1 Yoan 2:23 - Mutu (Oov)

²³ Pasa, tamtoghon tisob to tipul muridi pa Maaron Natu, nene Tamaan Maaron ineep toman di maau. Eemoghon ighaze tamtoghon eta ivotia ghurla toni ighazooŋ ighaze ye ighur ila to Maaron Natu, nene Tamaan Maaron paam ineep tomani, ve yesuru tilup di tinim ee moghon. 1Yo 4:15, 5:1; 2Yo 9

Maaron Saveeŋ Tooni Patabuyaaŋ Tuam

²³ Pasaa, tamtamon tisov tau tighur murizi pa Maaron Naatu, ene Tamaan Maaron ileep tomani zi mako. Eemon isaav ighe tamtamon eta ivotia ghuruuŋ ila tooni ighe i ighur ila to Maaron Naatu, ene Tamaan Maaron paam ileep tomania, ve yesuru tivalupu zi timin eemon. 1Yo 4:15, 5:1; 2Yo 9

1 Yoan 2:23 Referans Kwoze

1 Yoan 4:15

Ighaze tamtoghon eta isaav ghazooŋa ighaze ye ighur ila ighaze Yesu, ye Maaron Natu, nene Maaron ineep tuŋia ila toni, ve ye ineep tuŋia ila to Maaron, ve yesuru tilup di tinim ee moghon.

Yoan 8:19

Tauto tighasoni tighaze: “Tamam ineep sine?” Yesu ipamuul aliŋadi ighaze: “Yam awatag ghou maau. Tauto awatag Tamaŋ maau. Ve inimale awatag ghou, tone awatag Tamaŋ paam.” Yo 14:7; 1Yo 2:23

Yoan 10:30

You ve Tamaŋ, yeru ee moghon.” Yo 1:1, 17:11,21+

Yoan 5:23

Leso ival tisob tighita Natu tighaze ye le iza, ve titandag pani tinimale titandag pa Tama Maaron. Ve ighaze tamtoghon eta itandag pa Maaron Natu maau, nene itandag pa Tama Maaron maau paam. Pasa, ye to imbaaŋ Natu izi inim taan. Lu 10:16; Pil 2:10+; 1Yo 2:23

1 Yoan 5:1

Tamtoghon tisob to tighur ila tighaze Yesu ye Mesia, Maaron igham di tinim paghu ve tinim ye ndinatu wa. Ve tamtoghon tisob to lolodi pa Tamaan Maaron, nene lolodi pa Maaron ndinatu paam. Yo 1:12+

Lukas 10:22

“Tamaŋ Maaron ighur mbeb tisob tinim nimag wa. Ve ye moghon to iwatag katin tau Natu. Tamtoghon ite paam maau. Ve Tamaŋ Maaron tovene paam. Tamtoghon eta iwatagi kat maau. Tau Natu, ve yes to Natu ipaghazoŋan di pani, yes moghon to tiwatagi.” Mt 28:18; Yo 1:18, 3:35, 10:15, 17:26

Matayu 11:27

Ghoro Yesu isaav muul ighaze: “Tamaŋ Maaron ighur mbeb tisob tinim nimag wa. Ve ye moghon to iwatag katin tau Natu. Tamtoghon ite paam maau. Ve Tama Maaron tovene paam. Tamtoghon eta iwatagi kat maau. Natu moghon, ve yes to Natu ipaghazoŋan di pani, yes moghon to tiwatagi.” Mt 28:18; Yo 3:35, 17:2

1 Yoan 2:22

Sei to ŋgeu to kaarom? Nene ŋgeu to izorzoor saveeŋ ighaze: “Yesu, ye Mesia maau.” Tamtoghon tovene, ye inim Krisi koia. Ye ipul muri pa Krisi ve Tamaan Maaron paam. 1Yo 4:3; 2Yo 7

Yoan 16:3

Tamtoghon pale tigham ŋgar tonenen payam pasa, tikankaan pa Tamaŋ Maaron, ve tikankaan payou paam. Yo 15:21; Ro 10:2; 1Tim 1:13

Yoan 17:3

Yom moghon to Maaron tau. Ve nepooŋ poia to tamtoghon tighami ilat tiom, nene ŋgara tovene: Yes tiwatag katin ghom, ve Natum Yesu Krisi to umbaaŋa izi inim taan. Tamtoghon tovene, pale tineep poia ilat tiom itaghoni taghoni gha ila. Yo 3:16; 2Pe 1:2+; 1Yo 5:20

1 Yoan 4:2

Ataam to taghilaal yes to Maaron Avuvu igham pooz padi, nene vene: Tamtoghon tisob to tisaav ghazooŋa tighaze: “You naghur ila to Yesu Krisi naghaze ye izi inim taan, ve inim tamtoghon,” nene titaghon pooz to Maaron Avuvu. 1Kor 12:3; 1Yo 5:1

1 Yoan 5:20

Ve iit tawatag: Maaron Natu izi inim taan, ve ipaghazoŋan ŋgar toit, leso tawatag katin Maaron tau. Tauto aazne, iit taneep ila to Maaron tau ve Natu Yesu Krisi, ve itiŋa talup ghiit tanim ee moghon. Yesu Krisi, ye Maaron tau. Ve ye to inim pughu pa nepooŋ to mataad iyaryaar. Yo 17:3