2 Timoti 3:5 - Mutu (Oov)

⁵ Yes pale tiparim taudi tighaze titaghon Maaron ŋgar toni. Eemoghon ŋgar to tighami, nene pale ipatooŋ di ighaze yes tiwatag Maaron tapiri rita maau. Ndiran tovene, yom uneep saguan padi. Mt 7:21; Tit 1:16

Maaron Saveeŋ Tooni Patabuyaaŋ Tuam

⁵ Yes pale tipamir tauzi tighe titaghon Maaron ŋgar tooni. Eemon ŋgar tau tighamghamu, ene pale itotoi zi ighe yes tiwatagh Maaron tapiri rigta mako. Zeran tauvene, yo uleep soghan pazi. Mt 7:21; Tit 1:16

2 Timoti 3:5 Referans Kwoze

Titus 1:16

Ndiran tovene tisavsaav sorok ila avodi uli tighaze yes tiwatag Maaron. Eemoghon ŋgar to tighamghami, nene ipatooŋ di ighaze yes tipul muridi pani wa. Yes irau tigham ŋgar poia eta maau, ve moghon moghon tizorzoor Maaron aliŋa. Tauto ye lolo padi rita maau. 2Tim 3:5; 1Yo 1:6, 2:4

1 Timoti 5:8

Ighaze tamtoghon eta ighaze ye ighur ila to Maaron, eemoghon iuluul tau siŋ toni ve yes to tineep tomani ila ruum toni maau, nene ye ipul muri pa ghurla toni wa. Ŋgar tovene, samia kat. Ilib pa sosor to yes to tighur ila to Maaron maau ne. Tit 1:16

Matayu 7:15

“Apatum gham pa propet kaaromŋa. Yes pale tilat tiam, ve tisavia saveeŋ ŋgoreeŋ naol payam pa tigham lolomim. Pale tiparim taudi tinimale sipsip tau to Maaron. Eemoghon ŋgar to ineep ila lolodi, nene inimale ŋgavuun sagsag. Pasa, lolodi ivon pa ŋgar samsamia naol to pale iwaghamun gham. Mt 24:24; Mbaŋ 20:29; 2Pe 2:1

Titus 3:10

Ighaze tamtoghon eta ireu lupuuŋ to Krisi, yom usaav kat ila mata, ve utoova pa upasaluŋgani. Usaav pani pa eez ma ru, ve ighaze ilooŋ ghom maau, ghoro upuli ve uneep saguan pani. Pasa, yom uwatag: Tamtoghon tovene, ŋgar toni iwaghamgham, ve iyel pa ataam to Maaron. Ŋgar to ighamghami, nene ipatooŋa ighaze ye isosor. Mt 18:15+; Ro 16:17+; 1Tim 6:3+

2 Timoti 2:16

Saveeŋ soroksorok to taan to tamtoghon avodi burburia pani, yom uneep saguan pani. Pasa, saveeŋ tovene pale ipaghau tamtoghon pa ataam to Maaron, ve tila tila le tisami kat. Nene inimale moroghooŋ samia to ivot inim tiina, ve iwaghamun tamtoghon le tisami. Ndiran ru to tisasavia saveeŋ tovene, nene Imeneus ve Piletus. 1Tim 1:4,20, 4:7; Tit 1:14

2 Timoti 2:23

Eemoghon yes to tikankaan pa Maaron, ve tiyouyou avodi, ve tiwazoran di pa saveeŋ soroksorok, yom ula toman di pa saveeŋ todi malep. Pasa, yom uwatag: Saveeŋ tovene, nene ipamundigin ŋoŋaaŋ ve malmal moghon. Tit 3:9

1 Timoti 6:5

Ndiran tovene, moghon moghon tigham tamtoghon tiwazoran di. Ŋgeu Samia ighamun ŋgar todi, ve isad saveeŋ onoon pa lolodi wa. Tauto matadi iŋgal tighaze uraat to patoŋaaŋ tamtoghon pa Maaron ŋgar toni, nene ataam poia pa tiyou ledi mbeb katindi. Tit 1:11

Epesus 4:14

Tovenen iit tataghon ŋgar to ndipain muul malep. Pasa, ndipain tikis Maaron aliŋa tuŋia maau. Yes tinimale waaŋ to yaghur ve dibom iwatokini ila inim. Ighaze ndiran to tiraua kat pa ghamuuŋ kaarom, tinim ve tiŋgal di pa saveeŋ, nene pale rikia moghon tighur ila saveeŋ kaarom todi, ve tipul ataam to Maaron. 1Kor 14:20; Yems 1:6

2 Tesalonika 3:6

Yam toŋvetaz, yei nisaav ariaŋa payam ila Tiina toit Yesu Krisi iza tovene: Ighaze toŋvetaz eta to Krisi igham uraat maau, ve inepneep sorok, yam agharaui malep. Aneep saguan pani. Pasa ŋgar tovene, nene deŋia pa Maaron aliŋa to nisavia payam ne maau. Saveeŋ tonene, paghu maau. Ineep muuŋ ve inim.

2 Tesalonika 3:14

Saveeŋ to nimbooda ila rau tonene, ighaze tiam eta itaghoni maau, yam aghita ve aneep saguan pani. Agharaui malep. Leso ighilaal sosor toni ve maya. Mt 18:17

1 Timoti 4:7

Eemoghon saveeŋ kaarom ve vuvuaaŋ soroksorl Layoutrok to tisasavia itaghon taan ŋgara, yom ughur taliŋam pani rita malep. Matam iŋgal Maaron ve uzuaria ghom le utaghon katin ŋgar toni. 1Tim 1:4, 6:20; 2Tim 2:16,23

1 Timoti 4:8

Ighaze tazuaria ghiit pa ghamuuŋ anoŋaad tapiri ivot inim tiina, nene iuul ghiit ris moghon. Ve ighaze tazuaria ghiit pa taghoniiŋ ŋgar to Maaron, nene iuul ghiit kat. Pasa, iuul ghiit pa nepooŋaad to aazne, ve nepooŋaad to muri paam. Mbo 84:11; Mt 6:33; 1Tim 6:6