Aghita. Ighaze alup gham pa suŋuuŋ ve yam asob awasavsaav, ve tamtoghon pida to tighur ila sone ve tikankaan pa Maaron, tilat ve tineep toman gham pa suŋuuŋ, nene pale tighita gham, ve tighaze yam awaghamgham animale borouŋa!

Rau Tau Jud Iboode Jut--Jude 1:19

Tamtoghon tovene, tireureu lupuuŋ to Krisi. Pasa, Maaron Avuvu ineep ila lolodi maau, ve titaghon ŋgar to taan moghon.

2 Petrus 3:14

Tovenen ndiran tiou, sawa to aneep ve asasaŋan sawa to mbeb tonenen ivot, yam azuaria gham le ŋgar tiam isob iŋgalaaŋ moghon. Leso lemim sosor eta ila Maaron mata maau, ve yamŋa Maaron alup gham anim ee moghon ve aneep pooi. Pil 1:10; 1Tes 3:13, 5:23

1 Petrus 4:7

Aazne, sawa to mbeb tisob tilaledi, nene inim igharau wa. Tovenen agham ŋgar pooi, ve aŋgin taumim pooi. Leso iuul gham pa suŋuuŋ tiam. Ro 13:12+

2 Petrus 3:11

Tovenen muri, Maaron pale ipasob mbeb tisob ve tilaledi. Ighaze venen, sa ataam to pale ataghoni? Yam irau agham ŋgar patabuaŋ moghon, ve matamim iŋgal Maaron ve ataghon ataam toni, asaŋan sawa tonenen, ve tinimim imbees pa uraat to votiaaŋ varu poia. Leso apasul sawa tonenen ve ivot rikia. Sawa tonenen ighaze ivot, nene pale yab iyaryaar ve ighan sambam paroŋania, ve igham mbeb tisob to tineep ila sambam paroŋania, tireer ve tilaledi. Lu 12:36; Tit 2:13

1 Korin 11:20

Sawa to alup gham pa suŋuuŋ, yam ataghon ghanghaniiŋ to Tiina toit ŋgara maau.

1 Korin 3:13

Tala tala le ighaze taza pa sawa to gabizooŋ ivot, ghoro yes to tirei ruum ne, uraat todi anoŋa pale ivot ighazooŋ. Gabizooŋ tonowen ŋgara, nene inimale tamtoghon tighur mbeb ila yab, leso titoova ve tighita: Nene mbeb ariaŋa, ma mbeb sorok? Ighaze tirei ruum pa malimooŋ ariaŋa, nene pale yab tonowen irau ighani maau. Eemoghon ighaze tirei ruum pa malimooŋ to ariaŋa maau, nene pale yab ighan uraat todi gha ilale. 1Kor 4:5

Uraat To Yes Mbaŋooŋa 16:16

Sawa eez, yei nighaze nimuul nila pa suŋuuŋ ina to ineep ya paŋa. Nila le nivot to liva mbesooŋa eez. Ye, avuvu samia izeeva le irau ivotia mbeb pida to muri pale tivot. Tovenen yes daba toni tiyouyou yaam tiina ila uraat toni tonowen.

Matayu 10:15

You nasaav payam kat: Sawa to Mboŋ Muri ve Maaron ighaze iŋgabiiz tamtoghon ve ighur atia padi, pataŋani tiina kat pale iŋarua ndug tonowen tamtoghona le ilib pa pataŋani to muuŋ ivot pa ndug Sodom ve Gomora.

Yoan 12:48

Ve alooŋ! Tamtoghon tisob to tizurun ghou, ve lolodi pa tigham saveeŋ tiou maau, sawa to Mboŋ Muri, Maaron pale iŋgabiiz di itaghon saveeŋ to you nasavia ne, ve ighur atia padi. Lo 18:19; Yo 3:18

Hibru 10:37

Pasa, Maaron saveeŋ toni isaav tovene: “Ŋgeu to ighaze inim ne, mala maau pale inim. Irau izuar maau.

Hibru 13:22

Yam toŋvetaz, you nambood saveeŋ tuku ila rau tonene pa napalot gham. Ve naghason gham naghaze aghur taliŋamim pani pooi. Ayasiil malep.