1 Timoti 2:11 - Mutu (Oov)

¹¹ Ighaze alup gham pa suŋuuŋ, yes ndiliva irau tineep ila yes ŋginiiŋa sambadi, ve neneeŋadi, tighur taliŋadi pa Maaron saveeŋ toni, ve tigham ŋgar pani pooi. 1Kor 14:34+

Maaron Saveeŋ Tooni Patabuyaaŋ Tuam

¹¹ Isaav ighe alup gham pa suŋuuŋ, na yes zilivaa aat tileep ila yes ŋginiiŋa sambazi, tineneeŋ, ve tighur taliŋazi pa Maaron saveeŋ tooni, ve tigham ŋgar pani poi. 1Kor 14:34+

1 Timoti 2:11 Referans Kwoze

1 Korin 11:3

Ve aazne, naghaze yam awatag kat tovene: Krisi, ye inim daba pa nditamoot tisob, ve nditamoot tinim daba pa ndizwadi. Ve Maaron to inim daba pa Krisi. Mbnp 3:16; Ep 1:22, 5:23; 1Pe 3:1,5

1 Petrus 3:1

Yam ndiliva vaivaiŋa paam, you nasaav payam tovene. Atatan taumim ve aneep ila ndizwamim sambadi. Ighaze todi pida tizorzoor Maaron aliŋa, yamŋa awazoran gham malep. Apul saveeŋ padi. Pasa, ighaze tighita gham atandag padi, ve amatughez pa Maaron ve ataghon ŋgar toni, ve agham ŋgar ŋgalaaŋa moghon, nene pale ŋgar tiam tonanan ighereb di tila to Krisi. Leso yes paam tighur ila toni ve tinim le. 1Kor 7:14+; Kol 3:18; Tit 2:5

Titus 2:5

Ve lolodi ipazaagh di rikia malep. Atedi imaat ve tigham ŋgar pooi, ghoro tigham mbeb. Ve titaghon ŋgar ŋgalaaŋa ila Maaron mata, tiŋgin poian ndug ve ruum todi, tigham poian tamtoghon, ve titatan taudi ve tineep ila ndizwadi sambadi. Leso tamtoghon tipiyaav saveeŋ samia iŋarua Maaron aliŋa sob. Ep 5:22; Kol 3:18; 1Pe 3:1

Kolosi 3:18

Yam ndiliva, atatan taumim ve aneep ila ndizwamim sambadi. Pasa, ighaze iit to tanim Tiina toit Krisi le tataghon ŋgar tovene, nene deŋia. Tit 2:5

1 Timoti 2:10

Pasa, ndiliva to tisaav tighaze yes tiroron pa Maaron ve titaghon ŋgar toni, nene ŋgar popoia to tighamgham di, tauto tinim tikooŋ padi. 1Tim 5:10