Galesia 3:1 - Mutu (Oov)

¹ Aa yam Galesia, agham ŋgar to borouŋa! Sei ighamun ŋgar tiam? Aazne, awaghamgham animale yes to mura tiwaghamun di! Sawa to nineep toman gham, yei nipatoot gham pa Yesu Krisi, le inimale taumim aneep, ve aghita tirabi izala ai pambarooŋ. 1Kor 1:23; Ga 5:7

Maaron Saveeŋ Tooni Patabuyaaŋ Tuam

¹ Aa yam kankanooŋa to Galesia, sei ikau ŋgar tsiam? Aazne, avaghamgham imin yes tau mura tivaghamun zi na! Saawe tau nileep tomani gham, yei nipaghazoŋai gham pa Yesu Krisi, le imin ta taumim aleep, ve aghita tiravu izala ai pambarooŋ. 1Kor 1:23; Ga 5:7

Galesia 3:1 Referans Kwoze

2 Korin 11:3

Aazne, yam ataghon ŋgar ŋgalaaŋa ve aghur lolomim isob iŋarua Krisi. Eemoghon namatughez: Pale tamtoghon pida tighamun ŋgar tiam, inimale muuŋ moot igham kaarom pa Eva ve itombaana, ghoro apul ŋgar tonanan. Mbnp 3:1+; 2Pe 3:17

Saveeŋ Yoŋgaaŋ 2:20

‘Ve mbeb ee moghon to you narere ghom pani. Liva samia eez ineep toman ghom. Ye iwaat tau ighaze ye propet to Maaron. Eemoghon ŋgar toni, nene inimale Yezebel to muuŋ ighamun ŋgar to yes Israela. Saveeŋ kaarom to ye ivovotia, nene ipaghau mbesooŋa tiou pa ataam tiou. Tauto matadi samia tinimale ŋgavuun, ve tighanghan aniiŋ to tipait maaron kaaromŋa pani. Ve yom neneeŋam pani moghon. Ugham ŋgar eta pani maau. 1King 16:31+; Mbaŋ 15:29; 1Kor 10:19+

Galesia 1:6

Oyai, you nagham ŋgar naol pa yam Galesia. Aghita. Ila uraat to Yesu Krisi ve poia toni, Maaron ipoi gham anim le wa. Eemoghon yam rikia moghon apul murimim pani, ve aghaze ataghon varu poia ite. Ve varu poia ee moghon to inepneep. Ite paam maau. Alooŋ. Tamtoghon pida to tinepneep toman gham, yes titortoor varu poia to Krisi ve tighamun ŋgar tiam. Ndiran tonowen, saveeŋ todi iyel kat. Mbaŋ 15:1,24; 2Kor 11:3+

1 Petrus 4:17

Sawa to Maaron iŋgabiiz tamtoghon toni ve ighur atia padi, tauto taza pani wa. Ve ye ighaze iŋgabiiz ghiit muuŋ. Le isob, ghoro iŋgabiiz yes pida paam Aghita. Ighaze ye igham tovene pa iit tamtoghon toni, pale igham sa ŋgar pa yes to tizorzoor varu poia toni?

2 Petrus 2:18

Pasa, yes tipapait taudi izadi, ve tisasavia saveeŋ soroksorok naol to le anoŋa maau. Ve tipazaagh tamtoghon pa ghamuuŋ ŋgar samsamia naol to uliid. Aghita. Ndiran pida, ŋgaramus titoor ŋgar todi ve titoova pa tipul nditadi pida to tiyel pa ataam to Maaron. Eemoghon ndiran kaaromŋa tonanan tighereb di timulmuul pa ŋgar todi muŋgina. Jud 16

Hibru 11:8

Sawa to Maaron ipoi Abaram, ye isaav pani ighaze ipul ndug toni, ve ila pa taan to ye ighaze igham pani. Onoon, sawa tonenen, Abaram ikankaan pa sa ndug to pale ila ineep pani. Eemoghon ye ighur ila to Maaron. Tauto ilooŋ aliŋa, ve imundig ipul ndug toni ve ila. Mbnp 12:1+

Epesus 4:14

Tovenen iit tataghon ŋgar to ndipain muul malep. Pasa, ndipain tikis Maaron aliŋa tuŋia maau. Yes tinimale waaŋ to yaghur ve dibom iwatokini ila inim. Ighaze ndiran to tiraua kat pa ghamuuŋ kaarom, tinim ve tiŋgal di pa saveeŋ, nene pale rikia moghon tighur ila saveeŋ kaarom todi, ve tipul ataam to Maaron. 1Kor 14:20; Yems 1:6

Galesia 4:9

Eemoghon aazne, yam awatag Maaron wa. Aiss, nasaav vene malep. Maaron to iwatag gham ve igham gham anim le wa. Tovenen pughu vena to aazne yam apul murimim pani, ve aghaze amuul pa gabuamim muŋgina, ve ataghon tutuuŋ naol to taan to ledi tapiridi irau to tiuul gham ne maau?

Galesia 3:3

Yam tonanan lemim ŋgar maau ne? Papazogi, Maaron Avuvu ipamundigin gham ve agham nepooŋ poia ila toni. Pughu vena to aazne aghaze apasob uraat toni ila taumim tapirimim?

1 Petrus 1:22

Aazne, yam aghur ila saveeŋ onoon to varu poia ve ataghoni, tauto aŋgalaaŋ ila Maaron mata wa. Tovenen lolomim pa toŋvetaz tiam to Krisi ve aghamgham poian di. Eemoghon yam irau azuaria gham le aghur lolomim padi kat. Yo 13:34+; Ro 12:9+; 1Tim 1:5; 1Yo 3:18

Hibru 5:9

Ve ighami iraua kat pa igham uraat to watooŋrau. Tauto Maaron isaav pani ighaze ye ighuri inim daba to watooŋrau inimale Melkizedek. Tovenen tamtoghon to tilooŋ aliŋa ve titaghoni, ye pale igham mulin di tisob, ve tineep pooi itaghoni taghoni gha ila. Hib 2:10,17, 5:6, 7:1+

Epesus 5:15

Tovenen matamim pa laghooŋ tiam pooi. Yes to tikankaan pa Maaron ŋgar toni, yam ataghon di malep. Yam irau aneep animale yes to tiwatag Maaron ŋgar toni.

1 Timoti 6:4

nene ye ipakur tau sorok pa ŋgar toni. Tamtoghon tovene, ŋgar toni ighazooŋ pa mbeb eta maau. Ye inimale ŋgeu to moroghooŋ ighami le ŋgar toni iwaghamgham. Pasa, sawa isob, yesŋa tamtoghon tiwazoran di pa mos waaro pida to tamtoghon tigham ŋgar naol naol pani. Eemoghon saveeŋ tovene irau iuul ghiit maau. Nene igham tamtoghon tighur koi pa nditadi pida to ledi mbeb katindi, ve atedi yabyab pa taudi, tiwakokan di, tipiyaav saveeŋ samsamia pa nditadi, ve tighita di tighaze yes samsamiadi. Ga 1:6+; 1Tim 1:3+; 2Tim 2:23+; Tit 3:9

Galesia 2:14

You naghita ŋgar todi tonowen iyel kat pa saveeŋ onoon to varu poia. Tovenen nasaav kat pa Petrus ila ival tiina matadi naghaze: “Yom Yuda. Eemoghon upul yes Yuda gabuadi ve tutuuŋ todi, ve uneep unumale yes to Yuda maau. Vena to aazne utoor ŋgar tiom muul, ve ughaze utaghon Yuda gabuadi? Ŋgar to ughami, nene pale igham yes to Yuda maau ne matadi iŋgal tighaze yes irau titaghon yes Yuda gabuadi ve tutuuŋ todi.” 1Tim 5:20

1 Korin 11:26

Saveeŋ tonenen, ŋgara tovene: Sawa isob to aghan mberet tonenen ve aghun ila rubruub vaen, yam avotia mateeŋ to Tiina toit. Yam irau agham tovene ila ila le irau mulaaŋ toni.

1 Korin 2:2

Pasa, sawa to nalat ve naneep toman gham, ŋgar tiou iyaryaaŋ naghaze nasavia Yesu Krisi varu moghon, ve mateeŋ toni izala ai pambarooŋ. 1Kor 1:23; Ga 6:14; Pil 3:8

Rau Tau Paulus Iboode Pa Yes Roma Rom--Romans 6:17

Muuŋ, yam anim mbesooŋa pa ŋgar samia ve ŋgar tonowen igham pooz payam. Eemoghon iit tapait Maaron! Pasa, sawa to tipatoot gham pa saveeŋ to Krisi, ve tighur gham aneep ila saveeŋ tonowen samba, yam aghur ila, ve aghaze ataghoni kat toman lolomim.

Rau Tau Paulus Iboode Pa Yes Roma Rom--Romans 2:8

Eemoghon yes to titaghon saveeŋ onoon maau, ve matadi iŋgal taudi moghon, ve tighamgham ŋgar to deŋia maau, nene pale Maaron ate yabyab padi kat, ve mbalmbali toni tiina iza todi. Mt 7:18; Ro 1:18; 2Tes 1:8

Uraat To Yes Mbaŋooŋa 6:7

Sawa tonenen, Maaron saveeŋ toni ilaan toman tapiri irau ndug ndug. Tovenen Yesu taghoniiŋa toni tivot tinim ival le ival kat izi Yerusalem. Yes ndiran to watooŋrau paam, tamtoghon todi katindi titoor ŋgar todi, ve tighur ila to Krisi, ve titaghon ataam toni. Mbaŋ 12:24, 19:20

Saveeŋ Yoŋgaaŋ 18:3

Pasa, ndug tonowen to igheghereb ndug ndug pa ghamuuŋ ŋgar samia ve yesŋa tighurghur maat. Ye ipaghun di pa vaen toni ariaŋa kat, le ŋgar todi iwaghamgham. Yes kinik to taan paam, yesŋa tighurghur maat. Ye ighaze igham mbeb popoiadi naol to taan tinim le, ve ineep poia le poia kat. Tauto ndiran to raukoliiŋ tilala toni, ve tigholia mbeb todi ila toni, ve tinim mbaliiŋ taudi.” Syg 14:8, 17:2

2 Tesalonika 1:8

Ghoro iyat ŋgar samsamia to tamtoghon, ve ighur atia padi tovene: Yes irau tila tineep toman Tiina toit, ve tighita ŋguruba ve tapiri ne maau. Ye pale izurun di tila saguan, ve pataŋani tiina igham di itaghoni taghoni gha ila. Irau isob maau. Atia tonowen pale iŋarua tamtoghon tisob to tiwatag Maaron maau, ve tizorzoor varu poia to Tiina toit Yesu. Mt 25:41; Ro 2:8; 2Pe 3:7; Syg 20:15

Epesus 3:8

Onoon, you poiag maau. Ŋgar samia to muuŋ naghamghami, nene igham ghou naneep muri kat pa Maaron tamtoghon toni tisob. Eemoghon Maaron igham poian ghou kat itaghon tau lolo ve poia toni, ve ighur uraat inim nimag ighaze navotia Krisi varu pa ndug ndug to Yuda maau ne. Leso tiwatag Krisi tapiri toman ŋgar popoia naol to tineep toni, ve mbeb popoiadi to ye ighaze igham di pait. Mbeb tonowen, ighaze tagham ŋgar padi, nene pale ŋgar toit iraua maau. 1Kor 15:9+; 1Tim 1:13+

2 Korin 10:5

Ndiran pida tipapait taudi pa ŋgar todi, ve avodi iyaryaaŋ pa ŋgar kaarom naol to iponpoon ataam pa yes to tighaze tiwatag Maaron. Ndiran tovene, yei nireureu ŋgar ve saveeŋ kaarom todi isob. Ve nitatan ŋgar todi samsamia, ve nigham ŋgar todi isob imuul ila pa Krisi. Leso titaghon ŋgar toni, ve tineep ila samba. 1Kor 1:19

Rau Tau Paulus Iboode Pa Yes Roma Rom--Romans 10:16

Eemoghon yes Israela tisob titaghon saveeŋ to varu poia maau. Eŋaeŋa moghon. Isaia isavia saveeŋa muuŋ wa. Ighaze: “Tiina, sei ighur ila saveeŋ to yei nivotia padi?” Is 53:1; Yo 12:38; Hib 4:2

Lukas 24:25

Ghoro Yesu isaav padi ighaze: “Wai, yam lemim ŋgar maau. Maaron aliŋa isob to yes propeta tivotia, pughu vena to yam aghur ila rikia maau?

Matayu 24:24

Pasa, ndiran kaaromŋa katindi pale timundig, ve pida titoom tighaze yes Mesia. Ve pida pale titoom tighaze yes propeta to tivotia Maaron aliŋa. Ve yes pale tigham mbeb gharatooŋadi toman ghilalooŋ tintina pida tivot paam. Leso tiweu tamtoghon ve tipul ataam to Maaron. Yes to Maaron isia di tinim le ne paam. Ndiran kaaromŋa tonowen pale titoova pa tiweu di, leso tipul ataam to Maaron. Lo 13:1+; Syg 13:13+

Matayu 7:26

“Ve tamtoghon tisob to tiloŋlooŋ saveeŋ tiou, ve titaghoni maau, yes tinimale ŋgeu eez to le ŋgar maau, ve irei ruum toni sorok izala magargaar pogho.

Uraat To Yes Mbaŋooŋa 16:6

Paulus toman ndita tilaagh timbut taan suruvu to Galesia ve Pirigia. Eemoghon tila pa taan suruvu to Asia maau. Pasa, Avuvu Patabuaŋ ipoon di ighaze tivotia Maaron aliŋa izi tonowe malep.

Galesia 1:2

Toŋvetaz tisob to Krisi to tineep toman ghou ne, yeiŋa nimbood rau tonene ilat to yam tamtoghon to aneep ila lupuuŋ to Krisi irau taan suruvu to Galesia. Mbaŋ 16:1-6, 18:23

Galesia 5:11

Yam toŋvetaz, you nawatag. Ndiran pida tiŋgalŋgal saveeŋ kaarom payou tighaze you taug navovotia saveeŋ pa tamtoghon naghaze yes irau titaghon tutuuŋ to Mose ve tizir di, ghoro poia. Laak, ighaze saveeŋ todi tonowen onoon, pughu vena to yes Yuda tighurghur pataŋani payou sone? Inimale nagham tovene, tone saveeŋ to navovotia pa mateeŋ to Yesu izala ai pambarooŋ, irau ireu tamtoghon lolodi muul maau. 1Kor 1:23; Ga 6:12