Galesia 4:12 - Mutu (Oov)

^12-13 Yam toŋvetaz, aghita. You napul ataam to taghoniiŋ tutuuŋ, ve nataghon yam to Yuda maau ne pa gabuamim. Tovenen aazne, nataŋ roran gham naghaze atoor ŋgar tiam, ve amuul anim ataghon ghou pa ŋgar to you naghamghami. Saveeŋ tiou tonene, nasavia pasa naghaze yam agham sosor payou, nene maau. Yam awatag: Sawa to nalat ve navotia varu poia payam muuŋ, you namorooŋ. Tauto nazalat naneep toman gham. 1Kor 2:3

Maaron Saveeŋ Tooni Patabuyaaŋ Tuam

^12-13 Yam toŋvetaz, aghita. Yau napul eez to taghoniiŋ tutuuŋ, ve nataghon yam tau Yuda mako na pa gabuamim. Tauvene aazne, nataŋ rarai gham naghe atoor ŋgar tsiam, ve amuul alam ataghon ghau pa ŋgar tau yau naghamghamu ne. Saveeŋ tsiau tane, nasavia pasaa, naghe yam agham sosor payau, ene mako. Yam awatagh: Saawe imin maata tau nalat navotia vaaru poia payam, yau namorooŋ, tauta nazalat naleep tomani gham. 1Kor 2:3

Galesia 4:12 Referans Kwoze

2 Korin 2:5

Ŋgeu to muuŋ igham ghou lolog ipataŋan, ye igham sosor payou moghon maau. Ye igham gham asob lolomim ipataŋan paam. Eemoghon irau avog ila pa mbeb tonenen kat maau. Pa vene, nagham ŋgeu tonenen lolo isami. 1Kor 5:1+

Galesia 6:14

Eemoghon you irau napait taug izag, ma tamtoghon ite paam iza ne maau. Yesu Krisi to imaat izala ai pambarooŋ, ye moghon to igham ghou tinig iza ve napait iza. You naghita naghaze sawa to Krisi imaat izala ai pambarooŋ, tirab ghou namaat tomani. Tauto mateeŋ toni tapiri irab matin ŋgar to taan to muuŋ ineep ila lolog, ve imaat wa. Ro 6:6; 1Kor 1:31, 2:2; Pil 3:7+

Galesia 2:14

You naghita ŋgar todi tonowen iyel kat pa saveeŋ onoon to varu poia. Tovenen nasaav kat pa Petrus ila ival tiina matadi naghaze: “Yom Yuda. Eemoghon upul yes Yuda gabuadi ve tutuuŋ todi, ve uneep unumale yes to Yuda maau. Vena to aazne utoor ŋgar tiom muul, ve ughaze utaghon Yuda gabuadi? Ŋgar to ughami, nene pale igham yes to Yuda maau ne matadi iŋgal tighaze yes irau titaghon yes Yuda gabuadi ve tutuuŋ todi.” 1Tim 5:20

2 Korin 6:13

You nasaav payam inimale ndinatug yam: Apoon lolomim payei muul malep. Aghur lolomim payei, inimale yei nighur lolomai payam. 1Kor 4:14

Uraat To Yes Mbaŋooŋa 21:21

Varum inim ve tilooŋa wa. Pasa, ndiran pida tighamun saveeŋ tiom tighaze yes Yuda to tineep ila yes to Yuda maau ne lolodi, yom usavsaav padi ughaze tipul muridi pa tutuuŋ to Mose. Ve tighaze yom uŋgalsekin di pa ŋgar to zirooŋ tamtoghon, ve ughaze titaghon iit Yuda gabuaad muul sob. 1Kor 7:18+; Ga 5:2+, 6:15

Galesia 6:18

Yam toŋvetaz, poia to Tiina toit Yesu Krisi ineep toman gham. Onoon.

2 Korin 6:11

O yam Korin, yei lolomai payam kat, tauto nisavia saveeŋ naol tonene payam. Leso awatag katin lolomai. Eemoghon nighita nighaze yam aponpoon lolomim payei sone.

Galesia 4:11

Tauto agham ghou lolog imbumbu pa uraat tiina to naghami ila lolomim. Pale ighur anoŋa, ma inim mbeb sorok?