2 Timoti 3:16 - Mutu (Oov)

¹⁶ Maaron aliŋa isob to timbooda, nene Maaron Avuvu ipamundigin tamtoghon, tauto timbooda. Saveeŋ toni iuluul ghiit pa tapasaluŋgan tamtoghon ve tapatoot di pa Maaron ŋgar toni. Leso tiwatag saveeŋ onoon, ve tighilaal sosor todi ve tipuli, ve titaghon ŋgar deŋia moghon. Ro 15:4; 2Pe 1:20+

Maaron Saveeŋ Tooni Patabuyaaŋ Tuam

¹⁶ Maaron aliiŋa isov tau tiboode na, ene Maaron Avuvu ipaburigin tamtamon, tauta tiboode. Saveeŋ tooni, ene iuluul ghiit to tapaduduuŋ tamtamon ve tapaghazoŋai zi pa Maaron ŋgar tooni. Leso tiwatagh saveeŋ onoon, ve tighilaal sosor toozi ve tipuli, ve titaghon ŋgar duduuŋa mon. Ro 15:4; 2Pe 1:20+

2 Timoti 3:16 Referans Kwoze

Rau Tau Paulus Iboode Pa Yes Roma Rom--Romans 15:4

Maaron aliŋa isob to muuŋ timbooda, nene ineep pa ipaghazoŋan ghiit, ve ipalot ghiit. Leso lolood ru malep, ve tayoon ariaŋa pa badooŋ pataŋani, ve taghur mataad pa sawa to Maaron igham mulin ghiit ve taneep pooi. Ro 4:23+; 1Kor 10:11; 2Tim 3:16+

Hibru 4:12

Maaron aliŋa, nene saveeŋ mata yaryaara, ve ighamgham uraat toman tapiri tiina. Ve saveeŋ toni, mata kat. Ilib pa buza to mata ru. Tauto iŋgalŋgal katin lolood, ve ipatooŋ ŋgar to ineep ila lolood ne ivot ighazooŋ. Leso taghilaal ŋgar sine to ivot ila to Maaron Avuvu, ve ŋgar sine to ivot ila tauud ŋgar toit moghon. Ep 6:17; Syg 1:16

Markus 12:24

Yesu ipamuul aliŋadi ighaze: “Oyai, yam tonene awatag Maaron tapiri ve saveeŋ toni rita maau. Tauto ŋgar tiam iwaghamgham.

2 Timoti 4:2

Uvotia Maaron aliŋa pa tamtoghon irau sawa isob. Ighaze uneep ila sawa poia ve tamtoghon lolodi pa tilooŋ ghom, ma uneep ila sawa samia ve tiyasiil pa saveeŋ tiom, yom irau uyoon ariaŋa pa badooŋ pataŋani ve upatoot di kat pa Maaron aliŋa. Uvotia saveeŋ kaarom ve ŋgar samia to tamtoghon ivot ighazooŋ, ve avom iyaryaaŋ padi leso tipuli. Ve upalot di pa titaghon Maaron ŋgar toni. 1Tim 4:13; 2Tim 2:25; Tit 2:15

2 Timoti 2:25

Ve ighaze tamtoghon pida tizoor aliŋa, ye irau ipasaluŋgan di toman saveeŋ luuma. Pasa ighaze igham tovene, nene pale inim ataam pa Maaron igham di titoor ŋgar todi, ve ŋgar todi ivot ve tighazooŋ pa saveeŋ onoon. Ga 6:1; 2Tim 4:2

Uraat To Yes Mbaŋooŋa 20:20

Ve yam awatag: Saveeŋ isob to irau iuul gham, tauto nasavia payam le isob. You namatughez maau, ve naŋgooz saveeŋ eta payam maau. Nasavsaav ghazooŋa payam ila ival tiina matadi, ve ila ruum tiam tiam paam. Mbo 40:10

Yoan 3:20

Tamtoghon tisob to tighamgham ŋgar samia, tighurghur koi pa ghazooŋa to Maaron, ve tineep saguan pani. Pasa, timatughez tighaze: Ghazooŋa toni pale ipatooŋ sosor todi ivot ghazooŋa.

Matayu 13:52

Yesu isaav padi muul ighaze: “Tovenen yes ŋgara to tutuuŋ to tipatoot di pa pooz to ndug sambam le tighazooŋ pani, nene yes tisob tinimale ruum tau to ipaspas mbaliiŋ papaghu ve muŋginadi pa katkaat toni.”

Uraat To Yes Mbaŋooŋa 18:25

Ye, tipatooti pa ataam to Tiina toit Yesu wa. Ve lolo ipazaagha pa votiaaŋ Maaron aliŋa. Sawa to ipatoot tamtoghon pa Maaron aliŋa, saveeŋ toni iyel maau. Deŋia kat. Ye iloŋlooŋ ila yes Yuda rumai todi, ve iyoon ariaŋa pa votiaaŋ Yesu varu. Imatughez maau. Eemoghon ataam to Yoan itaghoni pa ghamuuŋ ya, tauto Apolos iwatagi. Ataam ite paam maau. Tovenen sawa to Prisila yesuru Akwila tilooŋa, tighami tila ruum todi, ve tipaghazoŋani pa ataam to Maaron, leso ighazooŋ pani kat.

Galesia 3:8

Muuŋ kat, Maaron iwatag: Muri, ndug ndug to Yuda maau, pale tighur ila varu poia ve ghurla todi igham di tineep deŋiadi ila ye mata. Pasa, Maaron aliŋa to timbooda, isaav tovene: Muuŋ kat, Maaron ivotia varu poia pa Abaram ighaze: “Yom pale unum ataam pa ndug tisob to taan, leso poia tiou iza todi.” Mbnp 12:3, 18:18, 22:18

Hibru 3:7

Tovenen alooŋ saveeŋ to Avuvu Patabuaŋ ivotia pait. Ighaze: “Aazne, ighaze yam alooŋ Maaron aliŋa, apoon lolomim pani malep. Ve atoov Maaron ve azoora inimale muuŋ nditimbumim tighami izi ndug balim malep.

1 Korin 12:7

Maaron Avuvu ineep toman iit tasob, ve ireirei tau tapiri toman uraat ve ŋgar naol naol irau ghiit, leso tapalot lupuuŋ to Krisi pani. 1Kor 14:26; 1Pe 4:10+

Uraat To Yes Mbaŋooŋa 20:27

Pasa, you naroron payam maau, ve naŋgooz saveeŋ eta payam maau. Ŋgar to Maaron ighaze yam ataghoni, tauto nasavia payam le isob.

Matayu 26:56

Poia. Akis ghou lak. Mbeb tisob to tivot ne, titaghon Maaron aliŋa to muuŋ yes propeta tivotia ve timbooda pataghaaŋ, leso anoŋa ivot.” Yesu isavia saveeŋ tonene, ve taghoniiŋa toni tisob tipuli, ve tighau. Mbo 88:8; Mt 26:31

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuaŋ ipamundigin kinik David ve ivotia Maaron aliŋa to iŋarua mbeb to ivot pa Yudas. Saveeŋa ineep ila Maaron aliŋa to timbooda, ve aazne anoŋa ivot wa. Pasa, Maaron aliŋa isob pale ighur anoŋa ivot itaghon ye tau ŋgar toni. Yam awatag: Yesu igham Yudas inim taghoniiŋa toni, ve itiŋa taluplup ghiit ve tambesmbees pa uraat to Maaron. Eemoghon muri, Yudas ilaagh toman Yesu koia, ve ipatooŋ di pani, tauto tikisi. Mbo 41:9

Matayu 21:42

Ghoro Yesu isaav padi muul ighaze: “Maaron aliŋa waaro eez to timbooda, yam awaata rita, ma maau? Saveeŋ tonowen isaav ighaze: ‘Yaam to yes to reiŋ ruum matadi velegini ve tipiyaava ilale, tauto inim pughu pa ruum ve ipaloti. Leso ruum iyoon ariaŋa izala pogho. Maaron tau igham mbeb tonene ivot. Ve yei nighita inimale mbeb gharatooŋa eez ila matamai.’ ” Mbo 118:22+

Rau Tau Paulus Iboode Pa Yes Roma Rom--Romans 4:23

Saveeŋ waaro tonene, timbooda pa Abaram moghon maau. Iŋarua ghiit paam. Pasa, ighaze iit taghur ila to Maaron to ipamundigin Tiina toit Yesu pa mateeŋ, nene ye pale ighita ghiit ighaze iit paam taneep deŋiaad ila mata. Ro 10:9, 15:4

Hibru 11:1

Ŋgar to taghur ila, nene vene: Mbeb popoia to taghur mataad pani, lolood ru pani maau, ve ŋgar toit iyaryaaŋ taghaze mbeb tonowen pale tivot. Ve mbeb to aazne taghita di pa mataad maau, ŋgar toit iyaryaaŋ taghaze onoon kat mbeb tonowen tinepneep. Ro 8:24+; 2Kor 4:18, 5:7

Rau Tau Paulus Iboode Pa Yes Roma Rom--Romans 3:2

Aghita. Maaron iuul yes Yuda ila ataam naol. Mbeb tiina kat to ye igham padi, nene ye ighur saveeŋ toni ila nimadi pa tiŋgini. Mbo 147:19+; Mbaŋ 7:38; Ro 9:4

Uraat To Yes Mbaŋooŋa 28:25

Tovenen tiwazoran di pa savsaveeŋ ila le maau, ve tighaze tighau. Eemoghon Paulus ipiyaav aliŋa ris padi ighaze: “Saveeŋ waaro eez to Avuvu Patabuaŋ ivotia pa nditimbuud ila propet Isaia avo, nene deŋia kat pa ŋgar tiam. Pasa, ye isaav ighaze:

Markus 12:36

‘Maaron isaav pa Tiina tiou ighaze: “Unum mbolem izi ila pa nimag waan, le irau natatan koiamŋa ve tapiridi isob kat, ve uvazag di ila aghem samba.” ’ Mbo 110:1; Mbaŋ 2:34+; 1Kor 15:25; Hib 1:13

Matayu 26:54

Eemoghon ighaze you nagham tovene, pale Maaron aliŋa to timbooda pataghaaŋ ne anoŋa ivot vena?”

Matayu 22:43

Tovenen Yesu ighason di muul: “Ighaze venen, pughu vena to Maaron Avuvu ipamundigin David, ve ye iwaat Mesia ighaze ‘Tiina toni’? Mbaŋ 2:30+