1 Petrus 2:7 - Mutu (Oov)

⁷ Yam to aghur ila, aghita Krisi inimale yaam poiawaat eez to atia tiina kat. Ve yes to tighur ila maau ne, Maaron aliŋa waaro ru, nene deŋia kat padi: “Yaam to yes to reiŋ ruum matadi velegini ve tipiyaava ilale, tauto tighuri inim pughu pa ruum ve ipaloti. Leso ruum iyoon ariaŋa izala pogho. Mbo 118:22; Mt 21:42

Maaron Saveeŋ Tooni Patabuyaaŋ Tuam

⁷ Yam tau aghur ila na, aghita Krisi imin maet paghuuna kat tau atuya tiina na. Eemon yes tau tighur ila mako na, Maaron aliiŋa ziiri ru iduduuŋ pazi kat: “Maet tau yes to raoŋ ruum matazi veleghini ve tisiki ilale, tauta tighuru imin puughu pa ruum. Leso ipaloti, ve ruum iyooz ariaaŋ izala paavo. Mbo 118:22; Mt 21:42

1 Petrus 2:7 Referans Kwoze

Matayu 21:42

Ghoro Yesu isaav padi muul ighaze: “Maaron aliŋa waaro eez to timbooda, yam awaata rita, ma maau? Saveeŋ tonowen isaav ighaze: ‘Yaam to yes to reiŋ ruum matadi velegini ve tipiyaava ilale, tauto inim pughu pa ruum ve ipaloti. Leso ruum iyoon ariaŋa izala pogho. Maaron tau igham mbeb tonene ivot. Ve yei nighita inimale mbeb gharatooŋa eez ila matamai.’ ” Mbo 118:22+

1 Petrus 2:8

Yaam tonowen, tamtoghon pida pale titut aghedi ila, ve titap tizi. Ve pida tighita ve tirere pani. Tauto igham di titap.” Is 8:14 Yes titap pasa, tizoor Maaron aliŋa. Ŋgar todi tonowen, Maaron ighuri padi pataghaaŋ wa. Lu 2:34, 20:18

1 Petrus 1:8

Onoon, yam aghita Krisi pa matamim pa eta sone. Eemoghon aghur ila toni, ve lolomim pani kat. Tauto igham gham lolomim poia le poia kat. Ighaze atoova pa asavia lolomim, pale asavia iza to sa? Mbeb eta iraua maau. Yo 20:29; 2Kor 5:7

Hibru 11:31

Reap, ye liva to ataam. Eemoghon ighur ila to Maaron. Tovenen sawa to Yosua imbaaŋ yes sandiri tila pa tighita ndug, Reap igham di tila ruum toni, ve iŋgin poian di. Tauto sawa to yes Israela tirab ival tiina to Yeriko to tizoor Maaron aliŋa, yes tirab Reap maau. Tipuli ineep. Yos 2:1+, 6:22+; Yems 2:25

Hibru 4:11

Tovenen iit irau tazuaria ghiit kat le taneep ateed izi itaghon Maaron ŋgar toni. Pa vene, toit eta izoor Maaron inimale yes Israela, ghoro itap pa ghurla toni, ve irau igham nepooŋ tonowen maau.

Titus 3:3

Pasa, muuŋ, iit paam takankaan pa Maaron ve taghamgham ŋgar to borouŋa. Tazorzoor Maaron aliŋa, ve taghur ila ŋgar kaarom naol to ipaghau ghiit pa ataam toni. Sawa tonenen, iit tanim mbesooŋa pa ŋgar samsamia naol to uliid to lolood igham padi. Ve mataad iŋgalŋgal ŋgar samsamia naol pa tamtoghon, ve taghurghur koi pa nditaad to ledi mbeb katindi, ve tawaghurun koi pa tauud. 1Kor 6:11; Ep 2:1+; 1Pe 4:3

Kolosi 2:10

Ve mbeb naol to tapiridi tintina ve tighamgham pooz pait ne, ye inim daba padi ve iŋgin di. Tovenen yam to aneep tuŋia ila to Krisi, ye ipavonin gham kat pa Maaron tapiri ve ŋgar toni isob, ve agham nepooŋ poia kat ila toni. Yo 1:16; Ep 1:21+; 1Pe 3:22

2 Korin 2:16

Yes to pale tilaledi, tiyaaz naunauŋ tonene vuzi poia maau, inimale mateeŋa vuzidi. Ve naunauŋ tonene pale inim pughu pa timaat ve tilaledi. Ve yes to titaghon ataam to nepooŋ poia, tiyaaz naunauŋ tonene vuzi inimale mbeb poia kat. Pasa, ipatooŋ di pa ataam to tigham nepooŋ poia ila to Maaron. Uraat to Maaron ighuri inim nimamai, nene pataŋani. Sei iraua? 1Kor 1:18; 2Kor 4:3; 1Pe 2:7+

Rau Tau Paulus Iboode Pa Yes Roma Rom--Romans 10:21

Eemoghon yes Israela, Isaia isavia saveeŋ iŋarua di ighaze: “Yam to taliŋamim saambu maau ve azorzoor aliŋag, sawa isob you nakaak nimag ve nasasaŋan gham pa amuul anim tiou. Eemoghon anim maau.” Is 65:2

Uraat To Yes Mbaŋooŋa 26:19

“O kinik Agripa, mbeb to you naghita, nene ilaagh sambam ve izi inim. Tovenen irau nazoora maau.

Yoan 4:42

Ve tisaav pa liva tonowen tighaze: “Papazogi yei nilooŋ saveeŋ tiom moghon, ve nighur ila to ŋgeu tonene. Ve aazne, taumai nilooŋ saveeŋ ila ye tau avo. Tauto niwatag nighaze onoon kat, ŋgeu tonene, ye Volaaŋa to pale igham mulin ival tiina to taan.” Lu 2:11; 1Yo 4:14

Lukas 20:17

Yesu mata ila padi, ve isaav ighaze: “Nene pale vena pa Maaron aliŋa waaro eez to timbooda? Isaav ighaze: ‘Yaam to yes to reiŋ ruum matadi velegini ve tipiyaava ilale, tauto inim pughu pa ruum ve ipaloti. Leso ruum iyoon ariaŋa izala pogho.’ Mbo 118:22

Lukas 2:32

Ye pale inim ghazooŋa pa yes to Yuda maau ne, ve ipaghazoŋan di payom. Ve igham tamtoghon tiom Israel izadi ivot inim tiina paam.” Is 42:6, 49:6; Mbaŋ 13:47, 26:23

Lukas 2:34

Ghoro Simeon ighur poia to Maaron iza todi, ve isaav pa Yesu tina Maria ighaze: “Ulooŋ. Pain tonene, Maaron ighuri pa valagiiŋ tamtoghon katindi to Israel. Pida pale tizuruni ve titap ve tilaledi. Ve pida, ye pale igham di timundig tiyoon. Pasa, ye pale igham ŋgar to ineep ila tamtoghon lolodi ivot ighazooŋ. Eemoghon tamtoghon katindi pale tizuruni. Ve ŋgar to pale ivot pani, nene yom pale uyamaana inimale buza mata iŋgal atem.” Is 8:14; Mt 21:42+; Yo 19:25; Ro 9:32+

1 Petrus 2:4

Krisi, ye inimale yaam mata yaryaara to ikis rumai to Maaron iyoon ariaŋa. Tovenen yam aŋarua ala. Onoon, tamtoghon tivelegi tighaze ye tamtoghon sorok, ve tizuruni. Eemoghon Maaron tau ighuri pa uraat toni, ve lolo pani kat. Ye ighita Krisi inimale yaam poiawaat to atia tiina kat.