2 Yoan 1:1 - Mutu (Oov)

¹ You ŋginiiŋ to lupuuŋ to Krisi. Olman tidi to Maaron isia ghom unum le, you nambood rau tonene ilat tiom toman ndinatum. Saveeŋ onoon ilup ghiit, tauto lolog payam kat. Ve you moghon maau. Tamtoghon tisob to tiwatag saveeŋ onoon, yes lolodi payam paam.

Maaron Saveeŋ Tooni Patabuyaaŋ Tuam

¹ Yau ŋginiiŋ to lupuuŋ to Krisi. Nabood rau tane pa yo olman tinazi tau Maaron isiigh ghom umin le na, tomania natumŋa. Saveeŋ onoon ilup ghiit, tauta lolog igheen tsiam kat. Ve yau mon mako. Tamtamon tisov tau tiwatagh saveeŋ onoon na, lolozi igheen tsiam paam.

2 Yoan 1:1 Referans Kwoze

1 Yoan 3:18

Ndinatug, ighaze tasavsaav sorok ila avood uli taghaze lolood pa tamtoghon, ve saveeŋ toit le anoŋa maau, nene poia maau. Ŋgar tovene, nene kaarom. Iit irau tataghon saveeŋ toit, ve tagham anoŋa ivot. Leso avood onoon. Yems 2:14+,22; 1Pe 1:22

1 Timoti 2:4

Pasa, ye ighaze igham mulin tamtoghon tisob, ve igham di tiwatag katin saveeŋ onoon. Yo 3:16+; 1Tim 4:10

Yoan 8:32

Ve yam pale awatag katin saveeŋ onoon, ve saveeŋ tonowen ipas gham avot pa samia tapiri. Leso anim mbesooŋa sorok muul sob.” Ro 6:18, 8:2; Ga 5:1

1 Petrus 5:1

Yo, you naghaze napalot ŋginiiŋa tiam pa saveeŋ pida. Pasa, you paam ŋginiiŋ nanimale yam. Ve pataŋani to Krisi imbaada, taug naghita katini pa matag. Ve sawa to Krisi imuul inim ve ipatooŋ tapiri ve iza tiina ivot ighazooŋ, nene pale you paam itiŋa taneep ila Krisi ŋguruba lolo. Tovenen yam ŋginiiŋa irau alooŋ aliŋag tonene, ve ataghoni.

2 Yoan 1:13

Tazimliva to Maaron isia inim le ne, ndinatu tonene tigham ndag poia payom.

1 Yoan 2:21

You naghaze yam akankaan pa saveeŋ onoon, to nambood rau tonene ilat ne maau. Saveeŋ onoon, yam awatagi wa. Ve yam awatag: Saveeŋ onoon irau inim pughu pa kaarom eta maau. Pughu tonene to nambood rau tonene ilat tiam.

1 Petrus 1:2

Muuŋ kat, Tamaan Maaron isia gham anim le itaghon tau ŋgar toni. Ve ila uraat to Avuvu Patabuaŋ, ye igham gham anim tamtoghon toni patabuaŋa. Tauto aazne, ataghon ŋgar to Yesu Krisi, ve Yesu siŋ toni izala poghomim le aŋgalaaŋ ila Maaron mata wa. Ro 8:29; 2Tes 2:13 Poia tiina to Maaron iza tiam, ve igham gham aneep poia kat toman lolomim luuma. Onoon.

Hibru 10:26

Alooŋ. Ighaze talooŋ saveeŋ onoon to Krisi ve ŋgar toit ighazooŋ pani, eemoghon muri ŋgar toit iyaryaaŋ muul taghaze tanok ghamuuŋ ŋgar samia, nene pale leed watooŋrau ite paam pa ireu sosor toit maau. Hib 6:4+; 2Pe 2:20+

Galesia 5:7

Muuŋ, yam alaan deŋia ve ataghon ataam to saveeŋ onoon. Aazne, sei iponpoon gham pa landooŋ tiam? Saveeŋ ŋgoreeŋ todi to ighamun ŋgar tiam, nene inim pa Maaron to ipoi gham anim le ne maau. 1Kor 9:24; Ga 1:6, 3:1

Galesia 3:1

Aa yam Galesia, agham ŋgar to borouŋa! Sei ighamun ŋgar tiam? Aazne, awaghamgham animale yes to mura tiwaghamun di! Sawa to nineep toman gham, yei nipatoot gham pa Yesu Krisi, le inimale taumim aneep, ve aghita tirabi izala ai pambarooŋ. 1Kor 1:23; Ga 5:7

Galesia 2:14

You naghita ŋgar todi tonowen iyel kat pa saveeŋ onoon to varu poia. Tovenen nasaav kat pa Petrus ila ival tiina matadi naghaze: “Yom Yuda. Eemoghon upul yes Yuda gabuadi ve tutuuŋ todi, ve uneep unumale yes to Yuda maau. Vena to aazne utoor ŋgar tiom muul, ve ughaze utaghon Yuda gabuadi? Ŋgar to ughami, nene pale igham yes to Yuda maau ne matadi iŋgal tighaze yes irau titaghon yes Yuda gabuadi ve tutuuŋ todi.” 1Tim 5:20

Galesia 2:5

Eemoghon yei niyoon ariaŋa, ve nilooŋ aliŋadi rita maau. Pasa, nighaze le saveeŋ onoon to varu poia ineep deŋia pa yam to Yuda maau.

Kolosi 1:5

Ŋgar tiam tonanan, yam ataghoni pasa, yam awatag: Maaron ighur gham pa agham nepooŋ poia izi ndug sambam. Tauto aghurghur matamim pa nepooŋ tonowen ve asasaŋan. Sawa to tivotia saveeŋ onoon to varu poia payam, yam alooŋ nepooŋ tonenen saveeŋa. 1Tes 1:3; 1Pe 1:4

Lukas 1:3

You tovene paam. Sawa mala ris, nazuari ghou, leso nawatag katin uraat naol tonenen ila to pughu ve inim. Ve nambood kamos tonenen ila rau itaghon katin mbeb to ivot. Tauto aazne, nasaŋgoora ilat payom. Leso uwatag ughaze saveeŋ to tipatoot ghom pani, nene onoon moghon. 2Tim 3:14; 2Pe 1:16

Uraat To Yes Mbaŋooŋa 11:30

Tilup mbeb le isob, ghoro tighuri ila to Banabas yesuru Saul, ve tighami tila, ve tighuri ila to yes ŋginiiŋa to tineep izi Yerusalem. Mbaŋ 12:25

Rau Tau Paulus Iboode Pa Yes Roma Rom--Romans 16:13

Agham ndag poia tiou ila pa Rupus yesuru tina paam. Rupus, Tiina toit Krisi isia inim le wa. Ve naghita tina inimale you tinaŋ paam. Mk 15:21

1 Petrus 5:13

Nditamim to Maaron isia di tinim le tinimale yam ve tineep izi ndug tiina Babilon, tigham ndag poia todi ilat payam. Ve natug Markus paam, igham ndag poia toni payam. Mbaŋ 12:12, 13:5,13, Mbaŋ 15:37+; 2Tim 4:11

3 Yoan 1:1

O itag ite Gaius, you ŋginiiŋ to lupuuŋ to Krisi to nambood rau tonene ilat tiom. Saveeŋ onoon ilup ghiit tanim ee moghon, tauto lolog payom kat. You nawatag: Nepooŋ tiam to anunumim, nene poia. Ve naghaze uneep poia ila mbeb to anoŋam paam, ghoro poia. Tovenen naghason Maaron naghaze ye mata payom, leso moroghooŋ eta igham ghom sob, ve tinim poia moghon, ve mbeb tisob tighur pooi payom. Onoon.