1 Yoan 4:16 - Mutu (Oov)

¹⁶ Tovenen ŋgar to Maaron to lolo pait ve ighamgham poian ghiit, nene iit taghilaala wa. Ve taghur ila taghaze nene onoon. Ŋgar to lolood pa tamtoghon ve tagham poian di, nene Maaron ŋgar toni. Tovenen ighaze iit takis ŋgar tonene tuŋia, ve tataghoni irau sawa isob, nene pale taneep tuŋia ila to Maaron, ve ye ineep tuŋia inim toit, ve itiŋa talup ghiit tanim ee moghon.

Maaron Saveeŋ Tooni Patabuyaaŋ Tuam

¹⁶ Tauvene ŋgar to Maaron tau loolo igheen toit ve ighamgham poghani ghiit, ene iit taghilaalo wa. Ve taghur ila taghe ene onoon. Ŋgar to loloon pa tamtamon ve tagham poghani zi, ene Maaron ŋgar tooni. Tauvene isaav ighe iit takis ŋgar tana tuŋia, ve tataghoni irau saawe, ene aat taleep tuŋia ila to Maaron, ve i ileep tuŋia ilam toit, ve itiŋa tavalupu ghiit tamin eemon.

1 Yoan 4:16 Referans Kwoze

1 Yoan 3:24

Tamtoghon tisob to matadi kisin tutuuŋ toni ve titaghon di, yes pale tineep tuŋia ila to Maaron, ve Maaron ineep tuŋia ila todi, ve tilup di tinim ee moghon. Ve Avuvu to Maaron igham pait, tauto igham ghiit taghilaal taghaze Maaron ineep toman ghiit irau sawa isob. Yo 14:23, 15:10; Ro 8:9

1 Yoan 3:1

Aghita. Tamaan Maaron lolo pait ve ipakur ghiit kat. Pasa, ye ipoi ghiit ighaze tau ndinatu iit. Ve saveeŋ tonene, nene deŋia. Aazne, Maaron igham ghiit tanim ye ndinatu. Eemoghon yes to titaghon ŋgar to taan, tighilaal ghiit maau. Pasa, yes tighilaal Maaron maau. Yo 1:12, 16:2+; Ro 8:15+

1 Yoan 3:16

Sawa to Yesu Krisi ipul tau imaat pait, ye ipatooŋ ŋgar to lolood pa tamtoghon ivot ighazooŋ pait. Iit paam irau tataghon ŋgar raraate, ve tarei tauud pa yes toŋvetaz to Krisi. Yo 15:13; Ro 5:8; Ep 5:2

1 Korin 2:9

Ŋgar yoŋgaaŋ to Maaron to nisasavia ne, timbood saveeŋa pataghaaŋ tighaze: “Maaron igharaat mbeb popoiadi naol pa yes to lolodi ineep toni. Mbeb tonowen, ite kat. Tamtoghon eta ighita di pa mata, ma ilooŋ varudi pa taliŋa sone. Ve tamtoghon eta irau igham ŋgar padi paam maau.” Is 64:4; Yer 3:16

Yoan 6:69

Yei nighilaal ghom wa, ve nighur ilat tiom nighaze yom ŋgeu patabuaŋ to Maaron imbaaŋ ghom unum.” Mt 16:16; Yo 11:27

Yoan 9:3

Yesu ipamuul ghasoniiŋ todi ighaze: “Ŋgeu tonene igham sosor maau, ve tama yesuru tina paam tigham sosor maau. Pataŋani tonene ivot pani, leso Maaron iuuli ve ipatooŋ tapiri ve uraat toni ivot ighazooŋ. Yo 11:4

1 Yoan 4:7

Yam ndiran tiou, lolog payam kat. Iit tasob irau lolood pa tauud ve tagham poian tauud. Pasa, ŋgar tovene inim pa Maaron. Tamtoghon tisob to lolodi pa nditadi ve tighamgham poian di, yes tiwatag Maaron. Ye igham di tinim paghu ve tinim ye ndinatu wa.