3 Yoan 1:11 - Mutu (Oov)

¹¹ Itag ite, lolog payom kat. Ŋgar samia tovene, yom utaghoni malep. Yom irau utaghon ŋgar poia moghon. Pasa, tamtoghon to ighaze itaghon ŋgar poia, nene ye tamtoghon to Maaron. Eemoghon ighaze tamtoghon eta ighamgham ŋgar samia, nene ipatooŋa ighaze ye ighilaal Maaron iraua sone. Mbo 37:27; 1Yo 3:6+

Maaron Saveeŋ Tooni Patabuyaaŋ Tuam

¹¹ Etag ite, lolog igheen tsio kat. Ŋgar saghati tauvene, yo utaghoni sov. Yo aat utaghon ŋgar poia mon. Pa tamtamon tau ighe itaghon ŋgar poia, ene i tamtamon to Maaron. Eemon isaav ighe tamtamon eta ighamgham ŋgar saghati, ene itotoia ighe i ighilaal Maaron irao soone. Mbo 37:27; 1Yo 3:6+

3 Yoan 1:11 Referans Kwoze

Epesus 5:1

Maaron lolo payam kat, ve igham gham anim ye tau ndinatu. Tovenen laghooŋ tiam, yam irau ataghon ŋgar toni, ve lolomim pa tamtoghon tisob ve agham poian di, inimale Krisi lolo pait ve ipul tau imaat pait. Ŋgar to ye ighami, nene igham Maaron lolo poia inimale watooŋrau to vuzi poia kat. Mt 5:48; Yo 13:34; 1Pe 1:15+; 1Yo 3:16

1 Petrus 3:11

Ve ye irau ipul muri pa ŋgar samia, ve igham ŋgar poia moghon. Ve izuaria tau pa ŋgar luuma, ve ikaal ataam pa yesŋa tamtoghon tisob tilup di tinim ee moghon ve tineep pooi.

Yoan 3:20

Tamtoghon tisob to tighamgham ŋgar samia, tighurghur koi pa ghazooŋa to Maaron, ve tineep saguan pani. Pasa, timatughez tighaze: Ghazooŋa toni pale ipatooŋ sosor todi ivot ghazooŋa.

1 Petrus 3:13

Ighaze yam azuaria gham pa ghamuuŋ ŋgar poia, sei pale irau iwaghamun gham? Maau. Mt 10:28; Ro 8:31,35+

2 Timoti 3:10

O Timoti, yom unum toman ghou, ve sawa naol ituru talaghlaagh. Tovenen ŋgar to nasasavia pa tamtoghon, laghooŋ tiou, mbeb to nazuaria ghou pani, ghurla tiou, gabuag to natatan taug ve nayoon ariaŋa pa badooŋ pataŋani, ve ŋgar tiou to lolog pa tamtoghon ve naghamgham poian di, nene taum ughita di wa. Ve pataŋani naol to tamtoghon tighurghur di payou, nene paam yom uwatag di. Muuŋ, tigham samin ghou kat izi ndug Antiok, Ikonium, ve Listara. Eemoghon Maaron ipas ghou navot pa pataŋani tiou tisob tonowen. Mbo 34:19; Mbaŋ 13:50, 14:5,6,19

1 Yoan 2:29

Yam awatag: Krisi, ye ŋgeu to ŋgar deŋia. Tovenen yam irau awatag aghaze: Tamtoghon tisob to titaghon ŋgar deŋia, nene Maaron igham di tinim paghu, ve tinim ye ndinatu wa. Tit 3:5; 1Yo 3:7, 4:7; 3Yo 11

1 Tesalonika 2:14

Yam toŋvetaz, ŋgar to ivot payam, nene raraate inimale ŋgar to ivot pa yes to titaghon Yesu Krisi ve tineep ila lupuuŋ to Maaron izi Yudea. Pasa, ndiran to yamŋa ndug ee moghon, yes tighurghur pataŋani payam, inimale yes Yuda tighamgham pa lupuuŋ to Krisi to tineep izi ndug todi. Mbaŋ 17:5+; Hib 10:33+

1 Tesalonika 1:6

Onoon, sawa to yam alooŋ saveeŋ tiei ve aghur ila, tamtoghon tigham pataŋani tiina payam. Eemoghon Avuvu Patabuaŋ igham gham lolomim poia le poia kat. Ve yam ataghon katin ŋgar tiei, ve ŋgar to Tiina toit Krisi paam.

Yoan 12:26

Ighaze tamtoghon eta imbees payou, ye irau itaghon ghou. Tamtoghon tovene, pale ineep toman ghou izi ndug to you pale nala naneep pani. Ve tamtoghon to ighaze imbesmbees payou, nene pale Tamaŋ ipakuri.” Yo 14:3, 17:24; 1Tes 4:17

Yoan 10:27

Sipsip tiou, nene yes to tiloŋlooŋ aliŋag. You nawatag di tisob, ve yes titaghon ghou.

Hibru 6:12

Tovenen amalai malep. Matamim iyaryaar, ve ataghon ŋgar to yes to tighur ila to Maaron, tiyoon ariaŋa pa badooŋ pataŋani, ve tisasaŋan le tighita saveeŋ mbuaaŋ toni anoŋa. Hib 10:36, 12:1; Yems 1:3+

1 Korin 11:1

Tovenen yam irau ataghon ghou pa ŋgar tiou, inimale you nataghon Krisi pa ŋgar toni. 1Kor 4:16+; Pil 3:17; 2Tes 3:7+

1 Korin 4:16

Tauto naghaze napalot gham, leso ataghon ŋgar tiou. 1Kor 11:1; Pil 3:17, 4:9; 2Tes 3:9

Pilipai 3:17

Yam toŋvetaz, ŋgar to you napatooŋa payam, matamim kisini ve ataghoni. Ve you moghon maau. Tamtoghon tisob to laghooŋ todi raraate inimale yei ne, yes paam tinim patoŋaaŋ popoia payam. Tovenen aghita di, ve ataghon di pa ŋgar todi. 1Kor 4:16+, 11:1; 1Pe 5:3

1 Yoan 3:10

Tovenen ataam to taghilaal Maaron ndinatu ve Sadan ndinatu, nene vene: Ighaze tamtoghon eta inoknok ghamuuŋ ŋgar to deŋia ila Maaron mata maau, nene ye tamtoghon to Maaron maau. Ve ighaze ŋgeu eta lolo pa toŋvetaz to Krisi maau ve ighamgham poian di maau, nene ye paam, tamtoghon to Maaron maau. 1Yo 2:29, 4:8, 5:18

1 Yoan 4:1

Yam ndiran tiou, lolog payam kat. Aazne, propet kaaromŋa naol tilaghlaagh izi taan. Tovenen ighaze tamtoghon eta isaav payam ighaze: “You navotia saveeŋ itaghon pooz to Maaron Avuvu.” Yam aghur ila saveeŋ toni rikia malep. Aŋgabiiz poiani: Onoon kat Maaron Avuvu igham pooz pani, ma maau? Mt 7:15; 1Tes 5:20+; 2Yo 7