2 Timoti 4:14 - Mutu (Oov)

¹⁴ Aleksander to ŋgeu to gharatooŋ mbeb pa mbaras ve ain, ye igham ŋgar samia to iwaghamun ghou kat. Ŋgar to igham payou, muri Maaron tau pale iyati.

Maaron Saveeŋ Tooni Patabuyaaŋ Tuam

¹⁴ Aleksander tau ŋeer to gharatooŋ gabua pa mbaras ve ain na, i igham ŋgar saghati tau ivaghamun ghau kat. Ŋgar tau ighamu na, murei Maaron tauu aat iyatu.

2 Timoti 4:14 Referans Kwoze

1 Timoti 1:20

Ndiran tonowen, todi ru, nene Himenaios yesuru Aleksander. You nazurun di pa lupuuŋ to Krisi, ve naghur di tineep ila Sadan nima wa. Naghaze napasaluŋgan di ve tighilaal, leso tiveleg Maaron muul sob. 1Kor 5:5; 2Tim 2:17+, 4:14+

Saveeŋ Yoŋgaaŋ 18:6

Ŋgar samsamia naol to ye ighamgham di, yam apamuul di timuul tila pani. Ve atia to aghaze agham pani ne, aghur ite paam izala pogho ve agham pani! Muuŋ, ye itoor ya ariaŋa pa tamtoghon ve ipaghun di pani. Tovenen aazne, yam irau atoor ya ariaŋa kat, ve aliŋi ila ye tau rubruub toni, le ivon kat. Leso ighuni le isooŋ katini. Mbo 137:8; Yer 50:29

Rau Tau Paulus Iboode Pa Yes Roma Rom--Romans 12:19

Yam ndiran tiou, lolog payam kat. Nayol aliŋag muul. Ŋgar samia to tamtoghon tigham payam, yam ayati malep. Apuli ila Maaron nima. Ye tau pale ighur pataŋani iŋarua di. Pasa, Maaron aliŋa to timbooda, isaav ighaze: “You leg uraat pa naghur atia pa ŋgar samia. Taug pale nayati.” Lo 32:35; Mbo 94:1; Hib 10:30

Saveeŋ Yoŋgaaŋ 18:20

“Tovenen yam to ndug sambam, yam mbaŋooŋa to Krisi, yam propeta, ve yam tamtoghon patabuaŋa to Maaron, lolomim poia ve tinimim iza! Pasa aazne, Maaron iŋgabiiz ndug tiina Babilon, ve ighur atia pani pa iyat sosor to ye igham payam.”

Saveeŋ Yoŋgaaŋ 6:10

Yes timboob toman aliŋadi tiina kat tighaze: “O Maaron, yom ariaŋam kat, ve patabuaŋ, ve avom onoon. Ŋeez o uŋgabiiz tamtoghon to tineep izi taan, ve uyat siŋ tiei?” Ro 12:19; Syg 19:2

1 Yoan 5:16

Ighaze iit taghita toŋvetaz toit eta igham sosor to Maaron irau ireua, iit irau tasuŋ Maaron. Leso igham mulin tamtoghon tonenen, ve imuul inim pa ataam to taneep mataad iyaryaar. Ve yes to tipul muridi pa Krisi ve ŋgar todi iyaryaaŋ kat, nene leg saveeŋ eta padi maau. Ndiran tovene, irau taghason Maaron padi maau. Pasa, yes ledi ataam eta muul maau. Muri, yes pale timaat ve tilaledi. Hib 6:4+, 10:26+

Rau Tau Paulus Iboode Pa Yes Roma Rom--Romans 2:6

Maaron pale ighur atia pa tamtoghon eŋaeŋa itaghon ŋgar todi todi. Mbo 62:12; 2Kor 5:10; Syg 22:12

2 Timoti 4:15

Tovenen matam imosmoos pooi pani. Pasa, ye izoor katin saveeŋ tiei. 1Tim 1:20