1 Timoti 3:14 - Mutu (Oov)

^14-15 Timoti, you naghaze nalat rikia moghon ve naghita ghom. Eemoghon nambood saveeŋ tonene ilat tiom, pa ighaze mbeb eta ikis ghou ve irau nalat rikia maau, nene aliŋag tonene pale ipatooŋ ghom pa ŋgar to iit tamtoghon to Maaron irau tataghoni. Iit to taneep ila lupuuŋ to Maaron mata yaryaara ne, tanim gungun ariaŋa pa rumai toni leso tapalot saveeŋ onoon. Ve tanim didiiŋ ariaŋa pa saveeŋ onoon, ve taponpoona pa koia. Ep 2:19+

Maaron Saveeŋ Tooni Patabuyaaŋ Tuam

^14-15 Timoti, yau naghe nalat rekia mon ve naghit ghom. Eemon nabood saveeŋ tane ilat payo, pa ighe gabua eta ikis ghau ve irau nalat rekia mako, ene aliŋag tane pale ipaghazoŋai ghom pa ŋgar tau iit tamtamon to Maaron irau tataghoni. Iit tau taleep ila lupuuŋ to Maaron maata yaryaare ne, tamin rir ariaaŋa pa rumei tooni gha leso tapalot saveeŋ onoon. Ve tamin didiiŋ ariaaŋa pa saveeŋ onoon, ve taponpoona pa koiŋa. Ep 2:19+

1 Timoti 3:14 Referans Kwoze

Pilemon 1:22

O, ve mbeb ite. Naghaze yom ughur ruum suruvu eta isaŋan ghou pataghaaŋ. Pasa, naghur ila naghaze Maaron pale ilooŋ suŋuuŋ tiam, ve ipas ghou navot pa ruum to yabyabuuŋ tonene, ve nalat.

1 Korin 11:34

Ve ighaze tamtoghon eta pitool matini, nene poia pa ighan pataghaaŋ izi ruum toni. Le isob, ghoro ilat pa lupuuŋ tiam. Leso sawa to alup gham, agham sosor ila Maaron mata sob, ve ye ighur atia payam malep. You leg saveeŋ pida inepneep sone. Eemoghon irau nasavia aazne maau. Taug nalat peria, ghoro nasavia.

3 Yoan 1:14

Pasa, lolog ighur naghaze mala maau pale taug nalat naghita ghom ve ituru tasavsaav.

2 Yoan 1:12

You leg saveeŋ naol to naghaze nasavia payam. Eemoghon lolog pa nambooda ila rau maau. Naghaze taug nalat naghita gham ve itiŋa tasavsaav. Tagham tovene, ghoro lolood poia kat.

Hibru 13:23

You napaes payam pa itaad ite Timoti. Ye, tipuli ivot pa ruum to yabyabuuŋ wa. Ve ighaze inim ivot rikia, nene pale yeru nilat nighita gham.

1 Timoti 4:13

Sawa to usasaŋan ghou, upul taum kat pa uraat tiom. Uwatwaat Maaron aliŋa pa tamtoghon, upatoot di pani, ve upalot di pa titaghoni.

1 Timoti 3:13

Yes uraata to tinidi imbees pa uraat todi, nene pale varudi poia. Ve Maaron tau pale ipariaaŋ di. Leso timatughez sob, ve tighur ila to Yesu Krisi kat, ve tiyoon ariaŋa pa votiaaŋ Maaron aliŋa. Mt 25:21; 1Tim 5:17