1 Yoan 2:13 - Mutu (Oov)

¹³ Ve yam ndolman, nambood saveeŋ tonene ila tiam pasa, Ŋgeu to ineep muuŋ ve inim, yam awatag katini wa. Ve yam ndipain, nambood saveeŋ tonene ilat tiam pasa, yamŋa Ŋgeu Samia aparab ve alib pani wa.

Maaron Saveeŋ Tooni Patabuyaaŋ Tuam

¹³ Ve yam zolmana, nabood saveeŋ tane payam pasaa, Ŋeer tau ileep muuŋ ve ilam na, yam awatagh katini wa. Ve yam geegeu paghpaaghu, nabood saveeŋ tane payam pasaa, yamŋa Ŋeer Saghati aparav gha aliivo wa.

1 Yoan 2:13 Referans Kwoze

Yoan 14:7

Ighaze awatag katin ghou, nene pale awatag Tamaŋ paam. Aazne ve ila, yam awatagi. Pasa, aghita wa.” Yo 8:19

1 Yoan 2:14

Tovenen ndinatug, you nambood saveeŋ tonene ilat tiam pasa, yam awatag Tamaan Maaron wa. Ve yam ndolman, nambood saveeŋ tonene ilat tiam pasa, Ŋgeu to ineep muuŋ ve inim, yam awatagi wa. Ve yam ndipain, nambood saveeŋ tonene ilat tiam pasa, yam ayoon ariaŋa, ve saveeŋ to Maaron ineep tuŋia ila lolomim irau sawa isob, ve yamŋa Ŋgeu Samia aparab ve alib pani wa. Ep 6:10; Syg 12:11

1 Yoan 4:4

Eemoghon ndinatug, yam Maaron tamtoghon toni. Ve yam atatan ndiran kaaromŋa tonowen ve alib padi wa. Pasa, Maaron Avuvu to inepneep ila lolomim ne, tapiri ilib pa ye to ipapazaagh tamtoghon ve titaghon ŋgar to taan. Yo 16:33; 1Yo 5:4+

1 Yoan 1:1

Yei nivovotia saveeŋ mata yaryaara pa ŋgeu to ipaghazoŋan ghiit pa saveeŋ ve ŋgar to Maaron, ve inim ataam pait ve tagham nepooŋ poia. Muuŋ kat, sawa to mbeb eta ivot sone ve inim, ŋgeu tonowen inepneep. Ve ye izi inim ineep toman ghei, ve nilooŋ saveeŋ toni ila ye tau avo, nighita pa matamai, ve nikisi pa nimamai. Tauto nighilaal katini. Lu 1:2; Yo 1:1+,14, 20:27; 2Pe 1:16

Lukas 10:22

“Tamaŋ Maaron ighur mbeb tisob tinim nimag wa. Ve ye moghon to iwatag katin tau Natu. Tamtoghon ite paam maau. Ve Tamaŋ Maaron tovene paam. Tamtoghon eta iwatagi kat maau. Tau Natu, ve yes to Natu ipaghazoŋan di pani, yes moghon to tiwatagi.” Mt 28:18; Yo 1:18, 3:35, 10:15, 17:26

Yoan 17:3

Yom moghon to Maaron tau. Ve nepooŋ poia to tamtoghon tighami ilat tiom, nene ŋgara tovene: Yes tiwatag katin ghom, ve Natum Yesu Krisi to umbaaŋa izi inim taan. Tamtoghon tovene, pale tineep poia ilat tiom itaghoni taghoni gha ila. Yo 3:16; 2Pe 1:2+; 1Yo 5:20

1 Yoan 5:18

Iit tawatag: Tamtoghon tisob to Maaron igham di tinim paghu, yes tinoknok ghamuuŋ ŋgar samia maau. Pasa, Maaron Natu mata padi ve iŋgin di. Tovenen Ŋgeu Samia irau iwaghamun di maau. 1Yo 3:9

1 Yoan 3:12

Tovenen iit tataghon Kain ŋgar toni malep. Ye, Ŋgeu Samia ighami inim le, tauto imundig ve irab sorokin tazi Abel imaat. Ve pughu vena to irabi imaat? Ye igham ŋgar tonenen pasa, ŋgar toni samia, ve tazi ŋgar toni poia ve deŋia ila Maaron mata. Mbnp 4:8; Hib 11:4

Matayu 11:27

Ghoro Yesu isaav muul ighaze: “Tamaŋ Maaron ighur mbeb tisob tinim nimag wa. Ve ye moghon to iwatag katin tau Natu. Tamtoghon ite paam maau. Ve Tama Maaron tovene paam. Tamtoghon eta iwatagi kat maau. Natu moghon, ve yes to Natu ipaghazoŋan di pani, yes moghon to tiwatagi.” Mt 28:18; Yo 3:35, 17:2

1 Yoan 5:20

Ve iit tawatag: Maaron Natu izi inim taan, ve ipaghazoŋan ŋgar toit, leso tawatag katin Maaron tau. Tauto aazne, iit taneep ila to Maaron tau ve Natu Yesu Krisi, ve itiŋa talup ghiit tanim ee moghon. Yesu Krisi, ye Maaron tau. Ve ye to inim pughu pa nepooŋ to mataad iyaryaar. Yo 17:3

1 Yoan 2:12

Ndinatug, you nambood saveeŋ tonene ilat tiam pasa, ila Yesu Krisi iza, Tamaan Maaron ireu sosor tiam isob ilale wa. Mbaŋ 10:43; 1Kor 6:11

1 Yoan 2:1

O ndinatug, you nambood saveeŋ tonene payam, leso agham sosor sob ve ayoon ariaŋa. Eemoghon ighaze tamtoghon eta itap ve igham sosor, iit leed ŋgeu deŋia eez to ivolvool toit, ve igham avood ve isasavia saveeŋ toit ila to Tamaan Maaron, nene Yesu Krisi. Ro 8:34; 1Tim 2:5; Hib 7:25

Titus 2:6

Yes nditamoot papaghu, usaav ariaŋa padi ughaze tiŋgin taudi pooi. Lolodi ipazaagh di rikia malep. Atedi imaat ve tigham ŋgar pooi, ghoro tigham mbeb.

2 Korin 4:6

Muuŋ kat, Maaron isaav ighaze: “Ghazooŋa ivot ve isul ila ndoroom lolo!” Ve ye igham ghazooŋa toni isul ila yei lolomai paam. Leso nighilaal ŋguruba toman tapiri ve poia toni to Krisi ipatooŋa pait. Mbnp 1:3; Mt 4:16; Yo 8:12; 1Pe 2:9

Yoan 16:3

Tamtoghon pale tigham ŋgar tonenen payam pasa, tikankaan pa Tamaŋ Maaron, ve tikankaan payou paam. Yo 15:21; Ro 10:2; 1Tim 1:13

Yoan 14:9

Yesu isaav pani ighaze: “Wai Pilip, itiŋa takaria nepooŋ wa! Ve yom ughilaal ghou sone? Tamtoghon to ighaze ighita ghou, nene ighita Tamaŋ. Pughu vena to ughason ghou ughaze napatooŋ Tamaŋ payam? Yo 12:45; Kol 1:15; Hib 1:3

Yoan 8:19

Tauto tighasoni tighaze: “Tamam ineep sine?” Yesu ipamuul aliŋadi ighaze: “Yam awatag ghou maau. Tauto awatag Tamaŋ maau. Ve inimale awatag ghou, tone awatag Tamaŋ paam.” Yo 14:7; 1Yo 2:23

Matayu 13:38

Ve uum toni, nene iza to tamtoghon to taan. Uuv popoia, nene iza to yes to titaghon pooz to ndug sambam. Ve wit olia, nene iza to yes to titaghon ŋgar to Ŋgeu Samia. 1Yo 3:10

Matayu 13:19

Uuv pida to titaptap tizi ataam, nene iza to tamtoghon to tilooŋ saveeŋ pa pooz to ndug sambam, eemoghon ŋgar todi ighazooŋ pani maau. Tovenen Ŋgeu Samia ila ve isad saveeŋ tonowen ighau pa lolodi.

1 Timoti 5:1

Matam iŋgal. Ighaze upasaluŋgan tamtoghon pa ataam to Krisi, uŋaar ndolman malep. Utandag padi, ve usavia saveeŋ padi toman roroniiŋ, inimale usavsaav pa taum tamam. Ve usaav pa ndipain papaghu inimale usavsaav pa nditazim.

Yoan 17:21

Tamaŋ, ulup di tisob tinim ee moghon, ve ugham di tineep tuŋia inim toit, inimale you naneep ilat tiom, ve yom uneep inim tiou, ve lupuuŋ toit ee moghon. Leso tamtoghon to taan tighilaal tighaze yom umbaaŋ ghou to nanim. Ro 12:5; Ga 3:28; Ep 4:3+

Matayu 5:37

Yam irau asaav moghon aghaze: ‘Vee, nene saveeŋ onoon.’ o ‘Maau, saveeŋ tovene maau.’ Nene irau. Pasa, ighaze yam awaat mbeb pida izadi pa apariaaŋ saveeŋ tiam, nene ŋgar tovene inim pa Ŋgeu Samia. Yems 5:12

Yoan 16:33

Saveeŋ tonene, you nasavia payam, leso aneep tuŋia inim tiou, ve luuma tiou ineep toman gham. Onoon, sawa to aneep izi taan, pataŋani pale igham gham. Eemoghon amatughez malep. Lolomim poia ve ayoon ariaŋa! Pasa taan tapiri, you natatani wa.” Yo 14:27; Ro 8:35+; 1Yo 4:4, 5:4

Saveeŋ Yoŋgaaŋ 2:7

‘Tamtoghon to ighaze le taliŋa, ye irau ilooŋ saveeŋ to Maaron Avuvu isavia pa lupuuŋ to Krisi. Ighaze tamtoghon eta iyoon ariaŋa ve ilib pa tovaaŋ, you pale nayok pani, pa ighan ai anoŋa ila ai to iyoon ila uum to Maaron lolo. Leso ineep mata iyaryaar le alok.’ Mbnp 2:9, 3:22; Syg 22:2,14

Saveeŋ Yoŋgaaŋ 12:11

Toŋvetaz toit tigham ŋgar pa nepooŋ poia to taan maau, ve timatughez pa mateeŋ maau. Tirei taudi kat. Ve Sipsip to Maaron siŋ toni ipalot di le tiyoon ariaŋa pa votiaaŋ saveeŋ onoon ila ila le irau mateeŋ todi. Tauto tilib pa Ŋgeu Samia wa. Yo 12:25; Ro 16:20; 1Yo 5:4; Syg 7:14