1 Petrus 4:1 - Mutu (Oov)

^1-2 Tovenen sawa to Krisi ineep izi taan, ye imbaad pataŋani ve iyamaan yabyabuuŋ ila tini, leso iuul ghiit. Yam tovene paam. Agharaat gham ve asaŋan pa badooŋ pataŋani. Leso ataghon ŋgar to Krisi tonowen. Pasa, tamtoghon to ighaze imbaad pataŋani pa Krisi iza ve iyamaan yabyabuuŋ ila tini, ye isob pa ŋgar samia wa. Tovenen sawa to ye ineep izi taan, ŋgar to lolo muŋgina irau igham pooz pani muul maau. Ye pale itaghon Maaron lolo. Ro 6:2+; 2Kor 5:15; Ga 5:24; 1Pe 2:21

Maaron Saveeŋ Tooni Patabuyaaŋ Tuam

^1-2 Tauvene saawe tau Krisi ileep izi taan, i ibaad pataŋani, ve iyamaan yavyavuuŋ ila tiini, leso iuul ghiit. Yam tauvene paam. Ataghon ŋgar to Krisi tana, agharaat gham, ve asaŋan pa badooŋ pataŋani. Pa tamtamon tau ighe ibaad pataŋani pa Krisi eeza ve iyamaan yavyavuuŋ ila tiini, ene i ipul ŋgar saghati wa. Tauvene saawe tau i ileep izi taan, ŋgar to loolo muŋgaana irau igham pooz pani muul mako. I pale itaghon Maaron loolo. Ro 6:2+; 2Kor 5:15; Ga 5:24; 1Pe 2:21

1 Petrus 4:1 Referans Kwoze

Galesia 5:24

Yes to tinim Yesu Krisi le, tigham lolodi muŋgina toman ŋgar samsamia naol to lolodi muŋgina ipapazaagh di pani ne, ve tirab di tizala ai pambarooŋ ve timaat wa. Ro 6:6; Ga 2:20; Kol 3:5

1 Petrus 3:18

Agham ŋgar pa Krisi. Ye ŋgeu deŋia kat. Eemoghon igham iit tamtoghon samsamiaad inaad, ve iyamaan yabyabuuŋ ila tini ve imaat, leso ireu sosor toit ve igham ghiit tala to Maaron. Uraat tonowen, ye ighami pa ee moghon, ve isob. Irau ighami muul maau. Ve Maaron Avuvu ipamundigini pa mateeŋ, ve aazne ye ineep mata iyaryaar izi sambam.

Rau Tau Paulus Iboode Pa Yes Roma Rom--Romans 6:11

Yam tovene paam. Agham ŋgar aghaze: “Yei to ninim Yesu Krisi le, nipul ŋgar samia wa. Yei ninimale yes mateeŋa to irau tigham ŋgar samia muul maau. Ve aazne, nineep pa ghamuuŋ uraat itaghon Maaron lolo ve ŋgar toni.” 2Kor 5:14+; Ga 2:20; Kol 3:3+

Galesia 2:20

Tovenen nepooŋ tiou to aazne naghami izi taan, nene taug naŋgini muul maau. Krisi to inepneep ila lolog ne, tauto iŋgin nepooŋ tiou. Tovenen you naghur ila to Maaron Natu to ighur lolo payou kat, ve ipul tau imaat payou. Ghurla tiou tonene, tauto aazne ighamgham pooz payou pa nepooŋ tiou to taan. Ro 6:6,11, 7:6; 2Kor 5:15

Rau Tau Paulus Iboode Pa Yes Roma Rom--Romans 6:7

Tamtoghon to ighaze imaat wa, nene samia tapiri irau ikisi muul maau. Ro 8:2; 2Kor 3:17; 1Pe 4:1

Epesus 6:13

Tovenen yam irau agharaat gham, ve aghur mbeb tisob to malmal to Maaron igham di pait. Leso sawa to ighaze tovaaŋ samia ivot payam, yam pale ayoon tuŋia, ve aparab ariaŋa ve alib pa tovaaŋ tonenen. Ataam to ayoon tuŋia, nene vene: 2Kor 6:7, 10:4

Pilipai 2:5

Ŋgar to Yesu Krisi, akisi tuŋia ila lolomim. Mt 11:29; Yo 13:15; 1Yo 2:6

Rau Tau Paulus Iboode Pa Yes Roma Rom--Romans 6:2

Maau kat! Iit to taghur ila to Krisi, tapul ŋgar samia wa, tanimale yes mateeŋa. Pale tataghon ataam samia muul vena? Kol 3:3+; 1Pe 2:24

Hibru 12:3

Onoon, sawa to ye ineep izi taan, ndiran samsamiadi tighur koi pani, ve tizorzoora. Eemoghon ye iyoon ariaŋa pa badooŋ pataŋani tonowen. Tovenen matamim kisin ŋgar to ye ighami, ve ataghoni. Pa vene, pataŋani tiam itatan gham le tapirimim isob. Lu 2:34; Syg 2:3

Hibru 4:10

Ighaze Maaron igham tamtoghon eta ate izi, nene pale uraat toni isob, ve ate izi kat, inimale Maaron ighur sambam ve taan le isob, ghoro ate izi. Syg 14:13

1 Petrus 2:21

Maaron ipoi gham anim le, leso ataghon ŋgar tovene. Aghita. Krisi imbaad pataŋani tiina kat pa iuul gham. Ye ipatooŋ gham pa ŋgar toni tonowen, leso aghita ve ataghon aghe muri. Mt 16:24; Yo 13:15; 1Yo 2:6

Markus 3:3

Yesu isaav pa ŋgeu to nima imaat ighaze: “Unum uyoon sualen.”