1 Timoti 5:9 - Mutu (Oov)

⁹ Ighaze ugham ŋgar pa naar eta ughaze ughur iza ila rau to ulaaŋ, yom irau uŋgabiiz poian ŋgar toni. Le isob, ghoro ughur iza ila rau, ve lupuuŋ to Krisi tiŋgini pa nepooŋ toni. Ughita yes ndinaara to ndaman todi irau tamoot tol ve izala. Ve muuŋ, tighur maat maau, ve tineep pooi toman ndizwadi moghon.

Maaron Saveeŋ Tooni Patabuyaaŋ Tuam

⁹ Isaav ighe yo ughe ughur naar eta eeza ila rau to uleeŋ, na ugabiiz poghania ŋgar tooni. Le isov, o ughur eeza ila rau, ve lupuuŋ to Krisi tiŋgini pa lepoogh tooni. Ughita yes zinaara tau ndaman toozi irau tamoot tol ve izala. Ve muuŋ, tighur boog mako, ve tilepleep duduuŋ tomania azuwazŋa mon.

1 Timoti 5:9 Referans Kwoze

1 Timoti 3:2

Tamtoghon to ighaze imuuŋ pa uraat to ŋginiiŋ lupuuŋ to Krisi, laghooŋ toni isob irau deŋia moghon, leso tamtoghon tiyou avodi pani sob. Tovenen mata ila pa liva ite paam malep. Ye irau mata kisin tau azuwa moghon. Ve irau lolo ipazaagha rikia maau. Ighaze lolo ighur pa ghamuuŋ mbeb eta, ye irau ate imaat ve iŋgabiiz pooi. Le isob, ghoro ighami. Ve varu isami malep, ve iŋgin tau pooi, ve mata ghamuuŋ yes loomba. Ve ye irau le ŋgar pa uraat to patoŋaaŋ tamtoghon pa Maaron aliŋa. Tit 1:6+

1 Timoti 5:11

Eemoghon yes ndinaara to papaghudi, ughur izadi ila rau to ulaaŋ malep. Pasa muri, ighaze lolodi igham pa vaiuuŋ muul, nene pale tighur muridi pa Krisi, ve tireu saveeŋ mbuaaŋ todi, ve tisosor ila Maaron mata.

1 Timoti 5:14

Tovenen you nagham ŋgar naghaze yes ndinaara papaghudi tivai muul, ve tipoop, ve tiŋgin poian taudi ruum todi, ghoro poia. Leso ledi sosor eta ila koiaadŋa matadi sob, ve irau tiyou avodi pait maau. 1Kor 7:9

1 Timoti 3:12

Yes uraata to tiuluul lupuuŋ to Krisi, irau matadi kisin taudi ndizwadi moghon. Matadi ila pa ndiliva pida malep. Ve yes irau tiŋgin poian ndizwadi toman ndinatudi, ve tamtoghon pida to tineep toman di ila ruum todi.

1 Timoti 5:16

Ighaze liva eta ighur ila to Krisi, ve siŋ toni pida tinim ndinaara, ye irau iuul di. Leso tigham pataŋani pa lupuuŋ to Krisi sob, ve lupuuŋ irau iuul yes ndinaara to eŋgendi kat.