1 Timoti 5:6 - Mutu (Oov)

⁶ Ve ighaze naar eta tini imbees pa nepooŋ poia to taan moghon, onoon, ye ineep mata iyaryaar. Eemoghon ghurla toni, nene imaat wa.

Maaron Saveeŋ Tooni Patabuyaaŋ Tuam

⁶ Ve isaav ighe naar eta tiini ibees pa lepoogh poia to taan mon, onoon, i ileep maata yaryaare. Eemon ghuruuŋ ila tooni, ene imaat wa.

1 Timoti 5:6 Referans Kwoze

Yakobus 5:5

Nepooŋamim to taan, nene poia le poia kat. Tinimim imbees kat pa mbeb to ulimim. Aghan tiina, aghun tiina, ve atub atub le animale ŋgai to sawa igharau pa tiŋgali. Lu 12:19+, 16:19+

Saveeŋ Yoŋgaaŋ 18:7

Muuŋ, ye ipakuri kat, ve igham mbeb popoiadi naol to taan tinim le, ve nepooŋ toni poia kat. Tovenen ye pale iyamaan yabyabuuŋ tiina ve itaŋ, leso iyat ŋgar toni tonowen. Pasa, ye igham tini ighaze: ‘You garawaat tidi. Nambool pa mbeb eta maau. You pale naneep ila inag to ghamuuŋ pooz, ve nepooŋ tiou poia moghon itaghoni taghoni gha ila. You naar leso nataŋ? Maau. Pataŋani eta irau ivot payou maau.’ Is 47:7+

Saveeŋ Yoŋgaaŋ 3:1

“Aŋela to iŋgin lupuuŋ tiou to tineep izi ndug Sardis, umbood saveeŋ ila pani tovene: ‘Ŋgeu to Maaron Avuvu liim ve ru tineep tomani, ve ikis pitum liim ve ru, aliŋa ilat payom ighaze: Syg 1:4,16 ‘Ŋgar ve uraat to yom ughamgham di, you nawatag di tisob. Tamtoghon tipait ghom toman lupuuŋ tiom tighaze nepooŋ tiam to anunumim, nene iyaryaaŋ kat. Eemoghon you naghita ghurla tiam, nene imaat wa.

Lukas 15:24

Pasa, iit taghaze pa ye imaat wa. Eemoghon maau. Mata iyaryaar, ve imuul inim ivot. Taghaze pa ye ilale wa. Eemoghon maau. Aazne, taghita muul.’ Tovenen mbesooŋa toni tila tigham uraat itaghon olman aliŋa. Ghoro tilup di pa ghanghaniiŋ toman tinidi iza. Ep 2:1,5

Lukas 15:32

Ughita. Iit taghaze pa tazim imaat wa. Eemoghon ineep mata iyaryaar. Ve taghaze pa ilale wa. Eemoghon aazne, inim peria ve taghita muul. Tovenen ighaze tagham ghanghaniiŋ pani toman tiniid iza, nene deŋia.’ ”

Epesus 5:14

Ve ghazooŋa toni isul di ve itoor di. Leso anadi tipatooŋ ghazooŋa toni. Pughu tonene to tisavsaav tighaze: “Yom to ugheen, umundig pa mateeŋ. Leso ghazooŋa to Krisi isul ghom.” Ro 13:11

Epesus 2:1

Muuŋ, yam aneep animale yes mateeŋa. Pasa, lemim ŋgar eta pa Maaron maau, ve irau agham ŋgar poia eta maau. Sawa isob, yam amalaaŋ pa tutuuŋ toni, ve agham ŋgar samsamia naol. Kol 2:13.

Lukas 15:13

“Sawa pida inim ila, ghoro natu muria iyou mbeb toni tisob, ve imundig toman di, ve ila pa ndug mala. Ila ivot tonowe, ghoro isuruuv yaam toni pa mbeb soroksorok le yaam isob. Mala maau ve pitool tiina ivot izi ndug tonowen. Tauto mbolaaŋ igham ŋgeu tonenen, le nepooŋa poia maau.

Matayu 8:22

Yesu ipamuul aliŋa ighaze: “Maau. Ndiran to titaghon ataam to mateeŋ, yes irau titavia mateeŋa. Eemoghon yom unum utaghon ghou.”

Kolosi 2:13

Muuŋ, yam agham ŋgar naol to tiyel pa tutuuŋ to Maaron, ve ataghon ŋgar to lolomim muŋgina. Pasa, sawa tonenen, Krisi indiir ŋgar to lolomim muŋgina sone. Tovenen nepooŋ tiam, yam animale yes mateeŋa. Lemim ghilalooŋ pa Maaron maau, ve irau agham ŋgar poia eta maau. Eemoghon aazne, Maaron ipamundigin gham toman Krisi, ve agham nepooŋ paghu ila toni. Pasa, ye ireu sosor toit isob ilale wa. Ro 6:13; Ep 2:1,5,11

Lukas 12:19

Isob, ghoro nasaav pa taug naghaze: Wais, naraua kat wa! Mbeb popoia naol to nandou di, nene pale iuul ghou irau ndaman katindi. Aazne ve ila, you pale ateg izi, ve naghan ve naghun, ve naneep toman lolog poia moghon.’ 1Kor 15:32; Yems 5:5

Lukas 16:19

Yesu isaav muul ighaze: “Sawa eez, mbaliiŋ tau eez inepneep. Nepooŋ toni poia kat. Moghon moghon, ye indudi pa nonogiiŋa popoiadi moghon to bodeeŋadi inimale aindan ve atiadi tintina kat. Ve sawa isob, ighanghan aniiŋ popoia moghon, ve inepneep toman tini iza.

2 Timoti 3:6

Tamtoghon todi pida pale titoova pa tilooŋ tila ruum to yes ndiliva to ledi ghilalooŋ maau, ve tigham saveeŋ ŋgoreeŋ padi leso titaghon di pa ŋgar todi. Ndiliva tonowen tighilaal tighaze yes tigham sosor katindi, ve lolodi ipataŋan pani. Eemoghon irau tipul ŋgar todi tonowen ne maau. Pasa sawa isob, ŋgar samsamia naol naol tipapazaagh di.