2 Timoti 2:13 - Mutu (Oov)

¹³ Sawa pida, iit tataghon saveeŋ mbuaaŋ toit toman Krisi maau. Eemoghon ye, ghoro itaghon saveeŋ mbuaaŋ toni irau sawa isob. Pasa, ŋgar toni ineep pataghaaŋ to muuŋ ve inim. Irau itortoora maau.” Nam 23:19; Ro 3:3+; 1Kor 1:9

Maaron Saveeŋ Tooni Patabuyaaŋ Tuam

¹³ Saawe siriv, iit tataghon saveeŋ mbuaaŋ toit tomania Krisi mako. Eemon i, o itataghon saveeŋ mbuaaŋ tooni irau saawe. Pasaa, ŋgar tooni igheen pataghaaŋ ta muuŋ ve ilam. Irau itortoora mako.” Nam 23:19; Ro 3:3+; 1Kor 1:9

2 Timoti 2:13 Referans Kwoze

Rau Tau Paulus Iboode Pa Yes Roma Rom--Romans 3:3

Onoon, saveeŋ to timbua toman Maaron, tamtoghon todi pida titaghoni maau. Ve vena? Ŋgar todi tonowen irau igham Maaron paam ireu saveeŋ mbuaaŋ toni? Ro 11:29; 1Kor 1:9; 2Tim 2:13

Titus 1:2

ve tighur matadi pa nepooŋ to taneep mataad iyaryaar toman Maaron le alok. Nepooŋ tonowen, Maaron imbua saveeŋ pani muuŋ kat, sawa to mbeb eta ivot sone. Ve ye irau igham kaarom maau. Saveeŋ toni isob, nene onoon moghon. 2Tim 1:9

2 Tesalonika 3:3

Eemoghon iit irau tanumeer Tiina toit. Pasa, ye itaghon saveeŋ toni irau sawa isob. Ye tau pale ipalot gham, ve ipoon gham pa Ŋgeu Samia. Yo 17:15; 1Kor 10:13; 1Tes 5:24; 2Pe 2:9

1 Tesalonika 5:24

Maaron to ipoi gham anim le, ye pale igham tovene. Pasa, ye avo onoon, ve itataghon saveeŋ mbuaaŋ toni. Pil 1:6; 2Tes 3:3

1 Korin 1:9

Iit irau tanumeer Maaron. Pasa, ye itaghon saveeŋ toni irau sawa isob. Ve ipoi gham anim le ve yamŋa Natu Yesu Krisi alup gham anim ee moghon wa. Pil 1:6; 1Tes 5:23+; 1Pe 5:10

Hibru 6:18

Tovenen iit to tayooŋ ila to Maaron, leed mbeb ru to tipariaaŋ ghiit pa taghur ila toni. Eez, nene saveeŋ mbuaaŋ toni. Ve ite, nene ye tau iza to iwaata pa ipariaaŋ saveeŋ toni. Mbeb ru tonene, Maaron irau itoor ŋgar toni, ma itombaan ghiit pani ne maau. Mbeb ru tonene tipariaaŋ ghiit kat, leso takis ghurla toit tuŋia, ve taghur mataad pa nepooŋ poia to Maaron pale igham pait. Tit 1:2

Matayu 24:35

Sambam ve taan pale tilaledi. Eemoghon saveeŋ tiou waaro eta irau ilale ne maau. Mt 5:18

Rau Tau Paulus Iboode Pa Yes Roma Rom--Romans 9:6

Onoon, aazne Israela katindi tighur ila to Krisi maau. Tovenen pale tasaav vena pa saveeŋ to Maaron imbua toman nditimbudi? Saveeŋ tonowen inim yaghur sorok? Maau. Pasa, tamtoghon to tivot ila to yes Israela, tisob tinim Israela kat maau. Yo 8:39+; Ro 2:28+