1 Timoti 5:11 - Mutu (Oov)

^11-12 Eemoghon yes ndinaara to papaghudi, ughur izadi ila rau to ulaaŋ malep. Pasa muri, ighaze lolodi igham pa vaiuuŋ muul, nene pale tighur muridi pa Krisi, ve tireu saveeŋ mbuaaŋ todi, ve tisosor ila Maaron mata.

Maaron Saveeŋ Tooni Patabuyaaŋ Tuam

^11-12 Eemon yes zinaara tau paghpaghuzi na, ughur ezazi ila rau to uleeŋ sov. Pa murei, isaav ighe ghaara toozi ipazaagh zi pa vaiŋ muul, ene pale tighur murizi pa Krisi, ve tireu saveeŋ mbuaaŋ toozi, ve tisosor ila Maaron maata.

1 Timoti 5:11 Referans Kwoze

1 Timoti 5:14

Tovenen you nagham ŋgar naghaze yes ndinaara papaghudi tivai muul, ve tipoop, ve tiŋgin poian taudi ruum todi, ghoro poia. Leso ledi sosor eta ila koiaadŋa matadi sob, ve irau tiyou avodi pait maau. 1Kor 7:9

Yakobus 5:5

Nepooŋamim to taan, nene poia le poia kat. Tinimim imbees kat pa mbeb to ulimim. Aghan tiina, aghun tiina, ve atub atub le animale ŋgai to sawa igharau pa tiŋgali. Lu 12:19+, 16:19+

Saveeŋ Yoŋgaaŋ 18:7

Muuŋ, ye ipakuri kat, ve igham mbeb popoiadi naol to taan tinim le, ve nepooŋ toni poia kat. Tovenen ye pale iyamaan yabyabuuŋ tiina ve itaŋ, leso iyat ŋgar toni tonowen. Pasa, ye igham tini ighaze: ‘You garawaat tidi. Nambool pa mbeb eta maau. You pale naneep ila inag to ghamuuŋ pooz, ve nepooŋ tiou poia moghon itaghoni taghoni gha ila. You naar leso nataŋ? Maau. Pataŋani eta irau ivot payou maau.’ Is 47:7+

2 Petrus 2:18

Pasa, yes tipapait taudi izadi, ve tisasavia saveeŋ soroksorok naol to le anoŋa maau. Ve tipazaagh tamtoghon pa ghamuuŋ ŋgar samsamia naol to uliid. Aghita. Ndiran pida, ŋgaramus titoor ŋgar todi ve titoova pa tipul nditadi pida to tiyel pa ataam to Maaron. Eemoghon ndiran kaaromŋa tonanan tighereb di timulmuul pa ŋgar todi muŋgina. Jud 16

1 Timoti 5:9

Ighaze ugham ŋgar pa naar eta ughaze ughur iza ila rau to ulaaŋ, yom irau uŋgabiiz poian ŋgar toni. Le isob, ghoro ughur iza ila rau, ve lupuuŋ to Krisi tiŋgini pa nepooŋ toni. Ughita yes ndinaara to ndaman todi irau tamoot tol ve izala. Ve muuŋ, tighur maat maau, ve tineep pooi toman ndizwadi moghon.

1 Timoti 4:3

Yes tiŋgalsekin tamtoghon pa vaiuuŋ, ve ghaniiŋ aniiŋ pida. Eemoghon aniiŋ to naol ne, Maaron ighur di, leso iit to taghur ila toni ve tawatag saveeŋ onoon ne, tagham di ve taghan di toman lolood poia pani. Mbnp 9:3; Mk 7:19; 1Kor 10:30+; Hib 13:4

Saveeŋ Yoŋgaaŋ 18:3

Pasa, ndug tonowen to igheghereb ndug ndug pa ghamuuŋ ŋgar samia ve yesŋa tighurghur maat. Ye ipaghun di pa vaen toni ariaŋa kat, le ŋgar todi iwaghamgham. Yes kinik to taan paam, yesŋa tighurghur maat. Ye ighaze igham mbeb popoiadi naol to taan tinim le, ve ineep poia le poia kat. Tauto ndiran to raukoliiŋ tilala toni, ve tigholia mbeb todi ila toni, ve tinim mbaliiŋ taudi.” Syg 14:8, 17:2

Saveeŋ Yoŋgaaŋ 18:9

Yes kinik to taan to muuŋ yesŋa liva tonenen tighur maat ve tigham nepooŋ poia kat ila toni, ighaze tighita yab ighani ve mbuasa iza, nene pale lolodi isami kat ve titaŋ tiina pani. Yer 50:46; Ezek 26:16+