2 Timoti 2:11 - Mutu (Oov)

¹¹ Saveeŋ to naghaze nasavia, nene onoon moghon. Irau taghur ila kat: “Ighaze iit talup toman Krisi pa mateeŋ toni, nene pale taneep mataad iyaryaar tomani.

Maaron Saveeŋ Tooni Patabuyaaŋ Tuam

¹¹ Saveeŋ tau naghe nasavia, ene onoon mon. Irau taghur ila kat: “Isaav ighe iit tapaak Krisi pa mateegh tooni, ene pale taleep mataan yaryaare tomania.

2 Timoti 2:11 Referans Kwoze

Rau Tau Paulus Iboode Pa Yes Roma Rom--Romans 6:8

Tauto iit taghur ila tovene: Ighaze tala toman Krisi pa mateeŋ toni, nene pale itiŋa Krisi taneep mataad iyaryaar paam. Ro 8:11; 2Tim 2:11

1 Timoti 1:15

Yesu Krisi izi inim taan pa igham mulin iit tamtoghon samsamiaad pa pataŋani to sosor toit. Saveeŋ tonene, onoon kat. Irau taghur ila, ve takisi ineep ariaŋa ila lolood. Ve you nalib kat pa tamtoghon tisob pa ghamuuŋ sosor. Mt 1:21; Mk 2:17; Lu 19:10

Rau Tau Paulus Iboode Pa Yes Roma Rom--Romans 6:5

Ighaze tala toman Krisi pa mateeŋ toni ve nepooŋ toit muŋgina isob, nene pale tala tomani pa mundigiiŋ toni paam, ve tagham nepooŋ paghu inimale ye igham nepooŋ paghu. Ro 8:11; Pil 3:10+; 2Tim 2:11

2 Korin 4:10

Sawa to nimbaad pataŋani, nene inimale nila toman Krisi pa mateeŋ toni. Eemoghon ye ipapalot ghei ve niyoon ariaŋa. Tauto nipatooŋa nighaze ye ineep mata iyaryaar.

Yoan 14:19

Yes to titaghon taan ŋgara, mala maau pale tighita ghou muul maau. Eemoghon yam ghoro aghita ghou. Pasa, you pale namundig muul ve naneep matag iyaryaar. Tovenen yam paam pale agham nepooŋ poia inim tiou, ve aneep matamim iyaryaar.

Titus 3:8

Saveeŋ tonene, onoon moghon. Irau taghur ila kat. Ŋgar to nasavia tonene, you naghaze yom uyoon ariaŋa pa votiaaŋi. Leso yes to tighur ila to Maaron, tipul taudi kat pa ghamuuŋ uraat ve ŋgar popoia irau sawa isob. Ŋgar tovene, nene paghuna kat, ve irau iuul tamtoghon tisob.

1 Tesalonika 5:10

Krisi igham inaad ve imaat pait, leso igham ghiit tala taneep tomani. Tovenen sawa to mulaaŋ toni, ighaze tamaat, ma taneep mataad iyaryaar, nene ye pale igham ghiit tala itiŋa taneep. Ro 14:8+; 2Kor 5:15; 1Tes 4:14

1 Tesalonika 4:17

Ghoro tiyou iit to taneep mataad iyaryaar ne paam, toman yes to timundig pa mateeŋ, ve rikia moghon tiit ghiit talooŋ tala yaghur tae lolo to sala we. Leso taghita Tiina toit, ve itiŋa taneep itaghoni taghoni gha ila. Yo 12:26, 14:2+

2 Korin 13:4

Onoon, sawa to Krisi imaat izala ai pambarooŋ, tamtoghon tighita tighaze ye le tapiri maau. Eemoghon Maaron tapiri ipamundigini pa mateeŋ, ve aazne ye ineep mata iyaryaar. Yei tovene paam. Tapirimai imbool. Eemoghon nineep ila to Krisi, tauto Maaron tapiri ipapalot ghei pa uraat tiei, leso niuul gham. 2Kor 12:9; Pil 2:7+

1 Timoti 3:1

Ighaze ŋgeu eta lolo ipazaagha ighaze imuuŋ pa uraat to ŋginiiŋ lupuuŋ to Krisi, nene poia. Uraat to ye ighaze ighami, nene uraat poia ve uraat tau. Saveeŋ tonene, nene onoon moghon. Irau taghur ila kat. Mbaŋ 20:28